Hiburunkoolu 13:15 - Mandinka Bible

¹⁵ Wo to, ali ŋà tu jayiroo dii la Alla la, ka bo niŋ Yeesu la. Ñiŋ jayiroo le mu ǹ na sadaa* ti, meŋ ka a seedeyaa ko, ate le mu Maariyo ti.

Hiburunkoolu 13:15 ပူးပေါင်းရင်းမြစ်များ

Jabuuroolu 50:14

Ali tenturoo le dii nte Alla la ko sadaa, aduŋ ali ali la laahidoolu timmandi nte Mansa Tallaa ye.

Roomankoolu 12:1

Wo to baadiŋolu*, Alla la balafaa kamma la, ŋa ali yaamari, fo ali si ali baloolu dii Alla la ko sadaa* baluuriŋolu, mennu seneyaata, aniŋ mennu ka Alla seewondi. Ñiŋ ne mu baturi tooñaa ti.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Yesaya 57:19

Yaawe ko: “Kayiroo jamaa baa ye tara dulaa jaŋ moolu ye, aniŋ dulaa sutuŋ moolu, m be ì jaara la le.”

2 Taarika 33:16

A ye Yaawe la sadaabodulaa fanaa lookuu, a ye kayira sabatindiraŋ sadaa niŋ tenturulaŋ sadaa bo a kaŋ. A ye Yahuuda bee yaamari ka Yaawe batu, Banisirayila la Alla.

Jabuuroolu 50:23

Moo meŋ ka tenturoo dii n na sadaa ti, wo maarii ka nte le horoma a ñaama. Moo-wo-moo ka taama sila kendoo la, wo kono nte Alla be a kiisa la le.”

3 Musa 7:12

Niŋ a maarii be a ke la tenturulaŋ sadaa le ti, a si ñinnu kafu beeyaŋo ma a be meŋ bo la sadaa ti: Mbuuru kuŋolu mennu maŋ leweñi soto, aduŋ ì niŋ tuloo ñaamita, mbuuru dampatandiŋolu mennu maŋ leweñi soto, aduŋ tuloo keta ì kaŋ, aniŋ mulumuluriŋolu mennu dadaata fariña kendoo la, aduŋ ì niŋ tuloo ñaamita kendeke.

Matiyu 11:25

Wo waatoo la, Yeesu ye a bankee ko, “M Faamaa, saŋo niŋ bankoo Maariyo, ŋa i jayi, kaatu i ye ñiŋ kuwolu maabo moo ñaamendiŋolu niŋ londitiyolu la, aduŋ i naata wolu yitandi dindiŋ mereŋolu la.

2 Taarika 7:6

Piriisoolu loota ì loodulaalu to, Lewi lasiloo moolu fanaa loota ì ñaatiliŋo la. Piriisoolu be footaŋo fee kaŋ, Lewi lasiloo moolu be suukuwo laa kaŋ, ko Mansa Dawuda ye a landi nuŋ ñaameŋ. Ì be ñiŋ laa kaŋ ko, “A la kanu bambaloo be tu la le fo abadaa.” Ì be suukuu laa niŋ kumafeŋ kosoo la, Banisirayila bee be looriŋ jee. Mansa Dawuda le ye ñiŋ kumafeŋolu dadaa nuŋ ka Yaawe jayi ì la.

1 Pita 4:11

Moo meŋ ka kawandoo ke, a si a ke ko, a ka Alla faŋo la kumoolu le kawandi. Meŋ ka maakoyiri dookuwo ke, a si a ke niŋ semboo bee la, Alla ye meŋ dii a la, fo Alla si horoma kuu-wo-kuu to, ka bo niŋ Yeesu Kiristu la. Semboo niŋ waroo aniŋ maraloo bee be ate le ye, fo abadaa. Amiin.

Efesusinkoolu 2:18

Ka bo niŋ ate le la, m̀ bee ye siloo soto ka futa Faamaa la, Noora kiliŋ kono.

Jabuuroolu 118:19

Ali dundaŋ daa yele n ye, moo tilindiŋolu si duŋ daameŋ, fo n si duŋ konoto ka jayiroo dii Yaawe la.

Jabuuroolu 18:49

Hee Yaawe, saayiŋ n ñanta i tentu la bankoolu kaŋ ne, m be jayiri suukuwolu laa la niŋ i too la le.

