Hiburunkoolu 12:13 - Mandinka Bible

¹³ Ali silandiŋolu tembendi ali siŋolu ye, fo namatoo cokoolu kana bo ñoo daa, bari ì si kendeyaa.

Hiburunkoolu 12:13 ပူးပေါင်းရင်းမြစ်များ

Yesaya 35:3

Ali ali bulu lamfuriŋolu bambandi, aniŋ ali kumbaliŋ koririŋolu.

Yesaya 35:6

Lanjuurutoo si sawuŋ ko minaŋo, mumunewo ye denkiloo laa seewoo kono. Kaatu keñewuloo be faa la jiyo la le, wuloo bee ye ke boloŋo ti.

Yesaya 42:16

M be tara la finkintewolu le ñaato siloo kaŋ, ì maŋ dali daameŋ na, m be ì kanta la jee le. M be diboo yelemandi la ì ñaatiliŋo la maloo le ti, ŋa sila tembebaloolu tembendi ì ye. M be n na laahidoolu timmandi la le, n te ì baayi la muumeeke.

Yesaya 58:12

Ali la moolu be tumbuŋ kotoolu lookuu la le, ì ye fondamaŋ kotoolu wulindi kotenke. Ali be kumandi la sansaŋ boyiriŋ loolaalu le la, aniŋ mennu ka mbeedoolu dadaa, fo taradulaalu ye tara jee.”

Yeremiya 18:15

Bari nte la moolu ñinata n na le, ì ka cuuraayoo siisindi jalaŋ kenseŋolu ye. Wolu le ye ì takindi ì taaraŋ siloolu kaŋ, ka bo ì la sila kotoo kaŋ, ì ye lamfee siloolu taa, ì buka taa sila fanuŋ baa la kotenke.

Luka 3:5

Wulumbaŋolu bee ye saareŋ, konko baalu niŋ konkoriŋolu bee ye jii. Sila jenkeriŋolu ye tiliŋ, sila kaatibaloolu ye tembe.

Kalatiyankoolu 2:14

Kabiriŋ ŋa ì la wo maañaa je, meŋ maŋ tara looriŋ tooñaa kaŋ kibaari betoo kono, n ko Kefas ye ì bee ñaa la ko, “Ite mu Yahuudoo le ti, bari hani wo, i buka maa ko Yahuudoo. Niŋ ite ka maa ko meŋ maŋ ke Yahuudoo ti, wo to, muŋ ne ye a tinna i ka moo koteŋolu diyaakuyaa mandi ko Yahuudoolu?”

Kalatiyankoolu 6:1

Baadiŋolu*, niŋ moo-wo-moo jeta ali kono junube kewo la, alitolu mennu be Nooroo la siloo kaŋ, ali si a kuluu, bari ali si a ke mooyaa kono. Ali ali hakiloo tu fo ali faŋolu kana boyi marisa kuwo kono.

Yankuba 5:16

Wo kamma la, ali i tuubiseyi ali la junuboolu la ñoo ye, aduŋ ali si duwaa ñoo ye, fo ali si kendeyaa. Moo tilindiŋo la duwaa ye sembe baa le soto.

1 Pita 2:24

Kiristu faŋo le ye ǹ na junuboolu dunoo taa, ka bo niŋ a baloo la, a ye ì samba yiribantambiloo kaŋ, fo ǹ si faa junuboo la karoo la, aduŋ ǹ si baluu tiliŋo ye. Ka bo niŋ a la baramoolu le la, ali kendeyaata.