Esita 6:13 - Mandinka Bible

¹³ Kuwolu mennu keta a la, a ye a bee seyinkaŋ a la musoo Seresi niŋ a teeroolu ye. A la yaamarilaalu niŋ a la musoo ko a ye ko, “Niŋ Moridekayi le ye a tinna i dawuloo datita ka jii, aduŋ Yahuudoo le mu, niŋ i loota a fee i la kuwolu bee be tiñaa la le.”

Esita 6:13 ပူးပေါင်းရင်းမြစ်များ

Kuma Kotoomaalu 28:18

Moo meŋ ka taama sila tilindiŋo la, ka tara tankoo le kono, bari moo meŋ ka tara sila kuruŋo kaŋ, wo ka tariyaa boyi la le.

Hoseya 14:9

Moo meŋ ñaamenta, wo be ñiŋ kuwolu fahaamu la le. Moo meŋ ka kuwolu bo noo ñoo to, wo be ñiŋ loŋ na le. Yaawe la siloo tilinta le, moo tilindiŋo ka taama ate le la, bari moo kuruŋo, wo ka taki a kaŋ ne.

1 Musa 41:8

Bituŋ soomandaa a hakiloo naata janjaŋ. A ye kiilaa kii a la batuutaalu bee ye, aniŋ Misira moo ñaamendiŋolu bee. A ye a la siiboolu fo ì ye, bari moo maŋ soto, meŋ ye ñiŋ siiboolu fasari noo a ye.

1 Musa 40:19

Tili saba ñaato, Firawoona be i kuŋo kuntu la i bala, a be i deŋ na yiroo bala, kunoolu be i suboo domo la.”

Daniyeli 2:12

Wo kumoo ye a tinna le mansa kamfaata kamfaañaa jawu la, aduŋ a ye yaamaroo dii ko ì si Babiloni moo ñaamendiŋolu bee faa.

Yuuba 16:2

Ŋa ñiŋ siifaa jamaa le moyi. Ali ko, ali naata n sabarindi le, bari alitolu bee mu moo niitoorandilaa doroŋ ne ti.

Yuuba 15:24

Mantooroo niŋ niikuyaa le ka a kijabo. Ì ka a boyinkaŋ ne, ko mansakewo ka boyinkandiroo ke ñaameŋ.

1 Musa 24:66

Bituŋ dookuulaa ñiŋ naata kuwolu bee fo Isiyaaka ye, mennu keta.

4 Musa 24:9

Ali ka ñenteroo ke le, ali ye i laa ko jatoo, ali be ko le jatamusoo, jumaa le si haañi ka ali wulindi? “Allamaa Alla neema la moolu ma, mennu neemata ali ma, mennu ye ali danka, ye ke dankatoolu ti.”

5 Musa 32:10

A ye ì tara keñewuloo* le kono, a ye ì je dulaa le to, feŋ te daameŋ fo daafeŋ saŋaroolu kumakaŋo. A ye ì sansaŋ, a ye ì hati, a ka a hakiloo tu ì to, ko moo ka a hakiloo tu a ñaakesoo to ñaameŋ.

Jabuuroolu 105:15

A ko, “Ali kana n na tomboŋ moolu maa, sako ka kuu ke n na annabiyomoolu la.”

Jakariya 2:12

Yahuuda be ke la Yaawe taa le ti a la banku senuŋo kaŋ, aduŋ Yerusalaamu be ke la a la tomboŋ saatewo ti le kotenke.