Esira 3:12 - Mandinka Bible

¹² Bari piriisi keebaa jamaa, Lewi lasiloo, aniŋ lasili koteŋolu la alifaalu, mennu ye Yaawe la buŋ foloo je nuŋ, wuurita ka kumboo baake, kabiriŋ ì ye ñiŋ buŋo fondamaŋo je a be laa la. Wo waati kiliŋo la fanaa, moo jamaa ye ì kaŋo bula ka wuuri santo seewoo kamma la.

Esira 3:12 ပူးပေါင်းရင်းမြစ်များ

Hakayi 2:3

meŋ mu piriisi* kuntiyo ti, ka taa moo toomaalu, mennu tuta baluuriŋ ka bo mutoo kono. A si ì ñininkaa ñiŋ na ko, “Jumaalu le tuta baluuriŋ alitolu kono, mennu ye ñiŋ buŋo je, a be kallankeeyaariŋ ñaameŋ koomanto? A keta ali fee ñaadii le saayiŋ? Fo a maŋ ke ali fee le ko feŋ te?”

Jakariya 4:10

Ì jikilateyita le, kaatu dookuwo meŋ foloo keta Alla Batudulaa Buŋo to, a dooyaabaata le. Bari niŋ ì ye Serubabeli je, a niŋ buŋ looraŋ juloo, a be dookuwo tentendi kaŋ ñaato, i be seewoo la le kendeke.” Malaayikoo ko n ye ko, “Wo lampu woorowuloo ye Yaawe ñaalu le yitandi, mennu ka duniyaa bee muruŋ-muruŋ.”

Yesaya 60:22

Dimbaayaa meŋ maŋ siyaa i kono, be naa ke la kaabiila baa le ti, meŋ dooyaabaata si naa ke banku baa ti. Nte le mu Yaawe ti. Niŋ a waatoo siita, m be a ke la tariyaake le.”

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Jabuuroolu 126:6

Moolu mennu kumbootoo fintita, ì ye ì la fiifeŋ kesoo samba ka a fii, ì be naa muru la le, ì seewooriŋ baa, ka ì la siimaŋ kunsitoolu samba.

Yuuba 8:7

I foota meŋ bee la, wo te ke la feŋ ti, niŋ i ye a niŋ feŋo laa, Alla be naa meŋ dii la i la.

Esira 3:13

Wo ye a tinna le moo maŋ seewoo niŋ kumboo kaŋo bo noo ñoo to, kaatu moolu tarata wuuri kaŋ baake le. Maakaŋo ka moyi le, ka bo dulaa jaŋ baa to.

Yeremiya 50:4

Yaawe ko: “Wo luŋolu la, a waatoo la, Banisirayilankoolu aniŋ Yahuuda moolu kafuriŋo ñaajiitoo be nte Yaawe, ì la Alla ñini la le.

Jabuuroolu 147:1

Ali Yaawe* jayi. Ka ǹ na Alla jayi niŋ suukuwolu la, wo mu kuu kende le ti. Ka a jayi, wo mu kuu diimaa le ti, aduŋ a ñanta le.