Hakayi 1:6 - Mandinka Bible

⁶ Ali ye fiifeŋ jamaa le fii, bari ali ye meŋ kati a daŋo dooyaata baake le. Ali ka domoroo ke le, bari ali konoo buka faa. Ali ka i miŋ, bari mindoo buka bo ali la. Ali ka feetoofatoolu duŋ ne, bari ì buka nenoo bo ali la. Ali ka joo soto le, bari a ka munta le ko, ali ka a ke kufu sooriŋo le kono.”

Hakayi 1:6 ပူးပေါင်းရင်းမြစ်များ

Hakayi 1:9

“Ali jikita le ko ali la katirifeŋolu be siyaa la le, bari a fele a naata ke domandiŋ ne ti. Ali ye meŋ samba naŋ suwo kono, ŋa a fee le ka a janjaŋ. Muŋ ne ye ñiŋ saabu?” Yaawe Alihawaa Maariyo le ye wo ñininkaa. A tententa ka a fo ko, “N na Batudulaa Buŋo tuta tumbundiŋ, wo tumoo alitolu meŋ-wo-meŋ ka tara boriŋ-boriŋ na a fansuŋ buŋo la kuwo la.

Hoseya 4:10

Ali si domoroo ke, ali konoo te faa la, ali ye cakayaa ke, ali te jiidi la, kaatu ali ye ali koo dii nte Yaawe la le.”

Hakayi 2:16

ali tarata nuŋ ñaadii le? Niŋ moo-wo-moo naata siimaŋ bajoo to, a be jikiriŋ ko a be sumandaŋ muwaŋ ne soto la, a ka taŋ doroŋ ne soto. Niŋ a naata wayini bata baa to ka sumandaŋ taŋ luulu bii, a ka muwaŋ doroŋ ne soto.

Hoseya 8:7

“Moo meŋ ye foñoo fii, turubaadoo le be faliŋ na wo maarii ye. Siimaŋ kaloo meŋ maŋ konomaa, muna wo si wuluu noo baŋ? Hani niŋ siimaŋo sotota fanaa, jawoolu si a bee kunuŋ.

Malaki 2:2

Niŋ ali maŋ i lamoyi a la, a maŋ duŋ ali sondomoo kono, ka n too horoma, m be jaraboo le jindi la naŋ ali kaŋ, aduŋ niŋ ali ye neemoo duwaa m be a yelemandi la ali ye dankoo le ti. Ŋa a ke ali ye a ti le fokabaŋ, kaatu n na dandalaaroo maŋ duŋ ali sondomoo kono.

Yesaya 5:10

Yiri kankaŋ taŋ be wayinoo* liitari muwaŋ doroŋ ne bondi la, aduŋ turu booto saba be sinsiŋo dammaa le bondi la.”

Jakariya 8:10

Janniŋ ì ka a dati ka Batudulaa ñiŋ lookuu, dookuulaa be joo la meŋ na, waraŋ beeyaŋolu la luwaasoo, wo faŋo le maŋ soto. Taa niŋ naa faŋo maŋ koyi, jawoolu la kuwo kamma la. Ŋa a ke le, moolu ka boyi ñoo kaŋ.

Jakariya 5:4

Yaawe* Alihawaa Maariyo* ko, ‘Ŋa yankankatoo ñiŋ bula naŋ ne ka duŋ suŋolu la buŋo kono, aniŋ meŋ-wo-meŋ ka i kali n too la faniyaa kaŋ. A be tara la wo maarii la buŋo kono le ka a bee kasaara, hani a beroolu niŋ babaroolu.’ ”

Yeremiya 44:18

Bari kabiriŋ waatoo meŋ na ŋà m foño ka sadaa bondi Saŋo Santo Musumansoo ye, aniŋ ka miŋ feŋ sadaa boŋ a ye, m̀ maŋ feŋ soto, aduŋ feŋo bee le ye m̀ manki, hawusaroo niŋ konkoo ye ǹ kasaara le.”

