Hakayi 1:11 - Mandinka Bible

¹¹ Wo le ye a tinna ŋa jaa kili bankoo kaŋ, aniŋ konkoolu kaŋ. A be feŋolu bee le maa la, mennu keta siimaŋ kesemaalu ti, wayini* yiri kankaŋolu, wayini kutoo ka bo daameŋ, olifu* yiri kankaŋolu, tuloo ka bo daameŋ, ka taa bankoo ka fiifeŋ-wo-fiifeŋ wuluu, aniŋ hadamadiŋolu niŋ beeyaŋolu, aniŋ ali ka feŋ-wo-feŋ sene ali buloolu la.”

Hakayi 1:11 ပူးပေါင်းရင်းမြစ်များ

Hakayi 2:17

Ŋa ali niŋ ali la senefeŋolu bee busa le, ka bo niŋ jaa la, fiifeŋ kuuraŋo, aniŋ saŋ beroo, bari hani wo de, ali maŋ muru naŋ n kaŋ.” Yaawe le ye a fo.

5 Musa 28:22

Yaawe be ali mantoora la labara kuuraŋo le la, kajewo, aniŋ maadiŋo. Finjali kandoo niŋ jaa be ke la, kuuraŋo ye boyi fiifeŋolu kaŋ fo ì ye toli. Ñiŋ bee be ali nooma la le, fo ali bee ye kasaara.

2 Mansoolu 8:1

Elisa diyaamuta musoo ye, a ye meŋ dinkewo wulindi nuŋ saayaa kono. A ye ñiŋ ne fo a ye ko, “I niŋ i la dimbaayaa ye wuli ali ye taa. Ali taa daa-wo-daa ali si sabati noo daameŋ to fo waatindiŋ. Yaawe* be konko baa le boyi la bankoo kaŋ, meŋ loo be taa fo sanji woorowula.”

1 Mansoolu 17:1

Saayiŋ Eliya meŋ bota Tisibe Kileyadi tundoo kaŋ, ko Ahabu ye ko, “Ŋa n kali Yaawe* la, Banisirayila la Alla, m mu meŋ na dookuulaa ti ko komboo te ke la sako sanjoo ñiŋ saŋ naalaalu bee kono, niŋ a maŋ ke n na kumoo kaŋ ti.”

Amosi 9:6

Ate Mansoo meŋ ye a la mansabaayaa suwo loo saŋo santo, a ye saŋo wanka duniyaa kunto santo, a ka jiyo kili santo ka bo fankaasoo kono, a ye naa a jindi naŋ duniyaa kono. Yaawe le mu a too ti.

Amosi 7:4

M Maarii Yaawe ye n jerindi ñiŋ ne la: Ŋa a je le a ye kumandiri ke dimbaa jaraboo la, a ye kunkoolu bee jani. Kandoo ye bankoo duuma jiyolu bee jaa.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Niikuyaa Suukuwolu 1:21

“Woyi Yaawe, n na ŋuntaŋo moyi, m maŋ sabarindilaa soto. N jawoolu bee ye n na maasiiboo moyi le, ì seewoota ko, ite le ye a ke n na. I ye n laahidi luŋo meŋ na, a sindi, i ye n jawoolu ke ko m be ñaameŋ.

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Yeremiya 14:2

“Yahuuda bee be kumboo kaŋ, a saatewolu moolu be koririŋ ne. Jee moolu be laariŋ bankoo to niitooroo kono, aduŋ Yerusalaamu lembakaŋo taata santo le.

Malaki 3:9

Ali be tara la dankoo le kono, alitolu bankoo moolu bee. Kaatu ali be n suuñaa kaŋ ne.

Malaki 3:11

M be kuntiŋolu bayi la ali ye le, ì kana ali la bankoo siimaŋ feŋolu kasaara, aduŋ ali la wayini* yiroolu be diŋ na le kendeke. Nte Yaawe Alihawaa Maariyo le ye a fo.

Hakayi 2:19

Fo siimaŋ kese le tuta buntuŋ kono baŋ? Fo hani saayiŋ sooto suŋolu, wayini yiroolu, roomaani* yiroolu, aniŋ olifu* yiroolu ka diŋ ne baŋ? “Ka bo ñiŋ luŋo la, m be neema la ali ma le.”