Hakayi 2:6 - Mandinka Bible

⁶ Yaawe Alihawaa Maariyo le ye ñiŋ fo ko, “Waatindiŋ wucoo kono, m be saŋ fatoolu niŋ duniyaa jiijaa la le, aniŋ fankaasoo niŋ bankoo.”

Hakayi 2:6 ပူးပေါင်းရင်းမြစ်များ

Yesaya 10:25

A te mee la, n na kamfaa ali kamma be daŋ na, n na kamfaa ye naa tiliŋ itolu la ka ì kasaara.”

Kiilaalu 2:19

M be kaawakuwolu yitandi la saŋo santo le, aniŋ taamanseeroolu duniyaa kono duuma. Yeloo niŋ dimbaa be tara la jee, aniŋ siisii dibiriŋ baa.

Yoweli 3:16

Yaawe bumbunta ko jatoo ka bo naŋ Siyoni*, a ye kaŋo dii ka bo Yerusalaamu, saŋo niŋ bankoo jarajarata. Bari Yaawe faŋo le mu a la moolu ye tankadulaa ti, tata bambandiŋo, Banisirayilankoolu ye.

Yesaya 29:17

Tooñaa, a te mee la faŋ, Libanooni sutoo si yelema ka ke doodulaa kendiŋo ti, doodulaa kendiŋo ye ke ko sutu yiriwaariŋo.

Hiburunkoolu 10:37

ko a be safeeriŋ ñaameŋ: “Ñaato domandiŋ, ate meŋ be naa kaŋ, a be naa la le, a te mee la.

Esekiyeli 38:20

Ñewolu mennu be baa kono, kunoolu mennu ka tii santo, daafeŋolu mennu bee be wuloo kono, kuruntu feŋolu mennu bee ka kuruntu bankoo kaŋ, aniŋ moolu mennu bee be duniyaa kono, ì bee be jarajara la n ñaatiliŋo la le. Konkoolu be boyi la duuma, tintiŋolu bee be fotiŋ na ka jurumi naŋ duuma, aduŋ tata sansaŋolu bee be boyi la bankoo to le.

Yeremiya 51:33

Yaawe Alihawaa Maariyo, Banisirayila la Alla ye ñiŋ ne fo ko: “Dimmusuriŋ* Babiloni ka munta le siimaŋ toñonkadulaa, ì be a doriŋ-doriŋ kaŋ ne ka a denkundi foloo, a te hani mee la katiri waatoo be sii la.”

Yesaya 34:4

Saŋo santo malafeŋolu si yooyi, saŋ fatoo si moromoro, looloolu bee si joloŋ, ko yiri jamba jaariŋo ka joloŋ ñaameŋ, ko sooto diŋ nororiŋo ka joloŋ ñaameŋ.

Jabuuroolu 37:10

Hani a te mee la, moo kuruŋolu be yeemaŋ na. I si ì ñiniŋ, bari i te ì je la.

Lankenemoo 11:9

Bituŋ moolu, ka bo bankoolu bee to, siyolu bee to, kaŋolu aniŋ nasiyoŋolu be tara la ì furewolu fele la le fo tili saba niŋ talaa, ì te soŋ na ka ì baadee.

Yuuba 9:6

Ate le si a noo, a ye bankoo jarajarandi. Samasiŋolu mennu ye a muta, bee ye jiijaa.

Jabuuroolu 18:7

Bankoo jarajarata, konkoolu fondamaŋolu jiijaata. Ì maamanta le, kaatu a kamfaata le.

Yesaya 2:19

Moolu be bori la le, ka i maabo berehuwolu aniŋ dinkoolu kono, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Yesaya 13:13

Wo luŋo la, m be a ke la le saŋ fatoolu ye jarajara, duniyaa ye maamaŋ a noo to, nte Yaawe Alihawaa Maariyo la kamfaa kaŋ, niŋ n na kamfaa baa luŋo siita.

Yeremiya 33:14

Yaawe ye ñiŋ ne fo ko: “Luŋolu be naa le, tuma meŋ m be n na laahidoolu timmandi la Banisirayila niŋ Yahuuda ye.

Esekiyeli 38:19

N daalita n na kamfaa dimbaamaa kono, wo luŋo la banku jarajara baa le be ke la Banisirayila bankoo kaŋ.