Hoseya 8:14 - Mandinka Bible

¹⁴ “Banisirayila ñinata a Daamansoo la le, a ye buŋ ñiimaalu loo. Yahuuda ye saatee jamaa tata, bari m be dimbaa le jindi la naŋ ì kaŋ, ka ì la tatoolu jani.”

Hoseya 8:14 ပူးပေါင်းရင်းမြစ်များ

5 Musa 32:18

Ali ñinata Yaawe la, ali Daamansoo, ali ye ali ñaa kaasi, Semberaŋ Bere Baa la, meŋ ye ali daa.

Yeremiya 17:27

“Bari n ko, ì si soŋ ka i lamoyi n na, ka Loobula Luŋo muta luŋ buuñaariŋo ti. Ì kana duni samba niŋ Yerusalaamu dundaŋ daalu la wo luŋo la. Kaatu niŋ ì ye wo ke, m be dimbaa faabaloo le mala la Yerusalaamu dundaŋ daalu to, a ye a tatoolu bee kasaara.”

Amosi 2:5

M be dimbaa le jindi la naŋ Yahuuda, ŋa Yerusalaamu tatoolu jani.”

Hoseya 13:6

Ŋa ali daañini fo ali konoo faata. Ali konoo faata doroŋ, ali ye ali faŋ wara, bituŋ ali ñinata n na.

Yesaya 17:10

Kaatu ali ñinata Alla la le, ali Kiisandirilaa, ali hakiloo maŋ bula ali la semberaŋ beroo la, ali la tatoo. Ali ye fiifeŋ ñiimaalu tutu, ka bantala jalaŋo batu.

Amosi 1:10

M be dimbaa le jindi la naŋ ka Tire saatewo tata sansaŋo jani, aniŋ a buŋ ñiimaa baalu.”

Efesusinkoolu 2:10

Ntolu mu Alla la dookuwo le ti, a ye mennu daa ka bo niŋ Kiristu Yeesu la, ka baara betoolu ke, a ye mennu parendi nuŋ, fo ǹ si taama ì la.

Amosi 1:14

M be dimbaa le duŋ na Raba saatewo tata sansaŋo la, aniŋ a buŋ ñiimaa baalu. Wo luŋo la, keloo niŋ wuuroo si duu Raba. Keloo ñiŋ si duu ì kaŋ rip, ko niŋ turubaadoo wulita.

Amosi 1:12

M be dimbaa le jindi la naŋ Temani kaŋ, ŋa Bosira la buŋ ñiimaa baalu jani.”

Amosi 1:4

M be dimbaa le jindi la naŋ Mansa Hasayeli niŋ Mansa Beni-Hadadi la mansabuŋo niŋ ì la tatoolu kaŋ, ka ì bee jani.

Hoseya 2:13

M be a jarabi la Baali jalaŋ feeti luŋolu la le, a ka cuuraayi sadaa* siisindi a ye mennu la. A ka konnaalu niŋ ñarandi feŋ koteŋolu duŋ, ka bula a tuluŋñoolu nooma, a ñinata nte la.” Yaawe* le ye a fo.

Yeremiya 23:27

Ì ye a miira le ì kiliŋ-kiliŋ naa ka ì la siiboolu mennu fo ñoo ye, wo le be a tinna n na moolu ye ñina n too la, ko ì la alifaa foloolu ñinata n too la ñaameŋ ka bo niŋ Baali jalambatoo la.

Yeremiya 3:21

Wuurikaŋo bota naŋ konkoolu kaŋ, Banisirayilankoolu le kumboo kaŋo mu, aniŋ ì woosiikaŋo, kaatu ì ye kuruŋyaa le ke ì taaraŋ siloo ti, ì ñinata Yaawe ì la Alla la.

Yeremiya 2:32

Fo sunkutoo ka ñina a la ñara feŋolu la le baŋ, waraŋ maañoo ye ñina a la maañoo feŋolu la? Bari nte la moolu ñinata n na ñaameŋ, wo luŋolu te yaatee noo la.

Yesaya 43:21

m faŋo ŋa n na moolu mennu daa, fo ì si n jayi ka a janjandi taariŋ.

