Jabuuroolu 10:5 - Mandinka Bible

⁵ A ka firiŋo soto a baluuñaa bee le to, a la jeroo buka futa Alla la kiitiyo ma. A ka a jawoolu bee ñaawali le.

Jabuuroolu 10:5 ပူးပေါင်းရင်းမြစ်များ

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Roomankoolu 3:16

kasaaroo niŋ niikuyaa le mu ì taaraŋ buloo ti.

Hoseya 14:9

Moo meŋ ñaamenta, wo be ñiŋ kuwolu fahaamu la le. Moo meŋ ka kuwolu bo noo ñoo to, wo be ñiŋ loŋ na le. Yaawe la siloo tilinta le, moo tilindiŋo ka taama ate le la, bari moo kuruŋo, wo ka taki a kaŋ ne.

Hoseya 9:9

Ali tunenta kuruŋyaa kono le, ko a keta nuŋ Kibeya ñaameŋ. Alla hakiloo be ali la kuu jawoo kaŋ ne, a be ali jarabi la ali la junuboo la le.

Yesaya 42:25

Wo le ye a tinna a ye a la kamfaa jindi ì kaŋ kendeke, ka koleyaa taki keloo kono. A la kamfaa jawuyaata le ko dimbaa, bari hani wo, ì maŋ a fahaamu, a ye ì jani le, bari ì maŋ a muta feŋ ti.

Yesaya 28:15

Ali kibirita le ka a fo ko, ali niŋ saayaa ye kambeŋo le siti, ali niŋ kaburoo fanaa denta kaŋ na. Niŋ kasaaroo feeneeta naŋ, ali be tanka la a la le, kaatu ali ye faniyaa le ke ali la tuukuraŋo ti, tooñaafobaliyaa le keta ali la semberaŋo ti.

Yesaya 10:1

Kooroo be wo moolu ye, mennu ka luwaa jenkeriŋolu dadaa, aniŋ ka luwaa koleŋolu safee,

Yesaya 5:12

Kooraalu niŋ kontiŋolu ka tara ì la feeti dulaalu to le, tambuuroolu, footaŋolu aniŋ doloo, bari ì buka ì daa ke Alla la kuu to, ì maŋ horoma soto hani a la baara kuu kiliŋ ne to.

Kuma Kotoomaalu 24:1

Kana i ñaa loo moo jawoolu kaŋ, aduŋ i kana hame i niŋ ì ye kuu kafu,

Kuma Kotoomaalu 15:24

Siloo meŋ si moo balundi noo, le ka moo ñaamendiŋo samba ñaato, a buka taa niŋ sila la, meŋ si moo samba saayaa kaŋ.

Kuma Kotoomaalu 2:15

mennu la siloolu be jenkeriŋ, aniŋ mennu buka sila kende taama.

Kuma Kotoomaalu 2:13

mennu ka i koo dii sila tilindiŋolu la, ka tara diboo le kono,

Kuma Kotoomaalu 1:19

Ñiŋ ne ka ke moo saayaañaa ti, meŋ ka a la naafuloo soto tapaleeyaa kono. Wo suuñaari feŋolu, wolu le ka ke ì la saatoo ti.

1 Mansoolu 20:13

Saayiŋ annabiyomoo doo naata taa Banisirayila mansa Ahabu kaŋ. A ko a ye ko, “Yaawe* ye ñiŋ ne fo ko, ‘Kana sila! I ye ñiŋ kelediŋ kafu baa meŋ je, m be ì duŋ na i buloo kono le bii, aduŋ i si a loŋ ko nte le mu Yaawe ti.’ ”

2 Samuweli 5:6

Mansa niŋ a la kelediŋolu taata Yerusalaamu, ka taa Yebusinkoolu boyinkaŋ mennu be sabatiriŋ jee. Yebusinkoolu ko Dawuda ye ko, “I te duŋ na jaŋ. Hani finkintewolu waraŋ namatoolu si i murundi noo le.” Ì ye a miira ko, Dawuda te duŋ noo la jee.

Kiitindirilaalu 9:38

Bituŋ Sebuli ko a ye ko, “I la kuma baa foo nafaa lee saayiŋ? Ite meŋ ko, ‘Abimeleki mu jumaa le ti, meŋ be a tinna la m̀ be bula la a nooma?’ Fo ñinnu le maŋ ke kelediŋ kafoolu ti baŋ, i ka mennu tooñee? Saayiŋ finti banta, i niŋ ì ye kele.”

Kiitindirilaalu 9:27

Ì taata ì la kunkoolu to, ì ye yiridiŋolu kati ka bo ì la wayini kankaŋolu kono, ì ye ì dori. Bituŋ ì naata feetoo ke. Ì taata ì la jalaŋ batudulaa to ka domoroo ke aniŋ ka miŋ feŋolu miŋo. Bituŋ ì ye Abimeleki danka.

1 Musa 6:12

Alla ye a je le, duniyaa moolu be jenkeriŋ ñaameŋ. Moo bee le tarata taama kaŋ a fansuŋ sila jenkeriŋo kaŋ.

Yuuba 24:23

Alla ka ì bula le ì ye a miira ko, ì be tankoo le kono, bituŋ ì ye tara jikiriŋ wo la. Bari a ka tara ì la kuwolu koroosi kaŋ ne.

Jabuuroolu 73:3

kaatu n kiiliyaata faŋ wara moolu la kuwo le la, biriŋ ŋa a je kuwo bee be sooneeyaariŋ moo kuruŋolu ye.