Esira 3:11 - Mandinka Bible

¹¹ Ì ye suukuu laa niŋ laamutoo ke, ka Yaawe jayi aniŋ ka a tentu. Ì ka a fo le ko: “Yaawe beteyaata le, aduŋ a la kanu bambaloo be tu la Banisirayila fee le, fo abadaa.” Bituŋ moo bee ye ì kaŋo bula ka Yaawe jayi baake, kaatu Yaawe Batudulaa Buŋo fondamaŋo laata le.

Esira 3:11 ပူးပေါင်းရင်းမြစ်များ

1 Taarika 16:34

Ali Yaawe tentu, kaatu a beteyaata le, a la kanu bambaloo be tu la le fo abadaa.

Jabuuroolu 106:1

Ali Yaawe* jayi. Ali Yaawe tentu, kaatu a beteyaata le, a la kanu bambaloo be tu la le fo abadaa.

Jabuuroolu 107:1

Ali Yaawe* tentu kaatu a beteyaata le, a la kanu bambaloo be tu la le fo abadaa.

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Jabuuroolu 135:3

Ali Yaawe jayi, kaatu a beteyaata le. Ali suukuwolu laa ka a jayi a too la, kaatu a konotoo diyaata le.

Jabuuroolu 118:1

Ali Yaawe* tentu, kaatu a beteyaata le, a la kanu bambaloo be tu la le fo abadaa.

2 Taarika 7:3

Kabiriŋ Banisirayilankoolu bee ye a je, dimbaa be jii kaŋ naŋ duuma, aduŋ Yaawe la kallankeeyaa be Batudulaa Buŋo kunto, ì bee sujudita luwo to jee, ì ye daameŋ to teru beroo la, ì ye ì foŋo loo bankoo to ka Yaawe batu, ì ye a tentu ko: “Yaawe beteyaata le, a la kanu bambaloo be tu la le fo abadaa.”

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Nehemiya 12:24

Lewi lasiloo la ñaatonkoolu mu Hasabiya le ti, Serebiya, Kadimiyeli dinkewo Yesuwa, aniŋ ì baadiŋolu, mennu ka loo ì ñaatiliŋo la, ka tenturoo niŋ jayiroo ke. Kafu kiliŋo ka kafu doo laamuta le, ko Dawuda ye yaamaroo dii ñaameŋ, Alla la moo.

Yesaya 44:23

Hee saŋ fatoolu, ali suukuwo laa, kaatu Yaawe le ye ñiŋ ke. Hee duniyaa daŋo, sari santo. Alitolu konkoolu ali wutu suukuwo ti, aniŋ alitolu sutoolu niŋ ali la yiroolu bee, kaatu Yaawe ye Yaakuba kumakaa le, a ye a la semboo niŋ waroo yitandi Banisirayila.

2 Musa 15:21

Miriyaamu ka ñiŋ ne laa ì ye: “Ali suukuwo laa Yaawe ye, kaatu a la semboo niŋ waroo yitandita le, a ye suwoolu niŋ ì borindilaalu bee fayi baa kono.”

Luka 1:50

A ka a la balafaa yitandi a ñaasilannaalu le la, ka bo jamaani ka taa jamaani.

Jakariya 9:9

Yaawe ko: “Ite Dimmusuriŋ* Siyoni*, seewoo kendeke! Ite Dimmusuriŋ Yerusalaamu, wuuri kontaanoo ti. Ali la mansa fele, a be ali waliŋ kaŋ naŋ. A tilinta, kiisoo be a bulu, a niŋ fammajiyo be faloo koo to, falindiŋo le mu, falimusoo diŋo.

Yesaya 6:3

Ì tarata a fo la ñoo ye le ko, “Seneyaa, seneyaa, seneyaa be Yaawe* Alihawaa Maariyo* le fee. Duniyaa bee be faariŋ a la semboo niŋ a la waroo le la.”

Jabuuroolu 47:1

Duniyaa moolu, ali buloo kosi ka ali la seewoo yitandi. Ali Alla jayi kendeke.

1 Taarika 16:41

Hemani niŋ Yedutuni be nuŋ ì fee le, aniŋ moo tombondiŋ toomaalu, ì ye mennu too yitandi ka tenturoo dii Yaawe la, kaatu a la kanu bambaloo be tu la le fo abadaa.

Nehemiya 12:40

Bituŋ suukuulaalaa kafu fuloo loota ì la dulaa to Alla Batudulaa Buŋo kono. Nte fanaa niŋ ñaatonkoolu mennu be m fee ye wo le ke.

Jabuuroolu 47:5

Alla siita a la mansasiiraŋo kaŋ santo, moolu seewooriŋo ye binoolu fee.

Yosuwa 6:5

Niŋ ali ye bina feekaŋo moyi, meŋ loo jamfata, moolu bee si wuuri ñoo la santo. Saatewo tata sansaŋolu bee be boyi la le, bituŋ moolu si duŋ.

Yosuwa 6:16

Muruŋ-muruŋ woorowulanjaŋo la, kabiriŋ piriisoolu ye binoo fee, Yosuwa naata yaamaroo dii moolu la, a ko ì ye ko, “Ali wuuri santo! Kaatu Yaawe ye ñiŋ saatewo dii ali la le.

Yosuwa 6:10

Bari Yosuwa ye kaŋo dii ñiŋ moolu la le, a ko ì ye ko, “Ali kana sari santo, ali kana ali la diyaamoo fintindi, ali kana feŋ-wo-feŋ fo, fo luŋo meŋ, n ko ali ye ko, ‘Ali wuuri santo.’ Bituŋ ali si wuuri santo.”

Jabuuroolu 100:5

Kaatu Yaawe beteyaata le, a la kanu bambaloo be tu la le fo abadaa, aduŋ a la tiliŋo be tara la keriŋ ne fo fawu.

Jabuuroolu 131:1

Yaawe*, faŋ wara te n sondomoo kono, aduŋ m maŋ ke kufaŋ moo ti. M buka m faŋ bula kuu baa kewo la, waraŋ kuwolu mennu kaawakuuyaata m fee.

Jakariya 4:7

“Serubabeli, kuu koleŋolu mennu be warariŋ ko konko baa, be yeemaŋ na i ñaato le. I be Alla Batudulaa Buŋo* lookuu la le. Niŋ i be a bere labaŋo laa la, moolu niŋ seewoo le be wuuri la ñiŋ ti ko: Allamaa a neema la, Allamaa a neema la!”

Hakayi 2:3

meŋ mu piriisi* kuntiyo ti, ka taa moo toomaalu, mennu tuta baluuriŋ ka bo mutoo kono. A si ì ñininkaa ñiŋ na ko, “Jumaalu le tuta baluuriŋ alitolu kono, mennu ye ñiŋ buŋo je, a be kallankeeyaariŋ ñaameŋ koomanto? A keta ali fee ñaadii le saayiŋ? Fo a maŋ ke ali fee le ko feŋ te?”