Hoseya 5:12 - Mandinka Bible

¹² Wo le ye a tinna n keta Efurayimu ye ko tumboo, n keta Yahuuda ye ko baabaa.

Hoseya 5:12 ပူးပေါင်းရင်းမြစ်များ

Yesaya 51:8

Kaatu tumboo le be ì tiñaa la ko duŋ feŋo, baabaa ye ì tiñaa ko bayoo. Bari n na tiliŋo be tu la le fo abadaa, n na kiisoo ye tara jamaanoolu muumee bee ye.”

Yuuba 13:28

Wo le ye a tinna m be tiñaa kaŋ, n keta komeŋ babara toliŋo. N keta komeŋ bayoo, tumboolu dunta meŋ na.

Yunusa 4:7

Wo saamoo, kabiriŋ fanoo keta, Alla la yaamaroo kaŋ tumboo ye wo fiifeŋo domo, bituŋ a norota.

Yesaya 50:9

Maarii Yaawe le ka m maakoyi. Wo to moo jumaa le si n na boyidaa yitandi noo? Ì bee be naa tiñaa la le ko bayoo, tumboolu ye meŋ domo.

Kuma Kotoomaalu 12:4

Musoo meŋ ye daajika kendoo soto, a mu kewo ye sapuraŋo le ti, bari musu malubaloo ka muluŋ a fee le ko kuuraŋ jawoo a balajaatoo kono.

Jabuuroolu 39:11

I ka moolu jalayi le, ka ì kuluu, ì la junuboolu kamma la, i ye ì la sotofeŋolu kasaara, ì ye mennu kanu, komeŋ niŋ tumboolu dunta feŋo la. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

Yesaya 5:24

Wo to, ko dimbaa ka ñonkoliŋo mala tariyaake ñaameŋ, aniŋ ñaama jaaroo ka hilihili dimbaa kono ñaameŋ, ì suloolu be toli la wo le ñaama, ì firoolu ye tii ko kankaŋo, kaatu ì jututa Yaawe Alihawaa Maariyo la luwaa le la, ì balanta Banisirayila la Senuŋ Baa la kumoo la.