Jabuuroolu 10:8 - Mandinka Bible

⁸ A ka deleŋo laa moolu kamma saateeriŋolu to, ka moolu faa, maakoyilaa te mennu la. A ka tu a ñaa loo la moolu le la, mennu te ì faŋ maakoyi noo la.

Jabuuroolu 10:8 ပူးပေါင်းရင်းမြစ်များ

Habakuki 3:14

Ite le ye a kuŋo soo a faŋo la kalabeñoo la, biriŋ a la kelediŋolu naata ǹ kaŋ niŋ semboo la, ka ǹ caarindi. Ì niŋ seewoo baa, ì pareeriŋo ka moo bataariŋolu kasaara, mennu be maaboriŋ.

Yeremiya 22:17

“Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”

1 Samuweli 22:18

Bituŋ mansa ko Doyeki ye ko, “Ite Doyeki, taa i ye taa Yaawe la piriisoolu faa.” Wo to le Doyeki ye ì faa. Wo luŋo a ye kee taŋ seyi niŋ kee luulu le faa, mennu ka piriisoolu la dendikoo duŋ.

Luka 8:1

Wo koolaa le, Yeesu tententa ka taa saatee baalu niŋ saateeriŋolu bee to. A ye Alla la mansabaayaa la kibaari betoo kawandi. A la saayibe taŋ niŋ fuloo be a fee,

Jabuuroolu 94:6

Ì ka furuyaamusoolu niŋ aliyatiimoolu faa le, aniŋ ka tumarankewolu niyo bo,

Jabuuroolu 17:11

Ì be sutiyaa kaŋ n na le. Ì ye m murubeŋ ne silaŋ. Ì ñaalu ka tu looriŋ n kaŋ, ñiŋ kamma la ì si m boyindi.

2 Mansoolu 21:16

Wo koolaa fanaa Manase ye moo jamaa le faa, mennu maŋ kuu ke, ka ì yeloo boŋ Yerusalaamu saatewo karoo bee la. A ye ñiŋ junube kuwo le laa junuboo kaŋ a ye meŋ ke, ka Yahuuda moolu dundi kuu jawu kewo to, fo ì baarata kuu jawoo la Yaawe ñaa koto.

1 Samuweli 23:23

A ka tara maaboriŋ dulaalu mennu bee to, ali ye jee kuwolu bee kisikisi, aduŋ ali niŋ kuma koyoo si naa n kaŋ. Bituŋ n niŋ ali si taa ñoo la. Niŋ a be wo maafaŋo la, m be a muta la le, hani a ye a tara, m be ñinindiroo ke la Yahuuda kaabiiloolu bee le kono.”

Luka 10:1

Ñiŋ kuwolu koolaa, Maariyo ye saayibe taŋ woorowula niŋ fula fanaa tomboŋ, a ye ì fula-fula kii a ñaato dulaalu bee to, aniŋ saatewolu to, a faŋo be naa taa la daamennu to.

Kiitindirilaalu 9:25

Sekemunkoolu ye kewolu taa ka deleŋo laa Abimeleki la kuwo kamma konkoolu santo. Ì ka moolu la feŋolu ñapinkaŋ, mennu ka tambi niŋ jee la. Ñiŋ kuwo kibaaroo naata futa Abimeleki ma.

Yuuba 24:14

Niŋ diboo dunta, moofaalaa ka wuli le ka fuwaaroolu niŋ fentaŋolu faa, suutoo a ye taa suuñaaroo la.

Kuma Kotoomaalu 24:15

Kana dende ka suuñaaroo ke moo tilindiŋo yaa, waraŋ ka taa a sabatidulaa boyinkaŋ.