Jabuuroolu 10:16 - Mandinka Bible

¹⁶ Yaawe le mu Mansoo ti fo fawu. Bantala banku* moolu be turutumbuŋ na a la bankoo kaŋ ne.

Jabuuroolu 10:16 ပူးပေါင်းရင်းမြစ်များ

1 Taarika 29:11

Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

Jabuuroolu 145:13

I la maraloo be tu la le fo abadaa, i la noo ye tu jamaanoolu bee la. Yaawe ka tu tilindiŋ a la laahidoolu kaŋ ne, a ka balafaa yitandi a la keroolu bee to.

Jabuuroolu 146:10

Yaawe le be tu la mansayaa la fo abadaa. Alitolu Siyoni* moolu, ali la Alla le be tu la mansayaa la fo abadaa. Ali Yaawe jayi.

Jabuuroolu 29:10

Yaawe le be marariŋ baajii diinondiŋolu ma. A la mansayaa le be tu la fo abadaa.

Jabuuroolu 78:55

A ye banku moolu bayi a la moolu ñaato le, a ye ì la bankoo talaa Banisirayilankoolu teema ka ke ì la keetaafeŋo ti, a ye ì la suwolu ke Banisirayila lasiloolu le la suwolu ti.

Jabuuroolu 9:15

Bantala banku moolu tuta jamfaadinkoo kono le, ì faŋolu ye meŋ siŋ. Ì ye jaloo meŋ laa, a ye ì faŋolu le muta.

Jabuuroolu 9:5

I ye bantala banku* moolu jalayi le, i ye moo kuruŋolu kasaara. I ye ì toolu buruka duniyaa kono le fo fawu.

Jabuuroolu 9:8

Ate Alla le ka duniyaa moolu kiitindi niŋ tiliŋo la, a ka moolu kiitindi niŋ tooñaa le la.

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

2 Musa 15:18

Yaawe be maraloo ke la le ka bo saayiŋ fo abadaa.”

Yesaya 33:22

Yaawe le mu ǹ na kiitiikuntulaa ti, Yaawe le mu ǹ na ñaatonkoo ti. Yaawe le mu ǹ na mansoo ti. Ate le be ǹ tanka la.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Niikuyaa Suukuwolu 5:19

Bari ite Yaawe be tu la maraloo la le, i la mansasiiraŋo le be tu la jamaani naalaalu bee la.

Daniyeli 4:34

Kabiriŋ sanji woorowuloo tambita, nte Nebukanesa naata n ñaalu wulindi ka santo juubee, bituŋ n sondomoo seyita a ñaama. Ŋa Alla Mansa Tallaa tentu, ŋa horomoo niŋ buuñaa dii a la, ate meŋ na noo te baŋ na. A la noo le be tu la fo abadaa, aduŋ a la mansabaayaa be tu la jamaanoolu bee le la.

Daniyeli 6:26

“Ŋa kaŋo dii le ko, moolu mennu bee be n na maraloo kono, si horomoo niŋ buuñaa dii Alla la, Daniyeli ka meŋ batu. Ate le mu Alla baluuriŋo ti, a be tu la keriŋ ne fo abadaa. A la mansabaayaa te buruka la muk, aduŋ a la noo le be tu la fo fawu.

5 Musa 8:20

Niŋ ali balanta ka Yaawe la yaamaroolu muta, a be ali kasaara la le, ko a be naa ñiŋ bankoo moolu kasaara la ñaameŋ, mennu be ali ñaato.

1 Timoti 1:17

Jayiroo be badaa-badaa Mansoo le ye, meŋ buka faa, aduŋ moo buka a je. Horomoo niŋ jayiroo be ate Alla kiliŋo le ye fo abadaa. Amiin.