Hoseya 14:6 - Mandinka Bible

⁶ A be buloolu fayi la le, a ye ñiiñaa ko olifu* yiroo, a ye seera ko Libanooni yiroo.

Hoseya 14:6 ပူးပေါင်းရင်းမြစ်များ

Jabuuroolu 52:8

Bari nte ka munta le ko olifu* yiroo meŋ falinta Alla Batudulaa Buŋo* to. Ŋa n jikoo loo Alla la kanu bambaloo le kaŋ fo abadaa.

Filipinkoolu 4:18

Ŋa a seedeyaa ko, ŋa feŋo bee soto le, ŋa jamaa baa le soto. Ali la ñiŋ soorifeŋolu, Epaforoditus ye mennu samba naŋ, ì tambita n na suuloolu la le, aduŋ n wasata le. Ì keta ko sadaa* seera feŋ diimaa meŋ ka Alla seewondi.

Yohana 15:1

“Nte le mu wayini* yiri tooñaa ti, aduŋ m Faamaa le mu kankaŋ dookuulaa ti.

Matiyu 13:31

Yeesu ye mansaali doo fanaa fo ì ye ko, “Arijana mansabaayaa ka munta le ko mutaari kesoo, kewo ye meŋ taa, a ye a fii a la kunkoo kono.

Yeremiya 11:16

“Nte Yaawe ka ì kumandi nuŋ n na olifu* yirisuŋ biireeriŋo le la, a niŋ a diŋ ñiimaalu. Bari ka bo niŋ turubaadi kumakaŋo la, m be dimbaa duŋ na a la le, a buloolu bee ye jani kewu.”

Jabuuroolu 128:3

I la musoo be ke la i la suwo kono le, komeŋ yiri dinnaa baa. I diŋolu be ke la i la domori miraŋo dandaŋo la le, komeŋ yiri faliŋ kutoolu.

1 Musa 27:27

Wo le to a sutiyaata a la, a ye a sumbu. Kabiriŋ Esawu nooroo laata Isiyaaka kaŋ, ka bo niŋ a la duŋ feŋolu la, a ye Alla daani neemoo la Yaakuba ye, a ko, “N diŋo, i nooroo ka muluŋ ne ko kunkoo, Yaawe ye meŋ neemandi.

Jabuuroolu 92:12

Moo tilindiŋolu be yiriwaa la le komeŋ teŋ suŋo, ì ye faliŋ komeŋ Libanooni sedari* yiroolu.

Yesaya 27:6

Waati le be naa, Yaakuba koomoo be suloo duŋ na le ko yiroo, Banisirayila si soroŋ, a ye firi, a ye duniyaa bee fandi a diŋolu la.

Yesaya 35:2

A be yiriwaa la le, a ye ñiiñaa, ko firi ñiimaa. A be tara la kontaaniriŋ baake le fo a ka denkiloo laa. A be yiriwaa la le ko Libanooni sutoo be ñaameŋ, a ye tara ñiiñaariŋ ko Karimeli Konkoo aniŋ Saroni kunkoolu. Moolu bee be Yaawe* la mansabaayaa je la le, aniŋ a la kallankeeyaa*.

Yesaya 66:14

Niŋ ali ye ñiŋ je, ali be seewoo soto la ali sondomoo kono le, aduŋ ali be wulikuu la le ko ñaamoo, Yaawe la dookuulaalu be a semboo je la le, bari a be a la kamfaa yitandi la a jawoolu le la.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”