Hakayi 2:7 - Mandinka Bible

⁷ Yaawe Alihawaa Maariyo le ye ñiŋ fo ko, “M be duniyaa bankoolu bee le maamandi la, fo ì la naafuloo bee si naa jaŋ, aduŋ m be ñiŋ buŋo konoo bee le kallankeeyandi la ì la naafuloo la.”

Hakayi 2:7 ပူးပေါင်းရင်းမြစ်များ

Malaki 3:1

Yaawe* Alihawaa Maariyo* ye ñiŋ ne fo ko, “M be n na kiilaa le kii la naŋ n ñaato ka siloo parendi. Ali be nte meŋ na kuwo ñini kaŋ, m be naa n na buŋo to le kataba kiliŋ. Aduŋ kiilaa meŋ niŋ kambeŋo kumoo be naa, ali be lafiriŋ meŋ na, be naa le.”

1 Mansoolu 8:11

A ye a tinna piriisoolu maŋ ì la baturoo ke noo tawaloo ñiŋ kamma la, kaatu Yaawe la kallankeeyaa* le ye Batudulaa Buŋo fandi.

1 Musa 49:10

Yahuuda niŋ mansayaa te fata la ñoo ma, a koomalankoolu be tu la maraloo la le, fo janniŋ maralilaa kuntiyo faŋo be naa la, meŋ, duniyaa moolu la buuñaa be tara la a ye.

Luka 2:46

Tili saba koolaa, ì ye a tara siiriŋ Luwaa karammoolu* teema Alla Batudulaa to. A be i lamoyi kaŋ ì la, aduŋ a ka ì ñininkaa fanaa.

Luka 2:27

Nooroo ye Simeyon kenkeŋ Alla Batudulaa* to. Biriŋ Yeesu la wuluulaalu ye a deenaanimaa samba jee ka kuwo ke a ye, Luwaa la aadoo ye meŋ landi,

Esekiyeli 21:27

Tumbuŋo, tumbuŋo, a be tumbuŋ na tumbuŋñaa le la, moo nene maŋ meŋ je. Bari a te ke la fo niŋ meŋ faŋo taa mu jee ti naata naŋ, wo to le m be a dii la a la ka ke a taa ti.”

Yesaya 60:7

Kedari saajii koorewolu bee be beŋ na i yaa le, Nebayoti saajiikotoŋolu ye tara i sawoo to, m be soŋ na le, ì ye ke sadaa ti, n na sadaajanidulaa* kaŋ. Aduŋ m be n na Batudulaa ñiimaa ñarandi la le.

1 Musa 22:18

Duniyaa moo koteŋolu bee be neemoo soto la ka bo niŋ i koomoo le la, kaatu i ye n na yaamaroo muta le.’ ”

Kalatiyankoolu 3:8

A fota le nuŋ, janniŋ a be ke la, Kitaabu Senuŋo kono ko, moolu mennu maŋ ke Yahuudoolu ti, Alla be ì tilindi la ka bo niŋ ì la lannoo le la. Alla ye ñiŋ kibaari betoo fo Iburayima ye le ko, “Nasiyoŋolu bee be neemoo soto la ka bo niŋ ite le la.”

Yohana 1:14

Bituŋ Kumoo naata ke hadamadiŋo ti, a sabatita ntolu kono, aduŋ a be faariŋ hiinoo niŋ tooñaa le la. Ŋà a la semboo niŋ waroo je le, kaatu ate le mu Faamaa Dinkee kiliŋo ti.

Luka 21:38

Bituŋ soomandaa juunoo, moolu bee ka naa Alla Batudulaa to le ka a lamoyi.

Luka 19:47

Luŋ-wo-luŋ Yeesu ka karandiroo ke Alla Batudulaa to le. Piriisi* ñaatonkoolu, Luwaa karammoolu* aniŋ alifaalu ye siloo ñini, ì be a faa la ñaameŋ.

Jabuuroolu 80:1

Banisirayila Kantalaa, i tuloo tu ǹ to, ite meŋ ka Yusufa koomalankoolu kenkeŋ ko saajii koorewo. Ite meŋ na mansasiiraŋo be kerubu malaayikoolu* teema, i la kallankeeyaa* faramansandi,

Luka 20:1

Luŋ doo le la, kabiriŋ Yeesu be kibaari betoo kawandi kaŋ ka moolu karandi Alla Batudulaa to, piriisi* ñaatonkoolu, Luwaa karammoolu* aniŋ alifaalu naata a kaŋ.

1 Musa 3:15

M be jawuyaa juloo le duŋ na i niŋ musoo teema, ka taa fo i koomoo aniŋ a koomoo. A koomalankoo be dori la i kuŋo kaŋ, i fanaa be a kiŋ na a tonkoliŋo to.”

Kolosankoolu 2:9

Alla mankutoo be Kiristu kono le, a timmariŋo, hadamadiŋyaa kono,

Jabuuroolu 85:9

A be koyiriŋ ne ko, a be pareeriŋ ne ka moolu kiisa mennu ye a kuliyaa, fo horomoo si tara a ye, ǹ na bankoo kaŋ.

Yesaya 2:19

Moolu be bori la le, ka i maabo berehuwolu aniŋ dinkoolu kono, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Yesaya 60:4

Yaawe ko: “I dandaŋolu juubee, i ye a je, meŋ be ke kaŋ. Ì bee benta le ka naa i yaa. I dinkewolu be bo la naŋ dulaa jaŋ, ì ye i dimmusoolu fanaa sika naŋ ne.

Esekiyeli 31:16

M be kijafara baa le laa la bankoolu kaŋ, ka bo niŋ a boyi kaŋo la, niŋ ŋa a fayi duuma, ka taa laakira, aniŋ moo doolu mennu taata a ñaa kaburoo kono. Aduŋ Edeni naakoo kono yiri ñiimaalu bee, mennu mu Libanooni yiri betoolu ti, woyoo daala yiroolu bee, ì ye mennu jiiboŋ kendeke, a be ke la wolu ye jusu ñaburaŋo le ti, laakira jee.

Esekiyeli 38:19

N daalita n na kamfaa dimbaamaa kono, wo luŋo la banku jarajara baa le be ke la Banisirayila bankoo kaŋ.

Esekiyeli 44:4

Bituŋ kewo ye n samba naŋ Batudulaa Buŋo* ñaatiliŋo la, ka bo niŋ dundaŋ buŋo la meŋ ñaa be tilindiŋ maraa karoo la. A fele, Batudulaa Buŋo bee be faariŋ Yaawe la kallankeeyaa* la. Bituŋ ŋa m fayi bankoo to, m bitita n ñaadaa kaŋ.

Hakayi 1:8

Ali wuli ali ye taa konkoolu santo, ali ye babaroo ñini naŋ, ka Batudulaa Buŋo seyinkaŋ loo. Niŋ wo keta, a si ke n ye horomoo ti, aduŋ m be seewoo la le.” Yaawe le ye a fo.

1 Mansoolu 8:10

Kabiriŋ piriisoolu fintita naŋ Dulaa Senuŋo kono, tawaloo ye Yaawe Batudulaa Buŋo kono fandi.