Hoseya 9:13 - Mandinka Bible

¹³ N nene ka Efurayimu je le nuŋ ko tamaree suŋ mereŋo, meŋ be tuturiŋ banku kendoo to. Bari saayiŋ, a si a diŋolu kenkeŋ, a jawoolu ye ì faa.”

Hoseya 9:13 ပူးပေါင်းရင်းမြစ်များ

2 Mansoolu 15:16

Wo waatoo la, Menahemu ye Tifusa saatewo muumewo kasaara, aniŋ a dandaŋo bee, ka taa fo Tirisa saatewo to. Kaatu ì maŋ soŋ ka jee daa yele a ye. A ye jee teyi, aduŋ a ye a musu konomaalu bee le konoo fara.

Yuuba 27:14

A diŋolu si siyaa ñaa-wo-ñaa, ì bee be faa la kele wuloo le kono, aduŋ a koomoo nene te bo la konkoo kono muk.

Yeremiya 7:15

M be ali bayi la le ka bo n ñaa koto, ko ŋa ali baadiŋ doolu bayi ñaameŋ, mennu mu Efurayimunkoolu* ti.”

Yeremiya 9:21

Saayaa dunta naŋ ǹ na palanteeroolu le la, a ye i seyiŋ ǹ na mansabuŋolu kono, a ye dindiŋolu siyo kuntu mbeedoolu kaŋ, ka taa fondinkewolu, bendulaa kenoolu to.”

Niikuyaa Suukuwolu 2:22

Yaawe ye n jawoolu kumandi n kaŋ karoo bee la, ko mennu ka naa feeti luŋo le to. A la kamfaa waatoo la, moo maŋ kana ka tu baluuriŋ. Ŋa diŋolu mennu yeŋyeŋ, ka ì kuluu, n jawoo naata a ye ì faa.

Esekiyeli 27:3

meŋ mu bundaa ti moolu ye ka duŋ baa kono, aduŋ a keta baadaa borindoo siilaalu ye waafiri dulaa le ti, i si a fo a ye, Maarii Yaawe ye ñiŋ ne fo ko: Ite Tire, i ka a fo le ko, i la ñiiñaa timmata le.

Hoseya 10:14

wo to keloo si wuli ali la moolu kamma. Ali la tatoolu bee si teyi, ko Mansa Salimani ye Beti-Aribeli teyi ñaameŋ, luŋ meŋ na, ì ka musoolu niŋ ì diŋolu busa bankoo to ka ì janjaŋ.

Hoseya 13:16

Samariyankoolu be ì la junuboo dunoo taa la le, kaatu ì balanta ì la Alla ma le. Hawusaroo* le be ì faa la, ì ye ì diŋolu busa ka ì janjaŋ bankoo to. Ì la musukonomaalu, ì ye wolu konoolu fara.”

Hoseya 13:8

N si ñapi ali kaŋ ko daafeŋ saŋarariŋo*, ì ye meŋ diŋolu suuñaa a koto. Ŋa ali sisoo fara, ŋa ali domo ko jatoo, ŋa ali faraŋ-faraŋ ko daafeŋ saŋaroo.

Hoseya 14:1

Banisirayila, ali muru Yaawe* kaŋ, ali la Alla. Ali faŋolu la kuruŋyaa le ye ali boyindi.

Hoseya 9:16

Efurayimu be le ko fiifeŋo, meŋ kuuranta. A suloolu jaata le, a te diŋ soto la. Hani niŋ a ye a tara faŋ, a ye diŋolu soto, n si a kanudiŋolu faa.”

Amosi 7:17

A ko, i la musoo be ke la cakoo le ti ñiŋ saatewo kono. I diŋolu be faa la keloo le kono. Moo koteŋolu le be i la bankoo kenoo sumaŋ na ñoo teema, aduŋ ite faŋo be faa la wandi bankoo le kaŋ. Banisirayilankoolu be bo la ì fansuŋ bankoo kaŋ ne, ì ye tara mutoo kono.”