Esekiyeli 9:2 - Mandinka Bible

² A fele, ŋa kee wooro le je, mennu naata niŋ dundaŋ daa la, Batudulaa Buŋo* maraa karoo la. Ì bee niŋ moofaaraŋ jooraŋo le mu. Bari kee doo le be ì kono jee, meŋ ye fatari dendikoo duŋ, kalaa niŋ duwaa le be a buloo kono. Kewolu dunta naŋ, ì loota sadaajanidulaa* daala, meŋ dadaata jaawaloo la.

Esekiyeli 9:2 ပူးပေါင်းရင်းမြစ်များ

Esekiyeli 10:2

Bituŋ Yaawe* diyaamuta wo kewo ye, fatari dendikoo be meŋ na, a ko a ye ko, “Taa wo sareeti siŋolu teema, mennu be wo kerubu malaayikoolu dandaŋo la, i ye i buloo fandi dimbaa keñemboolu la, i ye a janjaŋ Yerusalaamu saatewo kaŋ.” Bituŋ ŋa kewo ñiŋ je, a taata wo sareeti siŋolu teema.

3 Musa 16:4

A si jiyo taa, a ye i kuu. A si simisi jaŋo duŋ, ka taa kurutu sutuŋo, teesitiraŋo, aniŋ naawoo, mennu mu perekaani duŋ feŋ senuŋolu ti.

Lankenemoo 15:6

Bituŋ malaayika woorowula bota naŋ jee, ì niŋ mantoora woorowuloo. Ì la duŋ feŋolu mu fulaari ñiimaa le ti, meŋ be koyiriŋ ko perekaanoo, ì la sisi sitiraŋolu mu sanoo le ti.

2 Mansoolu 15:35

Bari batudulaa tintiŋolu wolu maŋ buruka, aduŋ moolu tententa ka sadaa bo aniŋ ka cuuraayoo siisindi ì kaŋ. Yotamu le ye Yaawe Batudulaa Buŋo* dundaŋ daa lookuu, meŋ be tintoo kaŋ.

Yeremiya 26:10

Kabiriŋ Yahuuda maralilaalu ye ñiŋ kuwolu moyi, ì naata Yaawe Batudulaa Buŋo to, ka bo naŋ mansabuŋo to. Ì ye siidulaa taa n na kuwo kamma Batudulaa Buŋo dundaŋ daa to, ì ka meŋ kumandi Dundaŋ Daa Kutoo la.

Yeremiya 25:9

a fele, m be siyolu bee le kii la naŋ ka bo bankoolu mennu be maraa kara maafaŋo la. Ì be naa ñiŋ bankoo niŋ a moolu kamma le, a niŋ a dandanna bankoolu bee kafuriŋo. Ì niŋ n na dookuulaa, Babiloni mansakewo Nebukanesa le be naa. M be ì muumewo kasaara la le, ka ì kenseŋyandi, ka ì la kuwo ke kijafaroo ti, ka ke ciiputaa ti, ka ke badaa-badaa tumbuŋolu ti. Nte Yaawe le ye a fo.

Yeremiya 1:15

Kaatu saayiŋ, m be banku koteŋolu bee le kumandi la naŋ, ka bo maraa karoo la.” Yaawe le ye a fo. “Ì la mansoolu be ì la mansasiiraŋolu londi la Yerusalaamu saatewo dundaŋ daalu* le to. Ì be tata sansaŋolu boyinkaŋ na le, ka taa saatee koteŋolu mennu bee be Yahuuda kono.

2 Taarika 27:3

Ate le ye Yaawe Batudulaa dundaŋ daa lookuu, ì ka a fo daameŋ ye Santo Dundaŋ Daa, aduŋ a ye dookuu baa le ke saatee tata sansaŋo to Yerusalaamu maafaŋo la, meŋ too mu Ofeli ti.

2 Taarika 4:1

Sulemani ye sadaajanidulaa* dadaa jaawaloo la, meŋ na kara jamfoo mu nonkonkatiñaa muwaŋ ti, a fanoo nonkonkatiñaa muwaŋ, a loo nonkonkatiñaa taŋ.

2 Musa 40:29

A ye sadaajanidulaa londi tiriliisoo dundaŋ daa le daala, a ye jani sadaalu* bondi jee, aniŋ siimaŋ sadaalu, ko Yaawe ye a yaamari a la ñaameŋ.

Esekiyeli 9:3

Bituŋ Banisirayila la Alla la kallankeeyaa* bota naŋ a be nuŋ daameŋ kerubu malaayikoolu* kunto, a naata loo Batudulaa Buŋo daa kuŋo to. Yaawe ye wo kewo kumandi, fatari dendikoo be meŋ na, kalaa niŋ duwaa be meŋ bulu,

Esekiyeli 9:11

Wo to le, wo kewo muruta naŋ, fatari dendikoo be meŋ na, kalaa niŋ duwaa be a bulu, a kumata Yaawe ye ko, “Ŋa i la yaamaroo timmandi le, i ye m bula meŋ na.”

Daniyeli 10:5

Ŋa n kuŋo wuli ka juubeeroo ke, n taata kewo je, fatari koyoo be dundiŋ a la, aduŋ saniforoo le be minindiŋ a tewo la.

Daniyeli 12:6

Malaayika doo ye doo ñininkaa, fataroo be dundiŋ meŋ na, a be looriŋ baa kunto. A ko a ye ko, “A be taa fo muŋ tuma le janniŋ ñiŋ kaawakuwolu be ke la?”

Yeremiya 4:6

Ali bandeeroo wulindi taamanseeroo ti ka Siyoni* waliŋ, ali ye bori ka tanka, ali kana loo, kaatu n ka maasiiboo le naati ka bo maraa karoo la, kasaara baa le mu.”

Esekiyeli 8:3

A ye meŋ tiliŋ n na, wo mulunta ko moo buloo. A ye n kuntiñoo ñafu. Bituŋ jeroo kono, Alla la Nooroo ye n samba santo ka taa fo Yerusalaamu, Batudulaa dundaŋ buŋo to, meŋ be tilindiŋ maraa karoo la. A ye n samba ka taa konoto luwo dundaŋ daa to, jalaŋo be daameŋ to meŋ ka Alla kamfandi.

Amosi 9:1

M Maarii Yaawe* ye n jerindi ñiŋ ne la: Ŋa m Maariyo je looriŋ sadaajanidulaa* daala. Bituŋ a kumata ko: “Ñiŋ batudulaa samasiŋolu santo ye taki, buŋo ñiŋ bee ye jiijaa ka bo santo fo duuma. A bee ye boyi naŋ moolu kaŋ. Niŋ mennu kanata, hawusaroo* le be wolu faa la. Hani moo kiliŋ te kana la ì kono, hani moo kiliŋ te bori la.