Hoseya 9:4 - Mandinka Bible

⁴ Ali te wayini sadaa* bo noo la Yaawe ye jee, sako ali la beeyaŋ sadaa si a seewondi. Ali la sadaalu be ke la le ko saŋa dulaa to domoroo. Moo-wo-moo ye a domo, a si koso. A be ke la ali ye kono fandiraŋo doroŋ ne ti, a te duŋ na Yaawe Batudulaa Buŋo* kono.

Hoseya 9:4 ပူးပေါင်းရင်းမြစ်များ

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Yeremiya 6:20

Nte la suula le be cuuraayoo kaŋ baŋ, ì ka meŋ bondi n ye naŋ Seba ka a siisindi n ye, waraŋ karabaanijii diimaalu, mennu bota banku jamfariŋolu to? Ali la jani sadaalu* maŋ ke n ye mutataa ti, sako ali la beeyaŋ sadaalu si n seewoo.”

5 Musa 26:14

Aduŋ m maŋ feŋ bondi ñiŋ jakoo to, ka a domo n na saŋakumboo waatoo la, waraŋ ka feŋ bondi a to waatoo meŋ na m be kosoriŋ, aduŋ m maŋ feŋ fanaa bondi a to ka a ke furewo ye sadaa ti. N sonta ite Yaawe ma le, n na Alla, ŋa feŋo bee ke le ko i ye n yaamari ñaameŋ.

Yoweli 2:14

Jumaa le ye a loŋ? A si ke noo, Yaawe ye a hakiloo faliŋ, a si balafaa soto noo ali ye, a ye neema ali ma siimaŋ jamaa la. Bituŋ ali si siimaŋ sadaa* niŋ miŋ feŋ sadaalu bo noo ali la Alla ye kotenke.

Hoseya 3:4

Banisirayilankoolu la kuwo be wo le ñaama: Ì te mansa soto la fo waati jaŋ, ì te maralilaa soto la, waraŋ bere samasiŋ, efodi* waraŋ bunkono jalaŋ, aduŋ ì te beeyaŋ sadaa bo la.

Esekiyeli 24:17

I niyo si kuyaa, bari kana finti ka saŋakumboo ke furewo ma. I la naawoo si tu minindiŋ i kuŋo la. I si i la samatoo tu i siŋo to. I maŋ ñaŋ na i daa niŋ i tamadaa muuri la. I maŋ ñaŋ na sunutoolu la domoroo domo la.”

Yohana 6:51

Nte le mu baluwo mbuuroo ti, meŋ jiita naŋ ka bo Arijana kono. Niŋ moo meŋ ye ñiŋ mbuuroo domo, wo be baluu la le fo abadaa. Aduŋ ñiŋ mbuuroo, nte be meŋ dii la, wo mu m balajaatoo le ti. M be a dii la le fo duniyaa moolu si baluwo soto.”

Malaki 2:13

Ali ye kuu koteŋo meŋ ke, wo le mu, ali ye Yaawe la sadaajanidulaa* fandi ñaajiyo la. Ali kumboota ka lemba, a la a daa boo ali la sadaalu la kuwo to, waraŋ ka a muta ali ye niŋ kontaanoo la.

Amosi 5:22

Hani niŋ ali ye jani sadaalu* le bo n ye, aniŋ siimaŋ sadaalu, n te ì muta la. Niŋ ali ye kayira sabatindiraŋ sadaalu bo n ye, n te ì juubee la faŋ, hani niŋ ali ye ì bondi ali la beeyaŋ betoolu le kono.

Yoweli 1:13

Alitolu piriisoolu, ali booto funtoo duŋ, ali ye woosii, ali kumboo, alitolu Alla la sadaabolaalu. Alitolu, n na Alla la dookuulaalu, ali naa, ali ye suutoo bee ke booto funtoo kono. Siimaŋ sadaa niŋ miŋ feŋ sadaa danta ali la Alla Batudulaa Buŋo to.

Esekiyeli 24:22

Saayiŋ, ali ye n je le ŋa a ke ñaameŋ, ali fanaa ñanta a ke la wo le ñaama. Ali maŋ ñaŋ na ali daa niŋ ali tamadaalu muuri la aniŋ ka sunutoo domoroo domo.

Yesaya 66:3

Bari doolu be jee le mennu ka bula ì fansuŋ siloo nooma, aniŋ ka kontaanoo soto kuu haraamuriŋolu to. Niŋ ì ye tuuraa bondi sadaa* ti, a konta nte fee le ko, niŋ ì ye hadamadiŋo le bondi sadaa ti. Niŋ ì ye saajiyo bondi sadaa ti, a ka munta le ko, niŋ ì ye wuloo le kaŋo kati. Niŋ ì ye siimaŋ sadaa le bondi, wo ka munta m fee le ko, niŋ ì ye seewu yeloo le bondi. Niŋ ì ye cuuraayoo siisindi sadaa ti, wo ka munta le ko, niŋ ì ye jalaŋo le batu.

