Jabuuroolu 10:12 - Mandinka Bible

¹² Hee Yaawe Alla, wuli, i buloo ye laa moo kuruŋolu kaŋ. Kana ñina moo toorariŋolu la.

Jabuuroolu 10:12 ပူးပေါင်းရင်းမြစ်များ

Mika 5:9

Ì be ì buloo wulindi la ì jawoolu kunto le, aduŋ ì jawoolu bee le be kasaara la.

Jabuuroolu 9:12

Ate meŋ ka moofaa juloo joo, a ka moo toorariŋolu hati le. A buka ñina moolu la kumboo la, ì ka mennu toorandi.

Yesaya 33:10

Saayiŋ Yaawe ko, “M be wuli la le, m be buuñaa la le, m be n na kallankeeyaa* yitandi la le.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

Jabuuroolu 94:2

Wuli! Ite duniyaa moo bee Kiitindilaa, i ye faŋ wara moolu joo ì la baaroolu la.

Jabuuroolu 17:7

I la kanu bambaloo la kaawakuuyaa yitandi n na, ite Kiisandirilaa, meŋ ka moolu kiisa, mennu ka tankoo ñini i bulu ì jawoolu ma.

Jabuuroolu 77:9

Fo Alla ye i foño le ka hiinanteeyaa baŋ? Fo a la kamfaa le ye a tinna a maŋ balafaa soto ǹ ye baŋ? S

Jabuuroolu 13:1

Hee Yaawe*, janniŋ muŋ tuma? Fo i be ñina la nte la le fo fawu? Janniŋ muŋ tuma le i be i ñaa faa la nte ma?

Jabuuroolu 9:19

Hee Yaawe, wuli, kana soŋ hadamadiŋolu ye kututeyi. Bantala banku moolu kiitindi i ñaatiliŋo la.

Jabuuroolu 7:6

Hee Yaawe, wuli i la kamfaa kaŋ, i ye loo n jawoolu kamma, ì niŋ ì la jusukandoo. N na Alla, maamaŋ. Ite ye kiitiiteyi koyiriŋo le kaniŋ.

Jabuuroolu 3:7

Hee Yaawe, wuli, i ye n tankandi, n na Alla. I ka n jawoolu bee busa ì ŋaaŋaa le to, ì ka tilimbaloolu ñiŋolu kati le ka ì barakoo bo.

Kiitindirilaalu 16:28

Bituŋ Samuuda naata Yaawe daani, a ko a ye ko, “M Maarii Yaawe, kalamutari ke n na kuwo la, i ye m bambandi siiñaa kiliŋ doroŋ. Dukaree, Alla, n lafita le ka n na juloo joo Filisitinkoolu to, ì ye n ñaakesoolu lokoti meŋ na.”

Jabuuroolu 9:13

Hee Yaawe, balafaa n ye. A juubee mennu ye n koŋ, ì ye n toorandi ñaameŋ, ite meŋ ka m bondi saayaa daa to,

Jabuuroolu 17:13

Yaawe, wuli i ye ì kuntuntee, ka ì busandi. N niyo tanka moo kuruŋolu ma, ka bo niŋ i la hawusaroo* la.

Jabuuroolu 74:19

Kana i la puraa niyo dii ñiŋ daafeŋ saŋaroolu la, kana ñina i la moo toorariŋolu la fo fawu.