Jabuuroolu 103:22 - Mandinka Bible

²² Yaawe la daafeŋolu bee si a jayi daa-wo-daa, a la mansabaayaa kono. Nte niyo be Yaawe jayi la le.

Jabuuroolu 103:22 ပူးပေါင်းရင်းမြစ်များ

Jabuuroolu 145:10

Yaawe, i la daafeŋolu bee be i jayi la le, i la lannamoolu bee ye i tentu.

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Jabuuroolu 150:6

Niilamaa feŋolu bee, ali Yaawe jayi. Ali Yaawe jayi.

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

Yesaya 43:20

Wulakono daafeŋolu ye m buuñaa le, hani kunkuwuloolu niŋ kiikiyaŋolu, bayiri ŋa jiyo ke keñewuloo* kono le, aniŋ dulaa jaariŋolu, ka jiyo dii n na moolu la, ŋa mennu tomboŋ,

Jabuuroolu 146:1

Ali Yaawe* jayi. Nte be Yaawe jayi la n niyo le la.

Jabuuroolu 104:35

Allamaa junubelaalu ye buruka duniyaa kono. Allamaa moo kuruŋolu yeemaŋ na fo fawu. Nte niyo be Yaawe jayi la le. Ali Yaawe jayi.

Jabuuroolu 104:1

Nte niyo be Yaawe* jayi la le. Hee Yaawe n na Alla, ite warata baake le. I ye horomoo niŋ waroo duŋ ne ko dendikoo.

Jabuuroolu 103:1

Nte niyo be Yaawe* jayi la le. Ka bo niŋ n sondomoo bee la, m be a too senuŋo jayi la le.

Jabuuroolu 145:21

Wo to, nte be tu la Yaawe jayi la le. A la daafeŋolu bee, ali a tentu a too senuŋo la fo abadaa.

Jabuuroolu 148:1

Ali Yaawe* jayi. Ali Yaawe jayi ka bo Arijana kono santo. Alitolu mennu be alihawaa kono, ali a jayi.