Esita 8:17 - Mandinka Bible

¹⁷ Kumandaŋ banku-wo-kumandaŋ banku aniŋ saatee baa-wo-saatee baa, niŋ mansa la kankulaaroo futata jee, Yahuudoolu ka tara jusulaa niŋ seewoo le kono, aduŋ ì ka feetoo niŋ foñondiŋ luŋo soto le. Bituŋ moo jamaalu mennu bota sii doolu to naata ke Yahuudoolu ti, kaatu ì silata Yahuudoolu la kuwo la le.

Esita 8:17 ပူးပေါင်းရင်းမြစ်များ

Esita 9:19

Ñiŋ ne ye a tinna Yahuudoolu mennu be saatee banta la aniŋ saateeriŋolu to, ka Adari karoo tili taŋ niŋ naanoo ke feeti luŋo ti aniŋ jusulaa. Wo luŋo la ì ka tabiri kendoolu ke le ka ñoo niibo.

Jabuuroolu 18:43

N na moolu mennu naata m boyinkaŋ, i ye n tankandi ì ma, i ye n ke bankoolu la ñaatonkoo ti. M maŋ moolu mennu loŋ, ì bee ye m batu,

1 Samuweli 25:8

A si a la dookuulaalu ñininkaa, wolu be a fo la a ye le. Saayiŋ a si beteyaa yitandi alitolu n na fondinkewolu la, kaatu ali naata feeti luŋo le la. Ali si a fo a ye, a ye silafandoo dii ǹ na, a la dookuulaalu aniŋ a dinkewo nte Dawuda.”

5 Musa 11:25

Moo te soto la meŋ si i loo noo ali fee. Ali futata bankoo daa-wo-daa, Yaawe ali la Alla be ali la kuwo silaŋo dundi la jee moolu la le, ko a ye ali laahidi ñaameŋ.

Esita 9:27

Yahuudoolu ye ñiŋ ke ì kunto dunoo le ti, ka a ke aadoo ti ì faŋolu ye, ì koomalankoolu, aniŋ moo-wo-moo kafuta ì ma. Ì maŋ ñaŋ na ñina la ñiŋ luŋ fuloo la saŋ-wo-saŋ ko ì ye a fo ì ye ñaameŋ, aniŋ ì ye waatoo meŋ fo ì ye.

Esita 9:22

Ñiŋ waatoo le Yahuudoolu tankata ì jawoolu ma. Aduŋ ñiŋ karoo le ì la sunoo yelemata ì ye kontaanoo ti, aduŋ ì la jikilateyoo yelemata ì ye feeti luŋo ti. A ye ì safee le, fo ì si ñiŋ luŋo kalamuta ka a ke feetoo niŋ kontaanoo luŋo ti. Aduŋ ì si tabiri kendoolu ke ka ñoo niibo, aniŋ ka soorifeŋolu dii fuwaaroolu la.

Esita 9:2

Yahuudoolu benta ì la saatee baalu to le taariŋ Mansa Ahasuweru la kumandaŋ bankoolu bee kaŋ, ka moolu kele mennu lafita ka ì kasaara. Hani moo le buka i loo ì fee, kaatu bankoolu bee la moolu maŋ haañi ì la.

5 Musa 2:25

Ka bo bii la, m be ali la kuwo silaŋo dundi la moolu bee le la ñiŋ duniyaa sankuloo koto. Niŋ ì ye ali kibaaroo moyi, ì be tara la dewuŋo niŋ kijafaroo le kono.”

2 Musa 15:16

kija kuntoo aniŋ silaŋo le be boyi la ì kaŋ. Hee, Yaawe, kabiriŋ i la moolu be tambi kaŋ, i la moolu, i ye mennu bondi joŋyaa kono, ì jawoolu tuta tenkundiŋ ne komeŋ beroo.

1 Musa 35:5

Bituŋ Yaakuba niŋ a la dimbaayaa moolu taata ì la siloo la. Alla la kuwo silaŋo dunta wo dandanna saatee moolu bee la, ì maŋ haañi ka ì bayindi.

Esita 9:17

Ñiŋ keta Adari karoo tili taŋ niŋ sabanjaŋo luŋo le la, a tili taŋ niŋ naaninjaŋo luŋo, ì ye i foño le, aduŋ ì ye a ke feetoo niŋ seewoo luŋo le ti.

Nehemiya 8:10

Bituŋ Nehemiya ko moolu ye ko, “Ali ali la domori kendoolu domo, ali ye ali la miŋ feŋ diimaalu miŋ. Ali si moolu fanaa so doo la jee, mennu maŋ feŋ parendi ka a samba naŋ. Kaatu bii mu luŋ baa le ti m̀ Maarii ye. Ali kana sunu, kaatu Yaawe la kuwo seewoo le be ali bambandi la.”

Yosuwa 2:9

A ko ì ye ko, “Nte ye a loŋ ne ko, Yaawe* ye ñiŋ bankoo dii ali la le, wo silaŋo, wo le be ntolu bee kaŋ. Moo-wo-moo be ñiŋ bankoo kaŋ, a bee kijoo be teyiriŋ ne, a maŋ ke feŋ ti fo ali la kuwo.

Yosuwa 2:11

Kabiriŋ ŋà wo moyi, wo ye ǹ kijoo teyi le. Ali la kuwo ye a tinna le, moo maŋ jiki soto kotenke. Kaatu Yaawe ali la Alla, ate le mu Alla ti Arijana kono santo, aniŋ duniyaa kono jaŋ duuma.

Esita 9:3

Siyolu la kuntiyolu, maralilaalu, kumandaŋolu aniŋ mansa la dookuulaalu ka Yahuudoolu maakoyi le, kaatu ì silata Moridekayi la le.

Jabuuroolu 105:38

Misirankoolu seewoota le kabiriŋ ì taata, kaatu ì silata Banisirayilankoolu la le.