Esekiyeli 7:23 - Mandinka Bible

²³ Neejoloolu parendi, kaatu bankoo kaŋ be faariŋ moofaa le la, saatee kono be faariŋ fitinoo la.

Esekiyeli 7:23 ပူးပေါင်းရင်းမြစ်များ

Esekiyeli 9:9

Wo to le, a ye n jaabi ko, “Banisirayilankoolu niŋ Yahuuda moolu la kuruŋyaa landatambita le. Ì ye ì la bankoo kaŋ bee fandi niŋ moofaa niŋ tilimbaliyaa kuwolu le la. Ì ka naa a fo ko, ‘Yaawe ye a daa bondi ǹ na bankoo la kuwo to le, a buka ǹ je.’

Yeremiya 27:2

Yaawe ye ñiŋ ne fo n ye ko: “Julukesoo niŋ dokoolu taa, ka yookoo* dadaa, i ye a ke i toŋo to.

Hoseya 4:2

Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

Esekiyeli 11:6

Ali ye moo jamaa le faa, mennu furewolu be fatafatariŋ ñiŋ saatee mbeedoolu bee kaŋ.”

2 Mansoolu 21:16

Wo koolaa fanaa Manase ye moo jamaa le faa, mennu maŋ kuu ke, ka ì yeloo boŋ Yerusalaamu saatewo karoo bee la. A ye ñiŋ junube kuwo le laa junuboo kaŋ a ye meŋ ke, ka Yahuuda moolu dundi kuu jawu kewo to, fo ì baarata kuu jawoo la Yaawe ñaa koto.

Nahumu 3:10

Hani wo bee, jawoolu ye a muta, a keta kelejoŋo ti. Hani dindiŋolu, ì ye ì lipaŋ-lipaŋ mbeedoolu kaŋ ne taariŋ fo ì ye ì faa. Alikuuroolu* le keta a la kee kummaayaariŋolu la kuwo to, ka ì talaa ñoo teema. A ñaatonkoolu tuta sitiriŋ neejoloolu la.

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Mika 2:2

Niŋ ì hameta kunku meŋ na, ì ka wo buusi a maarii bulu le. Niŋ ì lafita buŋo meŋ na, ì ka a taa le. Ì ka kewolu niŋ ì la dimbaayaalu toorandi, ì ka ì sotofeŋolu foriseetoo taa.

Esekiyeli 22:27

Ì la ñaatonkoolu ka muluŋ ne ko suluwolu mennu ka ì la suboolu faraŋ-faraŋ. Ì ka moolu faa le, ì ye ì fondi ì la baluwo la, fo ì si wolu la naafuloolu taa nakaroo kono.

Esekiyeli 22:13

Yaawe ko: “A fele, ite Saatewo, ŋa m buloolu seyiŋ ñoo la le, n kamfaata wo tapaleeyaa kuwolu niŋ yeleboŋo la le mennu keta i kono.

Esekiyeli 22:9

Moolu le be sabatiriŋ i kono, mennu ka kaŋo laa doolu la fo luwaa si wolu muta noo ka ì faa, doolu ka sadaalu* domo, ì ye mennu bo jalaŋolu ye, konkoolu santo, doolu ka cakayaa ke.

Esekiyeli 8:17

Bituŋ a ko n ye ko, “Hadamadiŋo, i ye a je le Yahuuda moolu ka kuu haraamuriŋolu mennu ke. Wolu maŋ kaañaŋ, ì ka tenteŋ ka fitinoo niŋ tilimbaliyaa janjandi bankoo bee kaŋ taariŋ, ì ka tenteŋ nte Yaawe kamfandoo le la. Ì ka tenteŋ ka nte Yaawe kamfandi hadaañiroo la.

Niikuyaa Suukuwolu 3:7

Ceeni joloo, a ye n siti wo le la, a ye n suki le fo n kana kana noo.

Yeremiya 40:1

Yaawe* la kumoo naata n kaŋ ne, kelediŋ kuntiyo Nebusaradani la m bula koolaa, Rama saatewo to. Wo keta waatoo le ti biriŋ a ye n samba, m be sitiriŋ joloo la, ka taa n niŋ Yerusalaamunkoolu niŋ Yahuuda moolu. Ì be ǹ samba kaŋ mutoo kono Babiloni.

