Jabuuroolu 100:5 - Mandinka Bible

⁵ Kaatu Yaawe beteyaata le, a la kanu bambaloo be tu la le fo abadaa, aduŋ a la tiliŋo be tara la keriŋ ne fo fawu.

Jabuuroolu 100:5 ပူးပေါင်းရင်းမြစ်များ

Jabuuroolu 106:1

Ali Yaawe* jayi. Ali Yaawe tentu, kaatu a beteyaata le, a la kanu bambaloo be tu la le fo abadaa.

Jabuuroolu 107:1

Ali Yaawe* tentu kaatu a beteyaata le, a la kanu bambaloo be tu la le fo abadaa.

Jabuuroolu 86:5

Maariyo, ite beteyaata le, aduŋ i ka yamfa, i ka tu kanu bambaloo le yitandi la moolu la mennu ka i daani.

Jabuuroolu 36:5

Yaawe*, i la kanu bambaloo la waroo nakita saŋ fatoolu la le, i la tiliŋo futata minaayoolu ma le.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

1 Taarika 16:34

Ali Yaawe tentu, kaatu a beteyaata le, a la kanu bambaloo be tu la le fo abadaa.

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Luka 1:50

A ka a la balafaa yitandi a ñaasilannaalu le la, ka bo jamaani ka taa jamaani.

Nahumu 1:7

Yaawe beteyaata le, tankandirilaa, maasiiba waatoo la. A ka moolu le kanta mennu ka ì jikoo loo ate doroŋ kaŋ.

Jabuuroolu 119:68

Ite beteyaata le, i ka kuu betoo doroŋ ne ke. N karandi i la luwaalu la.

Jabuuroolu 107:22

Ì ñanta tenturulaŋ sadaalu* bondi la a ye le, aniŋ ka suukuwolu laa niŋ seewoo la, ka a fo a ye kuwolu mennu ke.

Jabuuroolu 107:8

Ì ñanta Yaawe tentu la a la kanu bambaloo kaŋ ne, a ye kaawakuu baalu mennu ke hadamadiŋolu ye.

Jabuuroolu 85:10

Alla la kanu bambaloo niŋ tooñaa be beŋ na le, tiliŋo niŋ kayiroo ye ñoo sumbu.

Esira 3:11

Ì ye suukuu laa niŋ laamutoo ke, ka Yaawe jayi aniŋ ka a tentu. Ì ka a fo le ko: “Yaawe beteyaata le, aduŋ a la kanu bambaloo be tu la Banisirayila fee le, fo abadaa.” Bituŋ moo bee ye ì kaŋo bula ka Yaawe jayi baake, kaatu Yaawe Batudulaa Buŋo fondamaŋo laata le.

Titus 1:2

Wo tooñaa le ka jikoo dii ì la badaa-badaa baluwo to. Alla meŋ buka faniyaa fo, ate le ye laahidoo dii wo kuwo to, janniŋ jamaanoolu be dati la,

Jabuuroolu 52:1

Ite jarintewo, muŋ ne ye a tinna i ka i faŋ wara kuu jawoolu kaŋ, a ye a tara Alla la kanu bambaloo be nte le fee luŋ-wo-luŋ?

Mika 7:20

I be hiina la ǹ ye le, ka i la kanu bambandiŋo yitandi ǹ na, ko i kalita a la ñaameŋ m̀ mumuñolu ye, Iburayima niŋ Yaakuba, m̀ bonsuŋolu, biriŋ waati jaŋ koomanto.

Jabuuroolu 107:15

Ì ñanta Yaawe tentu la a la kanu bambaloo kaŋ ne, a ye kaawakuu baalu mennu ke hadamadiŋolu ye.

5 Musa 7:9

Wo to ali si ñiŋ loŋ ko, Yaawe ali la Alla dammaa le mu Alla ti, meŋ foroyaata, aduŋ a ka kambeŋo muta, a niŋ moolu ye meŋ siti. Ate le ka kanu bambaloo yitandi jamaani wuliwuloo moolu la mennu ye a kanu, aduŋ ì ka a la yaamaroolu muta.

Jabuuroolu 146:6

Ate le ye saŋo niŋ bankoo daa, aniŋ fankaasoo, ka taa feŋolu mennu bee be ì kono, aduŋ a ka tu tilindiŋ a la laahidoolu kaŋ ne fo abadaa.

Jabuuroolu 25:8

Yaawe beteyaata le, aduŋ a tilinta, wo kamma la a ka junubelaalu karandi a la siloolu la le.

Jabuuroolu 138:8

Hee Yaawe, i be i la natoolu timmandi la n ye le. Yaawe, i la kanu bambaloo be tu la le fo abadaa. Kana i buloo bo dookuwo to i ye meŋ dati.