Hiburunkoolu 12:22 - Mandinka Bible

²² Bari alitolu naata Siyoni* Konkoo le kaŋ, Alla baluuriŋo la saatewo to. Wo saatewo mu wo Yerusalaamu le ti, meŋ be Arijana kono, malaayika kontibaloolu be bendiŋ juuraloo la daameŋ.

Hiburunkoolu 12:22 ပူးပေါင်းရင်းမြစ်များ

Filipinkoolu 3:20

Bari ntolu la bankudiŋyaa be Arijana le kono, n na Kiisandirilaa be bo la naŋ daameŋ. Ate le mu Maarii Yeesu Kiristu ti, m be meŋ batu kaŋ ka naa.

Kalatiyankoolu 4:26

Bari wo Yerusalaamu meŋ be Alla yaa, wo mu foroo le ti, aduŋ ate le mu ntolu baamaa ti.

Lankenemoo 14:1

Bituŋ ŋa juubeeroo ke, ŋa Saajiiriŋo je looriŋ Siyoni* Konkoo kaŋ, aduŋ moo wuli keme wuli taŋ naani niŋ naani be a fee. A too niŋ a Faamaa too le be safeeriŋ wolu foŋolu to.

Jabuuroolu 48:2

Siyoni* Konkoo niŋ a la ñiiñaa, aniŋ a la jaŋayaa, a mu duniyaa banku moolu bee ye seewoo le ti. Siyoni Konkoo, konko senuŋo, mu Mansa Baa la saatewo le ti.

Lankenemoo 21:2

Wo to le ŋa saatee senuŋo je, meŋ mu Yerusalaamu kutoo ti. A be jii kaŋ ka bo Alla yaa, Arijana kono. A parendita ko maañoo, meŋ ñarandita a keemaa ye.

Yesaya 51:11

Yaawe ye moolu mennu kumakaa, be muruŋ na le. Ì niŋ suukuwo le be duŋ na Siyoni*. Ì be tara la seewoo bambaloo le kono. Niikuyaa niŋ woosiyo be jamfa la ì la le, kontaanoo niŋ seewoo ye ì futufaa.

Lankenemoo 22:19

Aduŋ niŋ moo-wo-moo ye feŋ bondi ñiŋ kitaaboo la kiilaariyaa kumoolu kono, Alla be wo maarii daa bondi la wo yiroo to le, meŋ ka baluwo dii, aniŋ saatee senuŋo meŋ na kuwolu safeeta ñiŋ kitaaboo kono.

Lankenemoo 3:12

Meŋ keta noorilaa ti, m be wo ke la samasiŋo le ti n na Alla Batudulaa Buŋo* kono, a nene te finti la jee to. M be n na Alla too niŋ n na Alla la saatewo too safee la wo bala le. Wo le mu Yerusalaamu kutoo ti, meŋ be jii la naŋ ka bo n na Alla yaa, Arijana kono. Aduŋ m be n too kutoo fanaa safee la a maarii bala le.

Hiburunkoolu 13:14

M̀ maŋ saatewo soto jaŋ, meŋ be tu la fo abadaa, bari ǹ ñaa be looriŋ saatewo le kaŋ, meŋ be naa la.

Hiburunkoolu 11:10

A ye ñiŋ ke le, kaatu a be i yillaariŋ saatewo le la, meŋ be looriŋ fondamaŋo kaŋ, a loolaa aniŋ a dadaalaa mu Alla le ti.

Yoweli 2:32

Bari moo-wo-moo, meŋ ye Yaawe too kumandi, wo be kiisa la le. Siyoni Konkoo niŋ Yerusalaamu, moolu be soto la jee le, mennu be kana la, aniŋ moo toomaalu fanaa, Yaawe ye mennu tomboŋ, ko Yaawe ye a laahidi ñaameŋ.”

Hoseya 1:10

“Hani wo Banisirayilankoolu yaatewo be ke la le ko bankumunkoo, meŋ te sumaŋ noo la sako a yaatewo si loŋ. Aduŋ a fota a ma daameŋ to ko, ‘Ali maŋ ke n na moolu ti,’ a be fo la a ma jee le to ko, ‘Alla baluuriŋo diŋolu.’

Daniyeli 7:10

Dimbaa ka feenee naŋ a ñaatiliŋo la le. Mennu be a batu kaŋ, ì wuliwuloolu le mu, miliyoŋolu le be looriŋ a ñaatiliŋo la. Kiitiyo datita, aduŋ ì ye kitaaboolu yele.

