Jabuuroolu 102:3 - Mandinka Bible

³ N na baluwo be yeemaŋ kaŋ ne ko siisiyo, n kuloolu kono ka n teyi ko dimbaa.

Jabuuroolu 102:3 ပူးပေါင်းရင်းမြစ်များ

Yankuba 4:14

Ali maŋ hani kuwo loŋ, meŋ be naa saama! Muŋ ne mu ali la baluwo ti? Ali mu tuutuwo doroŋ ne ti, meŋ ka finti waatindiŋ doroŋ, a ye yeemaŋ.

Niikuyaa Suukuwolu 1:13

“Nte Yerusalaamu saatee senuŋo! Yaawe ye dimbaa le kupi n kaŋ, a la janoo dunta fo n kuloo kono. A ye kutindiŋo le laa n ñaato, a ye n yelemandi n koo la, a ye n kenseŋo tu, a ye n tu keturiŋ las.

Jabuuroolu 37:20

Yaawe be moo kuruŋolu kasaara la le. A jawoolu be ke la le komeŋ wulakono firoo, ì be yeemaŋ na le komeŋ siisiyo.

Yuuba 30:30

M balajaatoo finta, a bee wurata, m baloo kono kandita wit.

Jabuuroolu 31:10

Kaatu n na baluwo keta niitooroo le ti, aniŋ sikisikoo doroŋ, m baluu saŋolu bee la. N na ŋayiboo ye a tinna le n semboo banta. N kuloolu faŋo korita le.

Niikuyaa Suukuwolu 3:4

Busaroo ye m balasuboo jandi le, a ye m balafuuraa fasandi jat, a ye n kuloolu teyiŋ-teyiŋ.

Jabuuroolu 119:83

M fasata le komeŋ niŋ sufura bootoo meeta siisiyo kono, hani wo m maŋ ñina i la luwaalu la.

Jabuuroolu 38:3

I la kamfaa ye a tinna le, n jaatoo maŋ sahayaa. Kendeyaa te n kuloolu faŋo kono n na junuboolu kamma la.

Jabuuroolu 27:9

Kana i ñaa kaasi n na. Kana kamfaa, i ye nte i la dookuulaa bayi. Ite le mu m maakoyilaa ti. Hee Alla, n tankandilaa, kana m bula, aduŋ i kana i koo dii n na.

Jabuuroolu 31:3

Bayiri i mu n ye semberaŋ beroo niŋ tatoo le ti, n kenkeŋ, i ye n kanta, i too kamma la.