Esekiyeli 8:17 - Mandinka Bible

¹⁷ Bituŋ a ko n ye ko, “Hadamadiŋo, i ye a je le Yahuuda moolu ka kuu haraamuriŋolu mennu ke. Wolu maŋ kaañaŋ, ì ka tenteŋ ka fitinoo niŋ tilimbaliyaa janjandi bankoo bee kaŋ taariŋ, ì ka tenteŋ nte Yaawe kamfandoo le la. Ì ka tenteŋ ka nte Yaawe kamfandi hadaañiroo la.

Esekiyeli 8:17 ပူးပေါင်းရင်းမြစ်များ

Esekiyeli 9:9

Wo to le, a ye n jaabi ko, “Banisirayilankoolu niŋ Yahuuda moolu la kuruŋyaa landatambita le. Ì ye ì la bankoo kaŋ bee fandi niŋ moofaa niŋ tilimbaliyaa kuwolu le la. Ì ka naa a fo ko, ‘Yaawe ye a daa bondi ǹ na bankoo la kuwo to le, a buka ǹ je.’

Esekiyeli 7:23

Neejoloolu parendi, kaatu bankoo kaŋ be faariŋ moofaa le la, saatee kono be faariŋ fitinoo la.

Mika 2:2

Niŋ ì hameta kunku meŋ na, ì ka wo buusi a maarii bulu le. Niŋ ì lafita buŋo meŋ na, ì ka a taa le. Ì ka kewolu niŋ ì la dimbaayaalu toorandi, ì ka ì sotofeŋolu foriseetoo taa.

Amosi 3:10

Ì ye feŋolu le kafu ñoo ma suuñaaroo niŋ fitinoo kono, ka ì maabo ì la buŋolu kono. Ì maŋ a loŋ kuu tilindiŋo ka ke ñaameŋ.” Yaawe le ye a fo.

Yeremiya 6:7

Koloŋo ka tu jiyo bondi la ñaameŋ, kuu kuruŋo ka tu woyi la ñiŋ moolu bulu wo le ñaama. Fitinoo niŋ kasaaroo, i ka wo dammaa le moyi jee, n ñaa ka tara yankankatoo niŋ dimiŋo doroŋ ne la.

Sefaniya 1:9

Wo luŋo la, moo-wo-moo ka a siŋo sawundi bundaa kuŋo la, jalaŋo silaŋñaa kamma la, aniŋ moo-wo-moo ka a maarii yaa fandi feŋolu la, a ye meŋ soto fitinoo niŋ nakaroo la, m be ì bee le jarabi la.”

Mika 6:12

Ali la saatewo fentiyolu ye ì la fankoo soto fitinoo le la. Ali la saatee moolu ka faniyaa le fo, ka neeneeroo ke ì neŋ kolomoo la.

Amosi 6:3

Ali ye maasiiboo luŋo ñiŋ na naa muta ko luŋ jamfariŋ baa le mu, ali be marali jawoo duŋ kaŋ doroŋ.

Esekiyeli 16:26

I niŋ Misirankoolu ka cakayaa ke le, i siiñoolu mennu ka lafi i laañooyaa la waati-wo-waati. I ye n kamfandi i la cakayaa bambaloo le la.

Esekiyeli 11:6

Ali ye moo jamaa le faa, mennu furewolu be fatafatariŋ ñiŋ saatee mbeedoolu bee kaŋ.”

Esekiyeli 7:11

Fitinoo wulita le ka tilimbaliyaa warandi. Moo te tu la Banisirayilankoolu kono, ì siyaata ñaa-wo-ñaa. Ì taa mu feŋ-wo-feŋ ti, a bee be buusi la ì la le. Hani ì la feŋ kummaalu faŋolu, ì bee le be kasaara la.

Yeremiya 20:8

Niŋ m be diyaamu la waati-wo-waati, fo n si wuuri, aniŋ ka sari ko, “Fitinoo! Kasaaroo!” Ite Yaawe la kumoo foo keta n ye jalayiroo niŋ jelefeŋyaa le ti luŋ-wo-luŋ.

Yeremiya 19:4

Ñiŋ moolu ye ì koo dii nte la le, ì ka cuuraayoo siisindi jalaŋolu ye ka ì batu, ì ye ñiŋ dulaa kosondi le. Itolu mu wo, ì la alifaa foloolu mu wo, aniŋ Yahuuda la mansoolu, ì maŋ feŋ loŋ ñiŋ jalaŋolu la kuwo to. Saayiŋ ì naata ñiŋ dulaa fandi niŋ moolu yeloo le la mennu maŋ kuu ke.

