Esekiyeli 7:11 - Mandinka Bible

¹¹ Fitinoo wulita le ka tilimbaliyaa warandi. Moo te tu la Banisirayilankoolu kono, ì siyaata ñaa-wo-ñaa. Ì taa mu feŋ-wo-feŋ ti, a bee be buusi la ì la le. Hani ì la feŋ kummaalu faŋolu, ì bee le be kasaara la.

Esekiyeli 7:11 ပူးပေါင်းရင်းမြစ်များ

Jabuuroolu 125:3

Moo kuruŋolu te tu la maraloo ke la moo tilindiŋolu la bankoo kaŋ. Niŋ wo nte, moo tilindiŋolu si duŋ noo kuu jawu baaroo to le.

Jabuuroolu 73:8

Ì ka jele moo koteŋolu la ì ka kuma jawoo fo, aduŋ ì la faŋ waroo kaŋ ì ka moolu silandi.

Jabuuroolu 78:64

Ì ye ì la piriisoolu* faa hawusaroo la le, ì la furuyaamusoolu maŋ saŋakumboo ke noo.

Yesaya 14:29

Alitolu Filisitinkoolu, ali kana seewoo ko, dokoo meŋ ka ali buutee, katita le. Ka bo wo dokoo bala, daŋaroo le be wuluu la, niŋ a ye kiloo teyi, capatoo le be finti la.

Yesaya 5:7

Yaawe* Alihawaa Maariyo* la yiri kankaŋo mu Banisirayila le ti, a lafinna kankaŋo mu Yahuuda le ti. A be i yillaariŋ luwaa mutoo le la, bari a ye yeleboŋo le je, a ye i yillaa tiliŋo la, bari a maŋ feŋ moyi fo niitooroo niŋ kumboo.

Yesaya 9:4

Yookoo* meŋ ka ì mantoora, i ye a kati le, aniŋ dokoo meŋ be laariŋ ì sañoolu kaŋ. Ì mantooralaalu la busoo, i ye a kati le, ko i ye Midiyani la busoo kati nuŋ ñaameŋ.

Yeremiya 22:18

Wo kamma la Yaawe ye ñiŋ ne fo Yosiya dinkewo Yehoyakimu, Yahuuda mansakewo la kuwo to ko: “Ì te a la saŋo kumboo la ka a fo ñoo ye ko: ‘Ayiwaalii! Ayiwaalii!’ Ì te a la saŋo kumboo la ka a fo ko: ‘Ayiwaalii, m̀ maariikewo! A la mansayaa be ñaameŋ!’

Yeremiya 25:33

Wo luŋo la, Yaawe be moolu mennu faa la, ì furewolu be tara la fatafatariŋ ne ka bo duniyaa tonkoŋ, fo a tonkoŋ. Moo te ì saŋakumboo la, waraŋ ka ì kafu ñoo ma, waraŋ ka ì baadee. Ì jambandimaa le be tara la bankoo to.

Yeremiya 6:7

Koloŋo ka tu jiyo bondi la ñaameŋ, kuu kuruŋo ka tu woyi la ñiŋ moolu bulu wo le ñaama. Fitinoo niŋ kasaaroo, i ka wo dammaa le moyi jee, n ñaa ka tara yankankatoo niŋ dimiŋo doroŋ ne la.

Yeremiya 7:34

M be maadiyaa niŋ seewoo kumakaŋolu daŋ na Yahuuda saatewolu kono le, aniŋ Yerusalaamu mbeedoolu kaŋ, ka taa maañoo niŋ a keemaa la maañoobiti maakaŋo. Kaatu bankoo be ke la tumbuŋo le ti.”

Esekiyeli 45:9

Maarii Yaawe ye ñiŋ ne fo ko: “Alitolu Banisirayila mansoolu, ali kana n na moolu nakari. Kaatu ali la tilimbaliyaa niŋ fitinoo landatambita le. Ali i foño n na moolu toorandoo la, ali ye a dati ka tiliŋo niŋ tooñaa taamandi. Ali i foño ka n na moolu bondi ì la suwolu kono.” Maarii Yaawe le ye a fo.