Yesaya 42:25

Wo le ye a tinna a ye a la kamfaa jindi ì kaŋ kendeke, ka koleyaa taki keloo kono. A la kamfaa jawuyaata le ko dimbaa, bari hani wo, ì maŋ a fahaamu, a ye ì jani le, bari ì maŋ a muta feŋ ti.

Yesaya 42:13

Yaawe niŋ semboo le be naa ko niŋ kelejawaroo be taa keloo la. A be pareeriŋ ne, a be korontoriŋ keloo kamma le. A ka sari kendeke le, a ka a semboo yitandi a jawoolu la.

Yesaya 29:23

Kaatu ko, niŋ ì koomalankoolu ye a je, m be meŋ ke la ì kono, wo be a tinna le ì ye n too horoma. Ì be Banisirayila la Senuŋ Baa horoma la le. Banisirayila la Alla ñaasilaŋo be tara la ì la le.

Jabuuroolu 106:21

Ì ñinata Alla la le, ì la kiisandirilaa, meŋ ye kuu baalu ke Misira,

2 Taarika 27:4

A ye saatewolu loo Yahuuda konkotundoo* kaŋ, a ye tata jaŋolu loo aniŋ a ye dulaalu tata wuloo kono.

2 Taarika 26:10

A ye tata jaŋolu loo kene kenseŋo kono, a ye koloŋ jamaa siŋ jee, kaatu a ye beeyaŋ kooree jamaa le soto, Sefela* konkotundoo* niŋ kene fanuŋo kono. A ye senelaalu soto le, aniŋ moolu mennu ka wayini* yiroolu topatoo konkoolu to aniŋ senebanku kendoolu to. Kaatu senoo diyaata a ye le.

1 Mansoolu 16:31

A mulunta le ko, ka taama Nebati dinkewo Yerobowamu la junube sila kuruŋo la maŋ kaañaŋ a fee, bari a ye Yesebeli futuu le, Mansa Etibaali Sidoninkoo dimmusoo, aniŋ ka taa Baali* jalaŋo batu, ka sujudi a ye.

1 Mansoolu 12:31

Yerobowamu ye batudulaalu fanaa loo konkoriŋolu kaŋ, aniŋ a ye piriisoolu* tomboŋ moo siifaa bee kono, ì maŋ ke Lewi lasiloo ti ñaa-wo-ñaa.

2 Mansoolu 18:13

Mansa Hesekiya la maraloo sanji taŋ niŋ naaninjaŋo kono, Asiriya mansa Sennakeribu ye Yahuuda saatee tatariŋolu bee boyinkaŋ keloo la, aduŋ a ye ì muta.

Jabuuroolu 95:6

Ali naa ŋà Yaawe batu, ŋà jimi duuma ka sujudi a ye, ǹ Daamansoo.

Yesaya 9:9

Efurayimunkoolu* aniŋ ì la saatee baa Samariya, ì bee be a loŋ na le, bari hani wo ì be ì faŋ wara la le, ì ye ì faŋ sikandi, ka a fo ko,

Yesaya 9:10

“Biriki buŋolu boyita le, bari m̀ be ì lookuu la niŋ bere birikoolu le la, sooto yiroolu kuntuta le, bari m̀ be ì jooseyi la sedari* yiroolu le la.”

Yeremiya 5:17

Ì be i baluu la ali la siimaŋ katiriŋolu niŋ ali la domoroo le la, ì ye i baluu ali dinkewolu niŋ ali dimmusoolu la. Ì be i baluu la ali la saajiyolu, baalu, aniŋ ninsoolu le la, ì ye i baluu ali la wayini* yiroolu niŋ ali la sooto suŋolu la. Ali be jikiriŋ ali la saatee tatariŋolu mennu la, ì be ì kasaara la niŋ hawusaroo le la.”

Esekiyeli 23:35

Maarii Yaawe ye ñiŋ ne fo ko: “Baawo i ñinata n na le, i ye i koo dii n na. Wo kamma la, i la ñiŋ malubaliyaa niŋ i la cakayaa kuluuroo dunoo taa.”

Hoseya 4:6

N na moolu kasaarata lombaliyaa kaŋ. Alitolu piriisoolu ye ì baŋ ne ka n loŋ, wo to ŋa m baŋ ali la piriisiyaa to le. Bayiri ali ñinata ali la Alla la Luwaa la, nte fanaa be ñina la ali diŋolu la le.