Habakuki 1:9 - Mandinka Bible

⁹ Ì kataatoomaa le ka naa, ì hameriŋo ye kirimbaasi ñaato. Ì ye moo mutariŋolu jurumi ñoo kaŋ ko bankumunkoo.

Habakuki 1:9 ပူးပေါင်းရင်းမြစ်များ

Roomankoolu 9:27

Annabilayi Yesaya sarita Banisirayila la kuwo to le ko: “Hani Banisirayilankoolu siyaata ñaa-wo-ñaa ko bankumunkoo, dantaŋ ne be kiisa la,

Habakuki 1:6

M be semboo dii la Babiloninkoolu le la, wo moo balafaabaloolu, aduŋ ì tariyaata. Ì ka taama duniyaa karoo bee le la ka moolu yaalu taa ì bulu.

Hoseya 13:15

Hani niŋ Efurayimu yiriwaata ko seyiŋo, tiliboo foñoo si naa, Yaawe si a bula naŋ ka bo keñewuloo kono. A la koloŋo si jaa, a la jii woyoolu ye loo. A la naafulu maabodulaa, ì be ñapi la a feŋ kummaa baalu bee le kaŋ.

Hoseya 1:10

“Hani wo Banisirayilankoolu yaatewo be ke la le ko bankumunkoo, meŋ te sumaŋ noo la sako a yaatewo si loŋ. Aduŋ a fota a ma daameŋ to ko, ‘Ali maŋ ke n na moolu ti,’ a be fo la a ma jee le to ko, ‘Alla baluuriŋo diŋolu.’

Esekiyeli 19:12

Bari ì naata a wutu kamfaa le kono, ka a fayi duuma, tilibo foño kandoo ye a norondi. Ì ye a diŋolu bee wafu a bala. A juu bambandiŋo norota, dimbaa ye yiroo bee buruburu.

Esekiyeli 17:10

Hani niŋ a ye a tara, ì ye a tutu kotenke le, fo a be baluu noo la le ka yiriwaa baŋ? Niŋ tilibo foño kandoo ye a maa, fo a bee te noro la baŋ, ka a fee a ye noro wo kankaŋo kono a falinta daameŋ?”

Yeremiya 34:22

M be yaamaroo dii la le ka ì murundi naŋ ñiŋ saatewo kamma. Ì be a kele la le, ì ye a muta, ì ye dimbaa duŋ a la ka a jani. M be Yahuuda saatewolu ke la tumbuŋo le ti, moo te tara la siiriŋ jee.”

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 15:8

M be ì la furuyaamusoolu yaatewo siyandi la le, ka tambi baa daala keñoo la. Tilibula baa, m be tiñaarilaa le naati la, ŋa ì la fondinkewolu kerekere faa, ì baañolu ye ŋayibe. M be niikuyaa niŋ kijafaroo boyi la ì kaŋ ne kataba kiliŋ.

Yeremiya 4:11

Wo luŋo le Yaawe be a fo la ñiŋ moolu niŋ Yerusalaamu ye ko, “Foño kandi jawoo le be fee la n na kanu moolu kamma, ka bo keñewula* jaaroo kono. A te ke la fuufulee bondoo ti, waraŋ seneyandiroo.

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Yesaya 27:8

Hanii, Yaawe ye ì jarabi le ka ì bayi ka tara mutoo kono. A ye ì bayi a la kamfaa le kono, ko niŋ foño kandoo ka bo tiliboo la.

Jabuuroolu 139:18

N te ì yaatee noo la, kaatu ì be siyaa la bankumunkoo ti le. Niŋ n wulita, hani ka bii i be m fee le.

Yuuba 29:18

Wo to nte ye a miira, n ñanta siimaayaa la le ko duwaforoo, ŋa naa faa ñaŋo kono.

Kiitindirilaalu 7:12

Midiyaninkoolu, Amalekinkoolu aniŋ tilibo maafaŋ na moo doolu ye wulumbaŋo karoo bee fandi. Ì be siyaariŋ ñoo kaŋ ko kuntiŋolu. Ì la ñonkomoolu buka yaatee noo, ì be siyaariŋ ko bankumunkoo.

1 Musa 41:49

Yusufa ye siimaŋ jamaa le maabo, a siyaabaata le, fo ì maŋ a yaatewo loŋ noo.

2 Mansoolu 12:17

Wo waatoo la Aramu mansa Hasayeli taata Kati saatewo boyinkaŋ, aduŋ a ye jee muta. Bituŋ a muruta ka naa boyi Yerusalaamu saatewo kaŋ.

Daniyeli 11:17

Aramu mansa be paree la le, a niŋ a la mansamarali bankoo semboo muumewo ye naa. A be kayira kambeŋo le siti la a niŋ wo mansakee doo teema, aduŋ a be musoo le dii la a la ka a futuu ñiŋ kamma a si Misira mansamarali bankoo kasaara. Bari a kuwo te taama la, aduŋ a sawoo te ke la a ye.

Habakuki 1:17

Fo ì be tu la ñiŋ ne la baŋ, ka ì la hawusaroolu* taa ka moolu faa bankoolu kaŋ balafaabaliyaa kono?