Esekiyeli 5:11

Maarii Yaawe ye ñiŋ ne fo ko: “A be koyiriŋ ñaameŋ ko nte Yaawe be baluuriŋ ne, n te balafaa la ali ye, kaatu ali ye n na Batudulaa Senuŋo kosondi niŋ ali la feŋ haraamuriŋolu niŋ ali la kuu ñewundiŋolu le la. Wo kamma la, m be ali kuntu la le, ali ye kasaara.

Esekiyeli 5:4

Bituŋ i si naa doo bondi wolu fanaa kono, i ye ì fayi dimbaa kono, ka ì jani. Wo dimbaa le be janjaŋ na ka Banisirayilankoolu bee kasaara.”

Esekiyeli 6:11

Wo to le, Maarii Yaawe ye ñiŋ fo n ye ko: “Hadamadiŋo, i buloo kosi, i ye i siŋo tuu bankoo to, ka lemba ñiŋ tooroo kamma la, kaatu Banisirayilankoolu ye kuu jawu baa le ke. Wo le be a tinna la, ì doolu be faa la keloo niŋ konko jawoo kono, aduŋ alibalaa kuuraŋo le be doolu faa la.

Esekiyeli 7:16

Niŋ moo-wo-moo kanata ka baluu, a be tara la konkoolu le kaŋ. Moo-wo-moo be tara la woosii la a la junuboolu le la, ko wulumbaŋ kono puraa.

Esekiyeli 7:2

“Ite hadamadiŋo, nte Yaawe i Maariyo ye ñiŋ ne fo Banisirayila bankoo ma ko: Hee ite Banisirayila, i baŋ waatoo siita le, i tonkoŋ naanoo bee kasaaroo waatoo siita le.

Esekiyeli 7:23

Neejoloolu parendi, kaatu bankoo kaŋ be faariŋ moofaa le la, saatee kono be faariŋ fitinoo la.

Esekiyeli 8:17

Bituŋ a ko n ye ko, “Hadamadiŋo, i ye a je le Yahuuda moolu ka kuu haraamuriŋolu mennu ke. Wolu maŋ kaañaŋ, ì ka tenteŋ ka fitinoo niŋ tilimbaliyaa janjandi bankoo bee kaŋ taariŋ, ì ka tenteŋ nte Yaawe kamfandoo le la. Ì ka tenteŋ ka nte Yaawe kamfandi hadaañiroo la.

Amosi 3:10

Ì ye feŋolu le kafu ñoo ma suuñaaroo niŋ fitinoo kono, ka ì maabo ì la buŋolu kono. Ì maŋ a loŋ kuu tilindiŋo ka ke ñaameŋ.” Yaawe le ye a fo.

Amosi 6:3

Ali ye maasiiboo luŋo ñiŋ na naa muta ko luŋ jamfariŋ baa le mu, ali be marali jawoo duŋ kaŋ doroŋ.

Mika 2:2

Niŋ ì hameta kunku meŋ na, ì ka wo buusi a maarii bulu le. Niŋ ì lafita buŋo meŋ na, ì ka a taa le. Ì ka kewolu niŋ ì la dimbaayaalu toorandi, ì ka ì sotofeŋolu foriseetoo taa.

Mika 3:3

Ali la ì busuriŋ koolaa, ali ye ì kuloolu teyiŋ-teyiŋ, ka ì bala suboolu kuntuŋ-kuntuŋ kudewolu ti, ka ì ke kaleeroo kono, ka ì ke nee walaa kaŋ, ali ye ì ñimi.

Mika 6:12

Ali la saatewo fentiyolu ye ì la fankoo soto fitinoo le la. Ali la saatee moolu ka faniyaa le fo, ka neeneeroo ke ì neŋ kolomoo la.

Sefaniya 1:18

Yaawe la ñiŋ kamfaa luŋo la, sani te ì kanandi la sako kodiforo. Duniyaa bee le be kasaara la, a la kamfaa dimbaa la. Moo bee la baluwo ye daŋ waati kiliŋ, ka bo duniyaa kono.

Yankuba 2:13

Kiitiyo le ka naa, meŋ buka balafaa soto moo ye, meŋ maŋ balafaa yitandi. Bari hani wo, balafaa le ye semboo soto kiitiyo ti.