Jabuuroolu 103:18 - Mandinka Bible

¹⁸ mennu ye a la kambeŋo muta, ì ka tu tilindiŋ a la yaamaroolu kaŋ.

Jabuuroolu 103:18 ပူးပေါင်းရင်းမြစ်များ

5 Musa 7:9

Wo to ali si ñiŋ loŋ ko, Yaawe ali la Alla dammaa le mu Alla ti, meŋ foroyaata, aduŋ a ka kambeŋo muta, a niŋ moolu ye meŋ siti. Ate le ka kanu bambaloo yitandi jamaani wuliwuloo moolu la mennu ye a kanu, aduŋ ì ka a la yaamaroolu muta.

Luka 1:6

Ì bee tilinta Alla ñaa koto le, ì ye Maariyo la luwaalu niŋ yaamaroolu bee le muta a ñaama.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Kuma Kotoomaalu 3:1

N diŋo, kana ñina n na karandiroo la, aduŋ i si n na yaamaroolu muta i sondomoo kono.

Jabuuroolu 132:12

Niŋ i diŋolu ye n na kambeŋo muta, aniŋ m be yaamaroolu mennu dii la ì la, ì diŋolu fanaa be sii la i noo to le, ka ke mansoolu ti fo abadaa.”

Jabuuroolu 25:10

Yaawe ka kuwo bee taamandi tiliŋo niŋ kanu bambaloo le kono moolu ye mennu ka a la kambeŋo muta, aniŋ a la yaamaroolu.

2 Musa 24:8

Musa ye yeloo kara doo taa wo le ñaama, a ye a sari moolu kaŋ, a ko, “Ñiŋ ne mu kambeŋo yeloo ti, Yaawe niŋ ali ye meŋ siti, aniŋ a la yaamaroolu.”

Kiilaalu 24:16

Wo kamma la n ka a kata baake le waati-wo-waati ka baluu tiliŋo kono Alla niŋ moolu bee ñaa koto, fo n sondomoo kana n tuumi noo feŋ na.

2 Musa 19:5

Niŋ ali ye n horoma a ñaama, ka n na kambeŋo muta, ali be ke la m fansuŋ moolu le ti, m be mennu tomboŋ na ka bo bankoolu bee kono. Hani duniyaa bee keta n taa ti ñaa-wo-ñaa,

2 Taarika 34:31

Bituŋ mansa loota a loodulaa to. A ye kambeŋo kutayandi kuu a niŋ Yaawe teema, ka bula a nooma, ka a la yaamaroolu, a la luwaalu, aniŋ a la kumoolu muta a niyo niŋ a sondomoo bee la, ka baara kambeŋo kumakaŋo la, ko a be safeeriŋ ñiŋ kitaaboo kono ñaameŋ.

5 Musa 4:23

Wo kamma la ali ali hakiloo tu, ali kana ñina Yaawe ali la Alla la kambeŋo la, a niŋ ali ye meŋ siti. Ali kana jalaŋo dadaa feŋ muluŋ na, kaatu Yaawe ye wo haraamuyandi ali ma le.

1 Tesalonikankoolu 4:1

Baadiŋolu*, m̀ be ali daani kaŋ Maarii Yeesu Kiristu* too la ka baluu niŋ baluuñaa la meŋ ka Alla seewondi. Wo mu baluuñaa le ti, ali ye meŋ karaŋ nuŋ ntolu bulu, aduŋ tooñaa, ali be baluuriŋ wo le ñaama. Wo ñaa-wo-ñaa, m̀ be ali wakiilindi la ka ali la katoo kafu,

4 Musa 15:40

Ali hakiloo si muru ka n na yaamaroolu bee nooma, aduŋ ali si seneyaa n na karoo la, ali la Alla.

5 Musa 7:12

Niŋ ali ye ali hakiloolu tu ñiŋ yaamaroolu to, ali taamata ì la a ñaama, Yaawe ali la Alla be tenteŋ na le ka kambeŋo timmandi a niŋ ali teema, aniŋ ka a la kanu bambaloo yitandi ali la, ko a ye i kali ali mumuñolu ye ñaameŋ.

Yesaya 64:4

Kabiriŋ koomanto nuŋ, moo nene maŋ a moyi, sako ka i hakilitu a to, moo ñaa nene maŋ Alla je meŋ be ko ite, meŋ ka loo moolu ye, mennu ka a batu.