Jabuuroolu 103:19 - Mandinka Bible

¹⁹ Yaawe ye a la mansasiiraŋo londi Arijana kono le, aduŋ ate le mu daafeŋolu bee la Mansa ti.

Jabuuroolu 103:19 ပူးပေါင်းရင်းမြစ်များ

Jabuuroolu 47:2

Muna, Yaawe* Mansa Tallaa ñaasilaŋo warata le. Ate le mu duniyaa bee Mansa baa ti.

Jabuuroolu 9:7

Yaawe be tu la siiriŋ a la mansasiiraŋo kaŋ ne fo abadaa. A ye a la mansasiiraŋo londi le ka kiitiyo teyi.

1 Pita 3:22

Ate Yeesu taata Arijana kono le, aduŋ a be Alla bulubaa karoo le la. Malaayikoolu, kantiyolu niŋ sembetiyolu bee be a la maraloo le koto.

Jabuuroolu 11:4

Yaawe be a taradulaa senuŋo to le, a ka a la mansabaayaa taamandi le ka bo Arijana kono, a ñaa be kuwo bee le la, aduŋ a ka hadamadiŋolu bee le koroosi.

Hiburunkoolu 8:1

M̀ be kuu kummaa meŋ fo kaŋ, a fele: Ŋà piriisi* kuntii baa le soto, meŋ be siiriŋ Alla Mansa Tallaa la mansasiiraŋo bulubaa karoo la Arijana kono.

Jabuuroolu 115:3

Ǹ na Alla be Arijana kono le, meŋ diyaata a ye, a ka wo le ke.

Daniyeli 4:25

Ì be i bayi la le ka bo hadamadiŋ kontoo kono, aduŋ i niŋ daafeŋolu le be tara la ñoo kaŋ. I be ñaamoo ñimi la le ko ninsoo, aduŋ komboo be jii la i kaŋ ne, ka i sinandi, fo sanji woorowula. Niŋ wo keta, i be a loŋ na le ko, Alla Mansa Tallaa le marata hadamadiŋolu la mansamarali bankoolu ma, aduŋ moo-wo-moo diyaata a ye, a ka a dii wo le la.

Yesaya 66:1

Yaawe* ye ñiŋ ne fo ko: “Arijana le mu n na mansasiiraŋo ti, duniyaa mu n siŋ looraŋo ti. Ali be buŋo meŋ loo la n ye, a be ke la muŋ buŋ siifaa le ti? N na dahaa dulaa be ke la muŋ dulaa siifaa le ti?”

Jabuuroolu 2:4

Ate meŋ be siiriŋ mansasiiraŋo kaŋ Arijana, a jeleta le. Maariyo ye ì muta jelefeŋo le ti.

Daniyeli 4:17

“Malaayikoo tententa ka a fo ko: ‘Ñiŋ kuluuroo be taamandi la malaayika koroosirilaalu la kaŋo le la. Niŋ wo keta, duniyaa moolu bee si a loŋ ko, Mansa Tallaa le marata hadamadiŋolu la mansamarali bankoolu bee ma. Niŋ a lafita ka mansamarali bankoo dii moo-wo-moo la, a ka a dii wo le la, hani niŋ a maarii la kuwo dooyaata moolu bee kono.’ ”

1 Taarika 29:11

Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

1 Taarika 29:12

Fankoo niŋ horomoo ka bo ite le bulu. Ite le mu feŋo bee maralaa ti. Bambaŋo niŋ semboo be ite le buloo kono, ka moo wulindi aniŋ ka a bambandi.

Daniyeli 7:14

Wo le to a ye kaŋo dii a la, horomoo, aniŋ mansayaa semboo, ñiŋ kamma la banku-wo-banku, sii-wo-sii, aniŋ moolu bee si a batu. A la mansayaa semboo be tu la keriŋ ne fo abadaa, aduŋ a la mansabaayaa te baŋ na.