Yesaya 60:14

I toorandilaalu koomalankoolu be naa ñoyi la i koto le, moolu mennu bee jututa i la, be naa ñoyi la i siŋo koto le. Ì be ite Siyoni kumandi la Yaawe la Saatewo le la, Banisirayila la Alla Senuŋ Baa la Saatewo.

Yesaya 59:20

Yaawe ko: “Kumakaalaa be naa Siyoni* le, ka naa Yaakuba koomalankoolu kaŋ, mennu tuubita ì la junuboolu la.”

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

2 Mansoolu 19:4

Asiriya mansa ye a la kelediŋ kuntiyo kii le ka Alla baluuriŋo sooki. Tumandoo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

Lankenemoo 21:10

Alla la Nooroo ye m muta, malaayikoo ye n samba konko jaŋ baa santo. A ye saatee senuŋo yitandi n na, meŋ mu Yerusalaamu ti, a be jii kaŋ ka bo Alla yaa, Arijana kono.

Lankenemoo 7:2

Bituŋ ŋa malaayika doo je, a ka bo naŋ santo tilibo karoo la, a niŋ Alla baluuriŋo la tampuraŋo. A sarita santo ka wo malaayika naanoo kumandi, semboo diita mennu la ka kasaaroo ke bankoo niŋ fankaasoo kono.

Yuuda 1:14

Enoki meŋ be jamaani woorowulanjaŋo kono ka bo naŋ Adama la, wo fanaa ye Alla la kiilaariyaa kumoo fo ñiŋ moolu la kuwo to le ko, “Maariyo ka naa le, a niŋ a la malaayika senuŋ wuliwuloolu,

Daniyeli 6:26

“Ŋa kaŋo dii le ko, moolu mennu bee be n na maraloo kono, si horomoo niŋ buuñaa dii Alla la, Daniyeli ka meŋ batu. Ate le mu Alla baluuriŋo ti, a be tu la keriŋ ne fo abadaa. A la mansabaayaa te buruka la muk, aduŋ a la noo le be tu la fo fawu.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yesaya 51:16

Nte le ŋa n na kumoo duŋ ali daa, ŋa m buloo biti ali kaŋ ka ali tanka. Nte le ye saŋ fatoolu ke ì dulaa to, ŋa bankoo fondamaŋo laa, n ko Siyoninkoolu ye ko, ‘Alitolu le mu n na moolu ti.’ ”

Jabuuroolu 87:3

Alla la saatewo, i lamoyi, kaatu a ye kuma ñiimaalu le fo i la kuwo to. S

Jabuuroolu 84:2

Nte be meeyaariŋ ne, ka tara jee, ka tara Yaawe la luwolu to. Seewoo dunta n sondomoo niŋ m balajaatoo bee le la ka suukuwo laa Alla baluuriŋo ye.

Jabuuroolu 2:6

A ko, “Ŋa n na mansa londi Siyoni* le, n na konko senuŋo* kaŋ.”

Yosuwa 3:10

Ali be a loŋ na ñiŋ ne la ko, Alla baluuriŋo be ali fee le. A be ñiŋ moolu mennu mu Kanaaninkoolu ti, Hitinkoolu, Hiwinkoolu, Perisi koomalankoolu, Kirikasinkoolu, Amorinkoolu, aniŋ Yebusinkoolu bee bayi la ali ñaato le.

5 Musa 33:2

A ko: “Ka bo naŋ Sinayi Konkoo santo, Yaawe* naata ǹ kaŋ. A wulita ko tiloo, a malata ǹ kaŋ ka bo naŋ Seyiri. A la maloo malamalata naŋ ka bo Parani Konkoo to, a niŋ malaayika wuliwuloolu, dimbaa be ŋalasi la a bulubaa karoo la.

5 Musa 5:26

Hadamadiŋ jumaa le nene sotota, Alla baluuriŋo diyaamuta meŋ ye dimbaa maloo kono, a maarii ye tu a niyo la ko ntolu?

Hiburunkoolu 10:31

Ka duŋ Alla baluuriŋo buloo kono, wo mu silaŋ kuu baa le ti.

Hiburunkoolu 9:14

Wo to, Kiristu yeloo duŋ, meŋ na kuwo warabaata beeyaŋ sadaalu yeloo ti! Ka bo niŋ badaa-badaa Nooroo la, a ye a faŋo dii sadaa ti, sootaari te meŋ na. Wo le ye a tinna a yeloo ka ǹ sondomoolu seneyandi ka bo baara nafantaŋolu kono, fo ǹ si Alla baluuriŋo batu noo.

