Jabuuroolu 101:1 - Mandinka Bible

¹ M be kanu bambaloo niŋ tooñaa taamandoo le suukuu la. Yaawe*, m be a laa la ite le ye.

Jabuuroolu 101:1 ပူးပေါင်းရင်းမြစ်များ

Jabuuroolu 89:1

Yaawe*, m be tu la i la kanu bambaloo laa la suukuwo ti le fo fawu. M be i la tiliŋo kankulaa la le jamaanoolu bee la.

Jabuuroolu 145:7

Ì be i la beteyaa baa seyinkaŋ na le, ì ye i la tiliŋo laa suukuwo ti.

Jabuuroolu 51:14

Hee Alla, n na kiisandirilaa, yamfa n na moofaa la, m be i la tiliŋo suukuu la le.

Jabuuroolu 97:8

Siyoni* moolu ye ite Yaawe la kiitindiroolu moyi le, ì kontaanita, Yahuuda saatewolu fanaa seewoota.

Roomankoolu 11:22

Alla la beteyaa niŋ a la saŋaroo juubee. A saŋarata moolu le kamma, mennu boyita, bari a be beteyaa la ite fee le, niŋ i tententa a la beteyaa kono. Niŋ wo nte, ite fanaa be kuntu la le.

Jabuuroolu 92:2

Kuu kende le mu, ka i la kanu bambaloo kankulaa soomandaa-wo-soomandaa, aniŋ i la tiliŋo suuto-wo-suuto,

Mika 6:8

Ite hadamadiŋo, Yaawe ye a fo i ye le, meŋ mu kuu kendoo ti, aduŋ a ye meŋ kaniŋ i bulu, wo le mu, ka tooñaa taamandi, ka beteyaa kanu, aniŋ ka bula Alla nooma, i Maarii, fammajiyo kono.