Jabuuroolu 103:7 - Mandinka Bible

⁷ A ye kuwolu lankenemayandi Musa ye le, a lafita mennu ke la, aduŋ a ye a la kaawakuu baalu yitandi Banisirayilankoolu la le.

Jabuuroolu 103:7 ပူးပေါင်းရင်းမြစ်များ

2 Musa 33:13

Niŋ n na kuwo ye i seewoo, i la siloo yitandi n na, fo n si i loŋ kendeke, aniŋ ka i seewondi. I hakiloo si tara ñiŋ kaŋ ko, ñiŋ moolu mu i fansuŋ moolu le ti.”

Jabuuroolu 147:19

A ye a la kumoolu dii Yaakuba koomoo la le, meŋ mu Banisirayila ti, a ye a la yaamaroolu niŋ luwaalu dii ì la le.

Jabuuroolu 78:11

Ì ñinata le a ye kuwolu mennu ke, a ye kaawakuwolu mennu yitandi ì la.

Nehemiya 9:14

I ye ì kalamutandi i la Loobula Luŋ senuŋo la le, ka yaamaroolu dii ì la, karandiroolu, aniŋ luwaalu, ka bo niŋ ì la dookuulaa Musa la.

Jabuuroolu 77:20

I ye i la moolu kenkeŋ ne komeŋ koorewo, i ye ì la kuwo duŋ Musa niŋ Haaruna le bulu.

5 Musa 34:10

Annabiyomu nene maŋ soto Banisirayila kono meŋ be ko Musa, meŋ niŋ Yaawe diyaamuta jaharaŋo ñaama.

Jabuuroolu 99:7

A ye i danku ì ma, ka bo minaayi samasimmaa kono. Ì ye a la luwaalu muta, aniŋ a la yaamaroolu, a ye mennu dii ì la.

Jabuuroolu 78:5

Alla ye luwaalu le dii Yaakuba koomalankoolu la, a ye yaamaroolu le dii Banisirayilankoolu la. A ye m̀ mumuñolu yaamari le ka ì diŋolu karandi wolu la,

2 Musa 20:21

Moolu tuta looriŋ dulaa jaŋo le to, biriŋ Musa taata diboo kono Alla be daameŋ.

2 Musa 19:20

Yaawe jiita naŋ Sinayi Konkoo turoo to, a ye Musa kumandi, fo a si naa konkoo santo. Bituŋ Musa taata.

2 Musa 19:8

Moolu bee ye jaabiroo ke ñoo la ko, “Yaawe ye feŋ-wo-feŋ fo, m̀ be wo le ke la.” Bituŋ Musa ye ì la jaabiroo murundi Yaawe kaŋ.

Jabuuroolu 106:22

kaawakuwolu a ye wolu le ke jee, aduŋ a ye kijafara kuwolu le ke Kulunjumbe Baa to.

4 Musa 12:7

Bari n na dookuulaa Musa la karoo la, kuwolu fatata le. Ŋa n na moolu bee karafa ate le ma.

Jabuuroolu 111:6

A ye a semboo yitandi a la moolu la le, ka bo niŋ wandi bankoolu la, a ye mennu dii ì la.