Esekiyeli 7:27 - Mandinka Bible

²⁷ Mansa be kumboo la le, jiki te tara la mansariŋo ye. Bankoo moolu buloo be jarajara la silaŋo kamma le. N niŋ ì be janjuŋ na le ì kebaaroolu kamma la. M be ì kiitindi la ì faŋolu la maañaa le la. Wo to le ì be a loŋ na ko, nte le mu Yaawe ti.”

Esekiyeli 7:27 ပူးပေါင်းရင်းမြစ်များ

Esekiyeli 18:30

Maarii Yaawe ye ñiŋ ne fo ko: “Alitolu Banisirayilankoolu, m be moo-wo-moo kiitindi la a taaraŋ siloo le la. Ali tuubi! Ali ye ali koo dii ali la kuu jawu kewolu la, i si a je, junuboo te ali boyindi noo la.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.

Matiyu 7:2

Kaatu ali ye moo koteŋolu kiitindi ñaameŋ, ali fanaa be kiitindi la wo le ñaama, aduŋ ali ye a ke moolu ye ñaameŋ, a be ke la ali fanaa ye wo le ñaama.

Yoweli 3:17

Yaawe ko: “Ali be a loŋ na le ko, nte le mu Yaawe ti, ali la Alla, meŋ be sabatiriŋ Siyoni, n na konko senuŋo*. Yerusalaamu be janku la le, luntaŋolu te a maa la kotenke.

Esekiyeli 26:16

I la mansoolu mennu bee be baadaa borindoo la, be jii la ì la mansasiiraŋolu kaŋ ne, ì ye ì la dendika baalu niŋ ì la soobayoolu wura, aduŋ maasiiboo le be tara la ì ye karoo bee la. Ì be sii la bankoo le to duuma, ì ye tara silaŋo kono waatoo bee la, aduŋ ì bee be jaakali la le meŋ keta i la.

Esekiyeli 21:25

“Aduŋ ite Banisirayila mansakewo, i la kuruŋyaa landatambita le. I maŋ jari ka loo n ñaatiliŋo la. Waatoo siita le ka mantooroo laa i kaŋ, i la junuboo la siyaa kamma la.”

Yesaya 3:11

Bari kooroo be moo kuruŋolu ye, maasiiboo be naa boyi la ì kaŋ ne. Ì ye meŋ dookuu, ì be ì joo la wo le la.

Jabuuroolu 9:16

Yaawe ye a yitandi ì la le ate mu meŋ ti, kaatu a ye kiitindiroo ke niŋ tiliŋo le la. Moo kuruŋolu bulata ì faŋolu la feere kuruŋolu le kono. H S

1 Mansoolu 20:28

Wo to le annabiyomoo naata, a ko Banisirayila mansa ye ko, “Yaawe ye ñiŋ ne fo ko, baawo Aramunkoolu ye a miira le ko ate mu konko kaŋ jalaŋo le ti, aduŋ a maŋ ke kene fanuŋ jalaŋo ti, wo to a be ì la kelediŋ kafu baa duŋ na ali bulu le, aduŋ ali be a loŋ na le ko ate le mu Yaawe ti.”

Yuuba 8:22

Mennu ye i koŋ, a be wolu duŋ na malu kuwo le kono, aduŋ moo kuruŋolu yaalu be kasaara la le.

Jabuuroolu 35:26

Allamaa mennu ka jele n na kooroo la, ì bee ye bula maloo kono, ì ye piwu. Allamaa mennu ka ì faŋ wara n ti, maloo niŋ jutunnayaa ye feenee ì kaŋ.

Jabuuroolu 109:18

A ye dankaroo le ke a la dendikoo ti, Allamaa a ye duŋ a baloo la komeŋ jiyo, a ye duŋ a kuloolu kono komeŋ tuloo.

Jabuuroolu 109:19

Allamaa a ye ke a bala ko a la duŋ feŋo, a ye tu minindiŋ a la ko a la teesitiraŋo.

Jabuuroolu 109:29

Allamaa jutunnayaa ye feenee n tuumilaalu kaŋ. Allamaa ì faŋolu la maloo ye ke ì bala ko dendikoo.

Esekiyeli 8:1

Sanji wooronjaŋo, kari wooronjaŋo tili luulunjaŋo la, kabiriŋ Yahuuda alifaalu naata n kaŋ n na buŋo kono waati meŋ na, ì be siiriŋ n ñaatiliŋo la. Bituŋ Maarii Yaawe* la semboo jiita n kaŋ.

Esekiyeli 7:3

Saayiŋ waatoo siita le. M be n na kamfaa kupi la ali kaŋ ne. M be ali kiitindi la le ko ali la maañaa ye a yitandi ñaameŋ. M be ali kuluu la ali la kuu jawu kewolu bee la le.

Esekiyeli 14:23

Wo to ŋa ñiŋ mantooroo meŋ laa ì kaŋ teŋ, ì jarita a la le. Niŋ ali ñaa boyita ì kaŋ doroŋ, ali be a loŋ na le ko, itolu mu kuu jawu kelaa baalu le ti, aduŋ ali be soŋ na le ko, m boloota ì ma le.” Maarii Yaawe le ye a fo.