Esekiyeli 7:26 - Mandinka Bible

²⁶ Kooroo be laa la kooroo kaŋ ne, kibaari jawoolu ye tara looriŋ ñoo nooma. Moolu be annabiyomoo ñini la fo ì si kiilaariyaa kumoo soto meŋ bota Yaawe bulu. Luwaa la kuwo karandiroo be fili la piriisoolu* ma le, alifaalu fanaa la yaamaroo ye fili ì ma.

Esekiyeli 7:26 ပူးပေါင်းရင်းမြစ်များ

Yeremiya 4:20

Kasaaroo be looriŋ ñoo nooma, bankoo bee burukata le ka kenseŋyaa. Kataba kiliŋ n na tiriliisoolu* kasaarata, n na suturadulaa keta wo ti, waati kiliŋ.

Mika 3:6

“Ñiŋ kuwo kamma la, ali be tara la diboo le kono, ali te jeri ke noo la. Ali si tara diboo kono, ali te kuu fo noo la, meŋ be ke la ñaato. Tiloo si boyi ali ma, tiloo la maloo ye ke ali ye diboo ti.

Esekiyeli 14:1

Luŋ kiliŋ ne sotota Banisirayila ñaatonka doolu le naata n kaŋ, ì siita n ñaatiliŋo la.

Jabuuroolu 74:9

Alla la kaawakuwolu taamanseeroolu maŋ naa ntolu ye. Annabiyomu kiliŋ maŋ tu ǹ kono kotenke, aduŋ moo te ǹ kono meŋ ye ñiŋ kuwo baŋ waatoo loŋ.

Yeremiya 37:17

Mansa Sedekiya naata kiilaa kii, ì ye n samba a ye naŋ a la mansasuwo kono. Jee to, a ye n kullootoo ñininkaa ko, “Fo i ye kuma le soto Yaawe bulu baŋ?” Ŋa a jaabi ko, “Haa, ŋa kumoo soto le.” N tententa ka a fo a ye ko, “I be duŋ na Babiloni mansakewo bulu le.”

Yeremiya 21:2

“Dukaree, Yaawe ñininkaa ǹ ye, kaatu Babiloni mansakewo Nebukanesa be pareeriŋ ne ka m̀ boyinkaŋ keloo la. Tumandoo Yaawe be kaawakuwo ke la ǹ ye le ko, a ye a ñoŋ jamaa ke ñaameŋ koomanto. Niŋ wo keta, a be muru la a koo la le ka fata m̀ ma.”

Yeremiya 18:18

Bituŋ moolu kumata ko, “Ali naa ŋà feeroolu siti Yeremiya kamma, wo te a tinna ŋà foo piriisoolu* la mennu be kali karandiroo ke la, waraŋ moo ñaamendiŋolu mennu be kali yaamaroo dii la, waraŋ annabiyomoolu mennu be kali Alla la kumoo bankee la. Ali ŋà a kele ǹ neŋo la, aduŋ ǹ kana n lamoyi a la kuma la.”

Esekiyeli 33:31

Hadamadiŋo, ì moo jamaa le ka naa, ì ka sii i ñaatiliŋo la ko n na moolu. Ì ka i la kumoo moyi le, bari ì te a muta la. Ì ka kanoo yitandi ì daalu dammaa le to, bari ì sondomoolu be looriŋ ì la nafaa dammaa le kaŋ.

Esekiyeli 8:1

Sanji wooronjaŋo, kari wooronjaŋo tili luulunjaŋo la, kabiriŋ Yahuuda alifaalu naata n kaŋ n na buŋo kono waati meŋ na, ì be siiriŋ n ñaatiliŋo la. Bituŋ Maarii Yaawe* la semboo jiita n kaŋ.