Yeremiya 22:17

“Bari ite ñaa niŋ i sondomoo be looriŋ i fansuŋ nafaa doroŋ ne kaŋ, i ka moolu faa mennu maŋ kuu ke, ka keresubaŋ moolu fee, ka ì toorandi.”

Yeremiya 7:6

Ali kana tumarankewolu toora, aniŋ aliyatiimoolu, aniŋ furuyaamusoolu. Ali kana moolu faa jaŋ, mennu maŋ kuu ke. Ali kana bula alla koteŋolu nooma ka ì batu, meŋ si ke ali la mantooroo ti.

Yeremiya 2:34

I la duŋ feŋolu bala niŋ fuwaaroolu yeloo le mu, moolu mennu maŋ kuu ke, i maŋ mennu muta dulaa teyi la, bari hani wo bee,

Yesaya 59:7

Ì tariyaata junube kuu kewo la le, ì ka hawuji ka moo faa meŋ maŋ kuu ke. Miira jawoo le ka tara ì sondomoo kono, tiñaaroo niŋ kasaaroo mu ì taaraŋ buloo ti.

Yesaya 59:3

Ali buloolu ka tu yeleboŋo le la, junube kuu kewo ye ali kosondi. Ali daa ka faniyaa kumoo fo, ali neŋ kolomoo ka tu kuu jawoo ŋunuŋunu la.

Yesaya 1:15

Ali ye moolu mennu faa, ì yele noo be faariŋ ali buloolu bala le. Wo le ye a tinna niŋ ali ye ali buloolu wulindi ka duwaa, n te ali maafaŋo juubee la. Hani a ye a tara ali ye duwaa jamaa le ke, n te n lamoyi la.

2 Mansoolu 24:4

sako a ye moolu mennu faa, mennu maŋ kuu ke. A ye ì yeloo boŋ Yerusalaamu saatewo karoo bee le la, aduŋ Yaawe te yamfa noo la wo kuwo la.

Yeremiya 6:7

Koloŋo ka tu jiyo bondi la ñaameŋ, kuu kuruŋo ka tu woyi la ñiŋ moolu bulu wo le ñaama. Fitinoo niŋ kasaaroo, i ka wo dammaa le moyi jee, n ñaa ka tara yankankatoo niŋ dimiŋo doroŋ ne la.

Esekiyeli 18:12

a ka fuwaaroolu niŋ mennu be suuloo kono mantoora, a ka suuñaaroo ke, a buka feŋo murundi a ye meŋ taa sankayaaraŋo ti, a ka jalambatoo ke, a ka kuu haraamuriŋolu ke,

Esekiyeli 45:9

Maarii Yaawe ye ñiŋ ne fo ko: “Alitolu Banisirayila mansoolu, ali kana n na moolu nakari. Kaatu ali la tilimbaliyaa niŋ fitinoo landatambita le. Ali i foño n na moolu toorandoo la, ali ye a dati ka tiliŋo niŋ tooñaa taamandi. Ali i foño ka n na moolu bondi ì la suwolu kono.” Maarii Yaawe le ye a fo.

Esekiyeli 8:16

Bituŋ a naata n samba Yaawe Batudulaa Buŋo konoto luwo to. Ŋa kee muwaŋ niŋ luulu le tara dundaŋ daa niŋ sadaajanidulaa teema. Ì ñaa be tilindiŋ tiliboo la, ì koo be diiriŋ Yaawe Batudulaa Buŋo la. Ì be sujudi kaŋ tiloo le ye, ka a batu.

Esekiyeli 12:19

I si a fo moolu ye mennu be sabatiriŋ Yerusalaamu niŋ Banisirayila bankoo bee kaŋ ko, nte Yaawe ì Maariyo ye ñiŋ ne fo ì la bankoo la kuwo to ko: Ì be domoroo niŋ miŋo ke la silaŋo niŋ dewuŋo le kono. Kaatu ì jawoolu le be naa kaŋ, ka ì la bankoo neemafeŋolu bee buusi ì la, ka jee kenseŋyandi, bayiri itolu faŋolu dammaalu ka ñoo tilimbaliyaa.