Yesaya 57:6

Jalaŋolu mennu be wulumbaŋo kono, bere deerariŋolu be daameŋ, itolu le kummaayaata ali fee, nte wo nte. Ali ka miŋ feŋ sadaalu boŋ ì ye le, aniŋ siimaŋ sadaalu. Ñiŋ kuwolu bee jeriŋ koolaa, fo n si sabari noo baŋ?

4 Musa 28:2

ka ñiŋ yaamaroo dii Banisirayilankoolu la ko: Ali ye a je ko sadaalu* ye bo n ye a waatoo la. Ñiŋ sadaalu mennu ñanta ke la niŋ dimbaa la, mu n ye domori sadaalu le ti, meŋ seeroo ka n seewondi.

3 Musa 21:21

Haaruna piriisoo koomalankoolu kono moo-wo-moo ye lanjuuroo soto, a kana kata naŋ ka domori sadaalu bondi, ì ka mennu bo nte Yaawe ye niŋ dimbaa la. Bayiri a maarii ye lanjuuroo soto le, a kana a la Alla la domori sadaa bondi.

3 Musa 21:17

ka a fo Haaruna ye ko: Jamaanoolu mennu bee be naa ñaato, a koomalankoolu meŋ-wo-meŋ ye lanjuuroo soto, a te naa noo n ñaatiliŋo la ka domori sadaa bondi nte Alla ye.

3 Musa 21:8

Moolu ñanta ì kuliyaa la le, kaatu itolu le ka domori sadaalu bondi ali Maarii Alla ye. Ali ñanta ì muta la moo senuŋolu le ti, kaatu nte Yaawe, n seneyaata le, aduŋ nte le ka alitolu seneyandi.

3 Musa 21:6

Ì ñanta le ka seneyaa ì Maarii Alla ye, ì kana jutu ì la Alla too la. Itolu le ka sadaalu* bondi niŋ dimbaa la nte Yaawe ye, mennu mu n ye domori sadaalu ti. Wo to ì ñanta le ka seneyaa.

3 Musa 17:11

Wo daliiloo mu ñiŋ ne ti ko, niilamaa feŋ-wo-feŋ a la baluwo be a yeloo le kono. Wo kamma la nte Yaawe le ye ali yaamari ko, ali ñanta beeyaŋ yeloo boŋ na sadaajanidulaa kaŋ ne, ka ke ali ye junube kafarilaŋo ti. Junuboo ka kafari yeloo le la, kaatu yeloo le si moo la baluwo kumakaa noo.

2 Musa 40:23

a ye mbuuru kuŋolu landi a kaŋ Yaawe ñaatiliŋo la, ko Yaawe ye a yaamari a la ñaameŋ.

4 Musa 19:11

Niŋ moo-wo-moo maata moo furewo la, a maarii be tara la kosoriŋ ne fo tili woorowula.

4 Musa 4:7

Haaruna niŋ a dinkewolu le ñanta bayi buluuriŋo feenee la taabuloo kaŋ, mbuuru senuŋo* ka laa meŋ kaŋ nte Yaawe ñaatiliŋo la, ì ye palaatoolu londi a kaŋ, mindaŋolu, booloolu aniŋ miŋ feŋ sadaa* keraŋ dumboolu. Mbuuroo meŋ ka tara a kaŋ, a ye tu a kaŋ jee.

2 Musa 29:40

Niŋ i be saajiiriŋ foloo bondi la, i be fariña kilo kiliŋ ne taa la, i ye meŋ niŋ olifu* tulu betoo ñaami ka a ke siimaŋ sadaa ti. I si wayini* liitari kiliŋ boŋ, ka a ke miŋ feŋ sadaa ti.

Yeremiya 16:7

Moo te domori dii la saŋakumboolaa la, sako ka a sabarindi saabantewo la kuwo la. Moo te jusu sumayandiraŋ jii dii la a la ka i miŋ, hani niŋ a ye a tara a faamaa waraŋ a baamaa le faata.

Daniyeli 1:8

Daniyeli ye ñiŋ ne muta a kono ko, a te mansasuwo kono domoroo domo la, aduŋ a te jee wayinoo miŋ na, ka a faŋ kosondi. Bituŋ a ye mansasuwo kono dookuulaa kuntiyo daani ka siloo dii a la, a kana a faŋ kosondi.

Yoweli 1:9

Siimaŋ sadaa* niŋ miŋ feŋ sadaa kuntuta Yaawe Batudulaa Buŋo* to. Piriisoolu* woosiita, Yaawe la dookuulaalu.

Hoseya 7:16

Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”