Hakayi 1:13 - Mandinka Bible

¹³ Hakayi ye Yaawe la kumoo futandi moolu ma le, ka a fo ì ye ko, “Yaawe le ye ñiŋ fo ko, a be tara la ali fee le.”

Hakayi 1:13 ပူးပေါင်းရင်းမြစ်များ

Yesaya 43:2

Niŋ ali be teyi la niŋ baa la, m be tara la ali fee le. Niŋ ali be tambi la niŋ baa diinondiŋo la, jiyo te ali kunuŋ na. Niŋ ali taamata dimbaa kono, ali te jani la. Niŋ ali dunta mantooroo kono, a te ali dewuŋ na.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Roomankoolu 8:31

Saayiŋ, ǹ si muŋ ne fo ñiŋ kuwo to? Niŋ Alla be ntolu fee, jumaa le be balaŋ noo la ntolu ma?

Malaki 3:1

Yaawe* Alihawaa Maariyo* ye ñiŋ ne fo ko, “M be n na kiilaa le kii la naŋ n ñaato ka siloo parendi. Ali be nte meŋ na kuwo ñini kaŋ, m be naa n na buŋo to le kataba kiliŋ. Aduŋ kiilaa meŋ niŋ kambeŋo kumoo be naa, ali be lafiriŋ meŋ na, be naa le.”

Hakayi 2:4

Bari saayiŋ Yaawe ye ñiŋ ne fo ko, “Hani wo de, i si wakiili, ite Serubabeli. Ite Yosuwa fanaa si wakiili, ite meŋ mu piriisi kuntiyo ti. Alitolu bankoo moolu bee fanaa si wakiili.” Yaawe Alihawaa Maariyo* le ye ñiŋ fo ko, “Ali dookuwo ke, kaatu m be tara la ali fee le.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

2 Timoti 4:17

Bari Maariyo le loota m fee, a ye n sembentuŋyandi ka a la kibaaroo kawandi timmarinke fo moolu bee si a moyi, mennu maŋ ke Yahuudoolu ti. Aduŋ a ye n kanandi jatoo daa ma le.

Matiyu 18:20

Kaatu niŋ moo fula waraŋ saba benta nte too la daa-wo-daa, n ka tara ì fee jee le.”

Matiyu 1:23

“A juubee, sunkutoo be konoo taa la, aduŋ a be dinkewo le wuluu la. Ì be a kumandi la Immanuweli le la, meŋ kotoo mu ‘Alla be ntolu fee le.’ ”

Malaki 2:7

“Piriisoo neŋo ñanta tara la looriŋ londoo sabatindoo le kaŋ n na kuwo to, aduŋ moolu ñanta yaamaroo ñini la ate le bulu. Kaatu ate le mu nte Yaawe Alihawaa Maariyo la kiilaa ti.

Yeremiya 30:11

M be ali fee le ka ali kiisa.” Yaawe le ye a fo. “M be wo bankoolu bee le buruka la, ŋa ali janjandi mennu kaŋ taariŋ, bari n te alitolu buruka la. M be ali kuluu la le ko a ñanta ñaameŋ. N te ali bula la muk, m maŋ ali kuluu.”

Yeremiya 20:11

Bari ite Yaawe be loo la n ye le ko kelejawaroo meŋ silaŋñaa warata. Wo to n toorandilaalu be boyi la le, ì te i kutu la n na. Ì be malu la baake le, kaatu ì te kututeyi la. Ì la maloo be tu la le fo abadaa, a te ke la ñina kuu ti.

Yeremiya 15:20

M be i ke la ñiŋ moolu ye le komeŋ tata sansaŋo meŋ dadaata newo la. Ì be i kele la le, bari ì te kuu noo la i ma, kaatu m be tara la i fee le, ka i kiisa aniŋ ka i tanka.” Yaawe le ye a fo.

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

2 Taarika 32:8

Hadamadiŋ semboo le be ate fee, bari ntolu, Yaawe le be m̀ fee, ǹ na Alla ka m̀ maakoyi ka keloo ke ǹ ye.” Yahuuda mansa Hesekiya la kumakaŋo ye moolu bambandi.

2 Taarika 20:17

A maŋ jari ali ye keloo ke ñiŋ kele wuloo to, ali loo ali loodulaa to, ali ye tenkuŋ, ali ye a juubee Yaawe be nooroo dii la ali la ñaameŋ. Alitolu Yerusalaamunkoolu niŋ Yahuuda moo toomaalu, ali kana sila, aduŋ ali kana jikilateyi. Ali finti ali ye ì benduŋ saama, Yaawe be tara la ali fee le.’ ”

Esekiyeli 3:17

“Hadamadiŋo, ka bo saayiŋ na ŋa ite le tomboŋ ka i ke Banisirayilankoolu ye koroosirilaa ti, ka n na kumoolu lamoyi, ka ì sindi ì ma, aniŋ ka ì dandalaa.

Yesaya 44:26

N ka n na dookuulaa la kumoo timmandi le, ŋa n na annabiyomoo la bankeeroo ke kuu sotoriŋo ti. Ŋa a fo le ko, moolu be sabati la Yerusalaamu le kotenke, ì ye Yahuuda saatewolu lookuu. Ì la saatewolu be bo la tumbundiŋ ne, ì ye seyi ì ñaama.

2 Timoti 4:22

Maariyo ye tara i la nooroo fee. A la hiinoo ye tara ali fee.

2 Korintinkoolu 5:20

Wo to ntolu mu Kiristu la kiilaalu* le ti, aduŋ Alla ka a la kumandiroo ke ka bo niŋ ntolu le la. Ǹ ka ali daani Kiristu tooyaa la ka soŋ, ali niŋ Alla ye diyaa.

Yesaya 42:19

Jumaa le finkita ka tambi n na dookuulaalu la, waraŋ a tuloo ye suki ko ŋa n na kiilaalu mennu kii? Jumaa le finkita ko n na tomboŋ moolu, Yaawe la dookuulaalu?

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

Kiitindirilaalu 2:1

Yaawe* la malaayikoo taata ka bo Kilikali ka taa Bokimu. A ko ì ye ko, “Nte le ye ali bondi naŋ ka bo Misira, aduŋ nte le ye ali ñaatonkayaa ka taa bankoo kaŋ, ŋa n kali ka meŋ dii ali mumuñolu la. Nte le ko, n nene te n niŋ ali la kambeŋo tiñaa la.

1 Taarika 28:20

Bituŋ Dawuda ko a diŋo Sulemani ye ko, “Loo i ye bambaŋ, i ye wakiili ka ñiŋ dookuwo ke. Kana sila sako i si jikilateyi, kaatu Yaawe Alla, n na Alla, be i fee le. A nene te i bula la, a be tara la i fee le, fo i ye ñiŋ dookuwo bee baŋ, a la Batudulaa Buŋo to.