Niikuyaa Suukuwolu 2:9

Jee dundaŋ daa tawundaŋolu jurumita bankoo to, Yaawe ye ì nee bantambiloolu kati, ka ì janjaŋ. A mansakewo niŋ maralilaalu be mutoo kono banku koteŋolu kaŋ. Yaawe la yaamaroolu buka karandi kotenke, annabiyomoolu buka jeroo soto a bulu fanaa.

Yesaya 47:11

Kooroo be boyi la i kaŋ ne, aduŋ i te saaboo soto la meŋ be a bondi noo la. Maasiiboo be naa i kaŋ ne, i te meŋ baayi la noo. Kasaaroo ñaamootoo si naa, i te meŋ kalaŋo loŋ na.

5 Musa 32:23

“M be maasiiboo le kupi la ali kaŋ, m be ali buŋ na n na kalabeñoo bee le la:

3 Musa 26:28

wo to nte fanaa la kamfaa baa kaŋ, m be wo ñoŋ ne taamandi la ali kaŋ ko siiñaa woorowula, ali la junuboolu kamma la.

3 Musa 26:24

wo to nte fanaa be balaŋ na ali ma le, aduŋ m be ali busa la ali la junuboolu la le ko siiñaa woorowula.

3 Musa 26:21

Niŋ ali ye balaŋo taamandi n kaŋ, aduŋ ali maŋ soŋ ka i lamoyi n na, m be jarabi kuwolu lafaa la ali ye le ko siiñaa woorowula, ali la junuboolu kamma la.

3 Musa 26:18

Niŋ ñiŋ kuwolu keta ali la, hani wo ali maŋ soŋ m ma, m be ali jarabi la le kotenke ko siiñaa woorowula, ali la junuboolu kamma la.

1 Samuweli 3:1

Samuweli tarata nuŋ Yaawe* la dookuwo le la Eli koto. Wo waatoo Yaawe la kumoo la naa maŋ siyaa, jeroolu jamaa maŋ soto nuŋ.

Esekiyeli 11:2

Bituŋ Yaawe ko n ye ko, “Hadamadiŋo, i ye ñiŋ kewolu mennu je teŋ, wolu le ka feere jawoolu siti, aniŋ ka moolu yaamari kuu kuruŋ kewo la Yerusalaamu kono.

Esekiyeli 12:22

“Ite hadamadiŋo, Banisirayilankoolu dalita ñiŋ mansaaloo le fo la ko, ‘Waatoo ka naa le, a ka taa. Kiilaariyaa kumoolu buka timma.’

Esekiyeli 21:7

Niŋ ì ye i ñininkaa i ka muŋ ne kumboo fo i ka sikisiki teŋ, i si a fo ì ye ko, i ye kibaaroolu mennu moyi, wolu silaŋo warabaata le. Niŋ a waatoo siita, a kijateyoo be doolu ketundi la le, doolu ye tu jarajara la, silaŋo niŋ dewuŋo kamma la, aduŋ moo bee kumbaliŋo be kori la le las. Waatoo ñiŋ siita naŋ ne, a te baayi la muk!” Maarii Yaawe le ye a fo.

Esekiyeli 22:26

Ì la piriisoolu* ye n na yaamaroolu tiñaa le, ì maŋ n na feŋ jankuriŋolu buuñaa, ì maŋ feŋ jankuriŋolu niŋ feŋ koteŋolu bondi moolu ye ñoo to, waraŋ ka moolu karandi kuwolu la, mennu be feŋ kosoriŋolu niŋ feŋ senuŋolu teema. Ì ye ì ñaa kaasi ì maŋ n na Loobula Luŋo horoma. Ñiŋ daliiloo le ye a tinna moolu maŋ n horoma kotenke.

Malaki 2:7

“Piriisoo neŋo ñanta tara la looriŋ londoo sabatindoo le kaŋ n na kuwo to, aduŋ moolu ñanta yaamaroo ñini la ate le bulu. Kaatu ate le mu nte Yaawe Alihawaa Maariyo la kiilaa ti.