Nehemiya 12:43

Wo luŋo la ì ye sadaaboo* baa le ke ì seewooriŋo, kaatu Alla ye ì seewondi baake le. Musoolu niŋ dindiŋolu fanaa seewoota le. Moolu la seewoo maakaŋo Yerusalaamu saatewo kono, ka moyi hani dulaa jamfariŋolu to le.

Hiburunkoolu 7:25

Wo le ye a tinna a ka moolu kiisa noo, mennu ka sutiyaa Alla la ka bo niŋ ate la, baawo a be baluuriŋ ne fo abadaa ka duwaa ì ye.

Roomankoolu 6:19

Ŋa n na diyaamoo sooneeyandi ali ye le, fo ali si a fahaamu noo. Koomanto, ali ye ali suufoolu dii seneyaabaliyaa niŋ tilimbaliyaa kuwolu baaroo le la, mennu tarata wajabi kaŋ doroŋ. Wo ñaa kiliŋo la saayiŋ, ali si ali suufoolu dii kuu tilindiŋ baaroolu la fo ali si seneyaa.

Yohana 10:9

Nte le mu bundaa ti. Niŋ moo meŋ dunta niŋ nte la, a be kiisa la le. Aduŋ a be duŋ niŋ finti la, a ye ñaama keroo soto.

Nehemiya 12:40

Bituŋ suukuulaalaa kafu fuloo loota ì la dulaa to Alla Batudulaa Buŋo kono. Nte fanaa niŋ ñaatonkoolu mennu be m fee ye wo le ke.

Esira 3:11

Ì ye suukuu laa niŋ laamutoo ke, ka Yaawe jayi aniŋ ka a tentu. Ì ka a fo le ko: “Yaawe beteyaata le, aduŋ a la kanu bambaloo be tu la Banisirayila fee le, fo abadaa.” Bituŋ moo bee ye ì kaŋo bula ka Yaawe jayi baake, kaatu Yaawe Batudulaa Buŋo fondamaŋo laata le.

2 Taarika 29:31

Bituŋ Hesekiya ko ì ye ko, “Saayiŋ ali ye ali faŋo dii Yaawe la le, ali naa a kaŋ, ali beeyaŋ sadaalu niŋ tenturulaŋ sadaalu samba naŋ, Yaawe Batudulaa Buŋo to.” Bituŋ jamaa moolu ye sadaalu ñiŋ samba naŋ, moolu mennu bee ye ŋaniya kendoo soto, fanaa ye jani sadaalu samba naŋ.

Yohana 14:6

Yeesu ko a ye ko, “Nte le mu siloo ti, tooñaa aniŋ baluwo. Moo-wo-moo te naa noo la m Faamaa yaa, fo niŋ a naata ka bo niŋ nte la.

Luka 10:21

Wo waatoo la, Yeesu seewoota Noora Kuliŋo kono, a ko, “M Faamaa, saŋo niŋ bankoo Maariyo, ŋa i jayi, kaatu i ye ñiŋ kuwolu maabo moo ñaamendiŋolu niŋ londitiyolu ma le, i naata ì yitandi dindiŋ mereŋolu la. Tooñaa, m Faamaa, ñiŋ ne beteyaata i fee.

Jabuuroolu 119:108

Yaawe, n na tenturoo niŋ duwaa muta, i ye n karandi i la luwaalu la.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Yeremiya 33:18

Piriisoolu* mennu bota Lewi lasiloo kono fanaa te foo la koomalanka la ka jani sadaalu bondi, siimaŋ sadaalu, aniŋ ka beeyaŋ sadaa koteŋolu bondi n ñaatiliŋo la luŋ-wo-luŋ, fo fawu.”

Hiburunkoolu 12:28

Wo kamma la, ali ŋà tenturoo dii Alla la, kaatu ŋà mansayaa le soto, meŋ te jiijandi noo la. Ali ŋà Alla batu a ñaama, horomoo niŋ ñaasilaŋo kono,

4 Musa 7:62

A ye sani boolindiŋo fanaa samba naŋ ne meŋ na kuliyaa mu karaamu keme niŋ muwaŋ ti, meŋ be faariŋ cuuraayoo la.