Habakuki 1:2 - Mandinka Bible

² Hee Yaawe, kabiriŋ waati jaŋ m be deemaaroo ñini kaŋ i bulu, i be n danku la waati jumaa le? M be woosii kaŋ i ye ñiŋ ne la ko, fitinoo meeta minindiŋ moolu la le. Saayiŋ waati jumaa le mu, i be m̀ bo la a kono?

Habakuki 1:2 ပူးပေါင်းရင်းမြစ်များ

Niikuyaa Suukuwolu 3:8

Cari-cari, ñaajiyo ka boŋ n ye le ka maakoyiroo kumboo, bari a ka balaŋ n na duwaa muta la le.

Yeremiya 14:9

Muŋ ne ye a tinna i keta m̀ fee ko ì ye moo meŋ piwundi, komeŋ kelejawaroo meŋ semboo banta, a te tankandiri ke noo la? Hani wo, ite Yaawe be sabatiriŋ ǹ kono le, aduŋ i too le ka fo ǹ kunna. Kana i koo dii ǹ na.”

Lankenemoo 6:10

Ì sarita niŋ sari baa la ko: “M̀ Maarii Mansa Tallaa! Ite meŋ jankuta, ite meŋ mu tooñaa ti, fo i la kiitiyo be mee la le hani saayiŋ? Waati jumaa le i be moolu joo la, mennu ye ntolu faa?”

Jabuuroolu 94:3

Hee Yaawe, janniŋ muŋ tuma le mu moo kuruŋolu be tara la seewooriŋ? Yaawe, janniŋ muŋ tuma?

Yuuba 19:7

N woosiita, fitina kuwo meŋ laata n kaŋ, dankuru maŋ ke n na kuwo to. Ŋa deemaaroo ñini, bari tooñaa maŋ soto.

Jakariya 1:12

Bituŋ Yaawe la malaayikoo ko, “Yaawe Alihawaa Maariyo, i tarata kamfaariŋ Yerusalaamu niŋ Yahuuda saatewolu kamma le ñiŋ sanji taŋ woorowuloo kono. Janniŋ waati jumaa le duŋ i be wo bo la ì kaŋ, i ye i la hiinoo yitandi ì la?”

Jabuuroolu 22:3

Hani wo ite le mu Alla senuŋo ti, aduŋ Banisirayilankoolu ye i la mansasiiraŋo kuliyaa niŋ jayiroo le la.