Hiburunkoolu 3:12

Baadiŋolu, ali ali hakiloo tu fo moo-wo-moo kana tara ali kono, meŋ ye jawuyaa niŋ lannabaliyaa soto a sondomoo kono, kaatu wo le ka a tinna, moo ka a koo dii Alla baluuriŋo la.

1 Tesalonikankoolu 1:9

kaatu ì faŋolu le ye kuwolu fo, ali ye m̀ buuñaa ñaameŋ biriŋ ǹ naata ali yaa. Ì ye a fo le, ali ye ali koo dii jalaŋolu la ñaameŋ ka naa Alla kaŋ, ka a batu, meŋ mu Alla baluuriŋo niŋ Alla tooñaa ti.

Roomankoolu 11:26

Wo koolaa le, Banisirayilankoolu bee si naa kiisa ko a be safeeriŋ ñaameŋ: “Kiisandirilaa ka naa ka bo Siyoni*, a be allantaŋyaa bayi la Yaakuba koomalankoolu kono le.”

Roomankoolu 9:26

“Aduŋ wo dulaa kiliŋo to, ŋa a fo ì ye daameŋ ko, ‘Alitolu maŋ ke n na moolu ti,’ ì be kumandi la jee le to ‘Alla baluuriŋo diŋolu’.”

Matiyu 5:35

waraŋ duniyaa la, kaatu wo mu Alla la siŋ looraŋo le ti. Ali kana i kali Yerusalaamu la, kaatu jee mu Mansa Baa le la saatewo ti,

Yesaya 14:32

Muŋ jaabiri le be dii la kiilaalu la, mennu bota Filisitini bankoo kaŋ? M̀ be a fo la le ko, “Yaawe le ye Siyoni* londi fo a bambanta, aduŋ a la moo toorariŋolu be tankoo soto la jee le.”

Jabuuroolu 68:17

Maariyo bota naŋ Siyoni Konkoo to, a niŋ a la keleraŋ sareeti* wuli dambaloolu, ka duŋ a Batudulaa Senuŋo kono.

Matiyu 16:16

Bituŋ Simoni Pita ye a jaabi, “Ite le mu Alimasiihu* ti, Alla baluuriŋo Dinkewo.”

Jabuuroolu 42:2

Ite Alla baluuriŋo, i la kuwo mindoomaa le ye m muta. Muŋ tuma le m be naa noo la ka loo i ñaatiliŋo la?

Yesaya 24:23

Karoo si dibi, tiloo ye foo a la maloo la, kaatu Yaawe Alihawaa Maariyo* le be maraloo ke la Yerusalaamu Siyoni* Konkoo kaŋ, saatee ñaatonkoolu si a la mansabaayaa je.

Yesaya 27:13

Wo luŋo la, saakotoŋ bina* baa le be fee la, ì ye moolu mennu samba Asiriya bankoo kaŋ, aniŋ ì ye mennu bayi ka taa Misira bankoo kaŋ, bee be naa la le ka Yaawe batu Yerusalaamu konko senuŋo* kaŋ.

Yeremiya 17:25

Niŋ wo keta, ì la mansoolu niŋ ì la maralilaalu be kali duŋ niŋ finti la Yerusalaamu dundaŋ daalu la le, ì ye ì mumu Mansa Dawuda noo taa. Ì niŋ ì la maralilaalu be kali keleraŋ sareetoolu* niŋ suwoolu le borindi la ka duŋ naŋ jee. Yahuuda moolu fanaa be kali tara la ì fee le, aniŋ mennu be siiriŋ Yerusalaamu, aduŋ moolu be sabati la ñiŋ saatewo kono le fo fawu.

Efesusinkoolu 2:19

Wo to, ali maŋ ke luntaŋolu niŋ tumarankewolu ti kotenke, bari ali mu bankudiŋñoolu le ti ali niŋ Alla la moo senuŋolu, aniŋ a la dimbaayaa.

2 Timoti 4:18

Maariyo be n kanandi la kuu jawoolu bee ma le, a be n samba la tankoo kono a la mansabaayaa to, Arijana. Tenturoo niŋ jayiroo be ate le ye fo abadaa. Amiin.

Hiburunkoolu 11:16

Bari tooñaa, ì tarata hameriŋ banku betoo doo le la, meŋ beteyaata wo doo ti, kaatu a be Arijana le kono. Wo kamma la, niŋ wo moolu ka Alla kumandi ì la Alla la, Alla maŋ wo muta malu kuwo ti, kaatu a ye saatewo le parendi ì ye.