2 Mansoolu 24:4

sako a ye moolu mennu faa, mennu maŋ kuu ke. A ye ì yeloo boŋ Yerusalaamu saatewo karoo bee le la, aduŋ Yaawe te yamfa noo la wo kuwo la.

2 Mansoolu 21:16

Wo koolaa fanaa Manase ye moo jamaa le faa, mennu maŋ kuu ke, ka ì yeloo boŋ Yerusalaamu saatewo karoo bee la. A ye ñiŋ junube kuwo le laa junuboo kaŋ a ye meŋ ke, ka Yahuuda moolu dundi kuu jawu kewo to, fo ì baarata kuu jawoo la Yaawe ñaa koto.

1 Musa 6:13

Bituŋ Alla naata a fo Nuha ye ko, “Ŋa ñiŋ ne muta, ka moolu bee siyo daŋ. Kaatu duniyaa bee be faariŋ tilimbaliyaa kuwo le la. Saayiŋ m be ì niŋ duniyaa bee le kasaara la.

1 Musa 6:11

Wo waatoo la jenkoo tarata duniyaa kono Alla ñaatiliŋo la, aniŋ duniyaa kono bee be faariŋ tilimbaliyaa kuwo le la.

Yeremiya 44:3

Ì ye kuu jawoo meŋ ke, wo le ye a saabu. Ì ye n kamfandi le ka cuuraayoo siisindi jalaŋolu ye ka ì batu, itolu nene maŋ mennu loŋ, sako alitolu, sako ali la alifaa foloolu.

Niikuyaa Suukuwolu 1:5

Ee ite! Siyoni konnantewolu keta a la kuntiyo ti, a jawoolu sawoo loota a la, kaatu Yaawe* le ye mantooroo laa a kaŋ, a la junuboolu la siyaa kamma. A la dindiŋolu taata mutoo kono, ì konnantewolu ye ì samba.

Esekiyeli 8:6

Wo to le a ye n ñininkaa ko, “Hadamadiŋo, i ye a je le baŋ, Banisirayilankoolu be kuu haraamuriŋ baalu mennu ke kaŋ? Wo le ka n jamfandi n na Batudulaa Senuŋo la. Aduŋ i be naa kuwolu mennu je la saayiŋ, wolu le be jawuyaa la ka tambi i ye mennu je teŋ.”

Esekiyeli 18:12

a ka fuwaaroolu niŋ mennu be suuloo kono mantoora, a ka suuñaaroo ke, a buka feŋo murundi a ye meŋ taa sankayaaraŋo ti, a ka jalambatoo ke, a ka kuu haraamuriŋolu ke,

Esekiyeli 23:25

M be n na kamfaa baa le jindi la naŋ i kaŋ, i si a je, ì buloolu si laa i kaŋ kendeke. Ì be i nuŋo niŋ i tuloolu kuntu la le, bituŋ i la moolu mennu tuta baluuriŋ, hawusaroo le be wolu faa la. Ì be i dinkewolu niŋ i dimmusoolu taa la le ì ye ì samba, aduŋ feŋ-wo-feŋ meŋ tuta jee, dimbaa le be wolu bee jani la.

Esekiyeli 28:16

I niŋ banku jamaa niŋ moo jamaa le ka julayaa ke. I la jawuyaa naata lafaa-lafaa laalaa. I ka tu junube kewo doroŋ ne la. Wo kamma la, ŋa i bayi le ka bo Alla la konko senuŋo* kaŋ, ka i malundi. Ite meŋ keta wo kantarilaa malaayikoo ti nuŋ, ŋa i bayi wo bere dimbaamaalu kono le.

Esekiyeli 45:9

Maarii Yaawe ye ñiŋ ne fo ko: “Alitolu Banisirayila mansoolu, ali kana n na moolu nakari. Kaatu ali la tilimbaliyaa niŋ fitinoo landatambita le. Ali i foño n na moolu toorandoo la, ali ye a dati ka tiliŋo niŋ tooñaa taamandi. Ali i foño ka n na moolu bondi ì la suwolu kono.” Maarii Yaawe le ye a fo.