Yeremiya 14:4

Samaajiyo la kebaliyaa bankoo kaŋ, a ye a tinna le bankoo jaata kawu, senelaalu maluta katiri waatoo, ì ye ì kuŋolu biti.

Jabuuroolu 107:34

A ka senebanku kendoolu yelemandi lewolu ti le, jee siilaalu la jawuyaa maañaa kamma la.

Yuuba 20:28

Ì la bunkono feŋolu bee si kasaara, ka ì wafu naŋ Alla la kamfaa luŋo la.

Yuuba 20:22

Hani niŋ ì ye feŋo bee le soto, ì niyo si tara kuyaariŋ. Niitooroo doroŋ ne be naa la ì kaŋ.

1 Mansoolu 17:12

Furuyaamusoo ye a jaabi ko, “A be koyiriŋ ñaameŋ ko Yaawe be baluuriŋ ne, mbuuru te nte bulu. Fariña munku bulufaa doroŋ ne be m bulu keraŋo kono, aniŋ tuloo domandiŋ dumboo kono. M be loo kala dantaŋ ne ñini kaŋ teŋ ka a samba suwo kono, fo n si tabiroo ke n niŋ n dinkewo ye a domo. Wo koolaa konkoo si naa m̀ faa.”

2 Samuweli 21:1

Dawuda la waatoo la, konkoo le boyita fo sanji saba, bituŋ Dawuda ye Yaawe* ñininkaa. Yaawe ko, “Sawulu niŋ a la dimbaayaa maŋ a kekuu, kaatu itolu le ye Kibeyoninkoolu faa.”

3 Musa 26:26

M be ali la siimaŋ sotoo daŋ na le, domoroo ye dooyaa, hani fo musu taŋ kali deŋ fuuri kiliŋ na ka ali la mbuuroo jani a kono. Ì si naa muru ì ye a sumaŋ, ka a talaa ali teema, aduŋ a te ali sii la.

3 Musa 26:20

Ali be ali semboo bo la kensenke le, kaatu ali la bankoo te fiifeŋ bondi la, aduŋ a yiroolu te diŋ na.

Nehemiya 5:2

Doolu be a fo kaŋ ko, “Ntolu niŋ ǹ dinkewolu niŋ ǹ dimmusoolu siyaata le. Ntolu te tu noo la baluwo to fo niŋ ŋà siimaŋ kesoo soto, m̀ be meŋ domo la.”

Yeremiya 12:13

Ì ye siimaŋo le fii, bari ì ye ŋaniŋo le kati. Ì ye ì faŋ faa dookuwo la le, bari a maŋ ì nafaa feŋ na. Ì maluta ì la katiroo to le, nte Yaawe la kamfaa baa kamma la.”

Hakayi 1:5

Saayiŋ Yaawe Alihawaa Maariyo ye ñiŋ ne fo ko, “Ali i miira ali maañaa la.

Hakayi 1:7

Yaawe Alihawaa Maariyo ye ñiŋ ne fo kotenke ko, “Ali i miira ali maañaa la.

Hakayi 1:10

Ali la kuwo le ye a tinna saŋ fatoolu maŋ komboo jindi, aduŋ feŋ te faliŋ na bankoo kaŋ.

Hakayi 2:17

Ŋa ali niŋ ali la senefeŋolu bee busa le, ka bo niŋ jaa la, fiifeŋ kuuraŋo, aniŋ saŋ beroo, bari hani wo de, ali maŋ muru naŋ n kaŋ.” Yaawe le ye a fo.

5 Musa 28:17

Dankoo si tara ali la siimaŋ kese keraŋolu ye, aniŋ ali la keraŋolu, ali ka fariñoo nooni mennu kono.

Kuma Kotoomaalu 11:24

Doo ka sooroo ke le waati-wo-waati, hani wo, a la naafuloo ka tu siyaariŋ, bari doo buka sooroo ke muumeeke, a ka naa labaŋ fuwaareyaa la.