Esira 4:17 - Mandinka Bible

¹⁷ Bituŋ mansa ye ñiŋ jaabiroo kii: Kumandaŋo Rehumu, safeerilaa Simusayi, aniŋ ali dookuuñoolu mennu be Samariya fannaa bee to, Yufurati Baakoo, m be ali kontoŋ na.

Esira 4:17 ပူးပေါင်းရင်းမြစ်များ

Roomankoolu 1:7

Ŋa ñiŋ safee alitolu Alla kanuntewolu bee le ye, a ye mennu kumandi ka ke a la moo senuŋolu ti Rooma saatewo kono. Hiinoo niŋ kayiroo be ali fee ka bo Alla bulu, m̀ Faamaa, aniŋ Maarii Yeesu Kiristu.

Kiilaalu 23:26

“Nte, Kalawudiyus Lisiyas be ǹ na alifaa baa Kumandaŋ Felis kontoŋ na.

Luka 10:5

“Niŋ ali dunta buŋ-wo-buŋ kono, ali a fo foloo ko, ‘Kayiroo be ali fee.’

Esira 7:12

Ñiŋ leetaroo bota Atasasita le yaa, mansoolu la mansakewo, a be taa Esira le yaa, piriisoo aniŋ karammoo. Aduŋ a la londoo warata Arijana Maarii la Luwaa la kuwo to le. M be i kontoŋ na.

Esira 5:7

Ì ye kibaaroo meŋ kii a ye, a safeeta teŋ ne: Leetaroo ka taa Mansa Dariyusi le yaa, aniŋ kontondiri baa.

Esira 4:7

Tukuŋ, Atasasita la mansayaa kono, Bisilamu, Mitiredati, Tabeeli, aniŋ ì kafuñoo toomaalu ye leetaroo safee, ì ye a kii Perisiya mansa Atasasita ye. Leetaroo ñiŋ safeeta niŋ Arameya kaŋo le la, bari ì ye a yelemandi kaŋ doo le to.

Esira 4:16

M̀ be mansa kalamutandi la ñiŋ na ko, niŋ ì ye ñiŋ saatewo lookuu ka a tata sansaŋolu seyinkaŋ dadaa, feŋ te tu la i bulu Yufurati Baakoo.

Esira 4:18

Ali ye leetaroo meŋ kii n ye naŋ, ì ye a bee karaŋ n ye le.

Daniyeli 4:1

Mansa Nebukanesa ye ñiŋ kankulaaroo le kii banku-wo-banku to, sii-wo-sii, aniŋ moolu bee, mennu be duniyaa daa-wo-daa: M be kayira baa duwaa la ali ye!

Daniyeli 6:25

Bituŋ Mansa Dariyusi ye safeeroo ke, a ye a kii duniyaa banku-wo-banku kaŋ, sii-wo-sii, aniŋ moolu bee. A ko: “M be kayira baa duwaa la ali ye.