Esekiyeli 7:10 - Mandinka Bible

¹⁰ “Luŋo fele, a siita. A naata le. Kasaaroo naata Banisirayila kaŋ ne. Tilimbaliyaa dinta le, ka siyaa, faŋ waroo ka yiriwaa laalaa naŋ ne.

Esekiyeli 7:10 ပူးပေါင်းရင်းမြစ်များ

Yesaya 10:5

Yaawe ko, “Kooroo be Asiriya mansa ye, n na kamfaa busamaa, aniŋ n na liparilaŋ dokoo be meŋ buloo kono.

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

Kuma Kotoomaalu 14:3

Toolewo la faŋ wara maañaa le ka a daakumoo siyandi, bari moo ñaamendiŋo la kumoo le ka a tankandi.

4 Musa 17:8

Wo saamoo Musa dunta Tiriliisoo ñiŋ kono, a ye Haaruna la dokoo je meŋ be Lewi lasiloo tooyaa la, a ye soroŋ kutoo fintindi. A maŋ daŋ wo dammaa la, bari a firita le, a dinta, a keta alimondi* yiridiŋ mooriŋolu ti.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Esekiyeli 21:13

“Tooñaa, n ka n na moolu kotobo le. Muŋ ne be ke la niŋ a ye a tara mansa faŋo la mansayaa maŋ a balundi noo.” Maarii Yaawe le ye a fo.

Esekiyeli 21:10

Ŋa hawusaroo daa diyaa faaroo le kamma, fo a ka ŋalasi ko saŋ ŋalasoo. Seewoo banta le, kaatu n na mansa faŋo le jututa n na dandalaaroolu niŋ n na kuluuroo la, a maŋ wolu muta feŋ ti.

Esekiyeli 19:14

Dimbaa le ye a juwo muta, a ye a diŋolu niŋ a buloolu bee jani. Hani bulu bambandiŋ kiliŋ ne maŋ tu a bala, meŋ si ke noo mansa dokoo ti.” Ñiŋ mu niikuyaa suukuwo le ti, aduŋ a ka laa niikuyaa le kono.

Esekiyeli 7:6

Baŋ waatoo le naata. Baŋ waatoo naata le. A wulita ali kamma le. A fele, a ka naa le.

Yesaya 28:1

Kooroo be boyi la saatewo kaŋ ne, meŋ be looriŋ konkoo kaŋ, wulumbaŋ jambandiriŋo daala, Efurayimu siiratoolu la kibirilaŋo, doloo ye mennu futufaa. A la ŋaañaaraŋo be bo kaŋ ne ko firi nororiŋo.

Kuma Kotoomaalu 16:18

Faŋ waroo ka moo samba kasaaroo le kaŋ, aduŋ faŋ wara moo la kuwolu buka labaŋ kuu.

Jabuuroolu 89:32

wo to m be ì lipa la le ì la junuboolu kamma la, ŋa ì busa ì la kuu jawoolu kamma la.

Esekiyeli 7:9

N te ali juubee la ka balafaa ali ye waraŋ ka ali tu jee. M be ali kuluu la ali maañaalu le la, aniŋ ali la kuu jawu kewolu la. Ali be a loŋ na le ko, nte le mu Yaawe ti meŋ ka ali busa.

Esekiyeli 7:12

Waatoo siita le, luŋo siita le. Feŋ sannaa kana seewoo, waraŋ waafirilaa si woosii. Kaatu yankankatoo be laa la moo bee le kaŋ.

Yesaya 21:12

Kantarilaa ye jaabiroo ke ko, “Soomandaa siita naŋ ne, aduŋ suutoo fanaa be naa le. Niŋ a diyaata i ye, ñaato i si ñininkaaroo ke. I si naa kotenke.”

Esekiyeli 12:23

Wo kamma la, i si a fo ì ye, nte Yaawe, ì Maariyo ye ñiŋ ne fo ko: M be daŋ ke la ì la ñiŋ kumoolu la le. Moo te a fo la Banisirayila bankoo kaŋ kotenke. Saayiŋ waatoo siita le. Kuu-wo-kuu meŋ fota, a bee be timma la le.

Esekiyeli 30:3

Yaawe la luŋo sutiyaata naŋ ne. A luŋo siita naŋ ne, a be ke la tooroo luŋo le ti. A be ke la diboo waatoo le ti. Wo le be ke la duniyaa bankoolu la kasaaroo luŋo ti.

Yoweli 1:15

Kooroo luŋ, luŋ koleŋ baa! Yaawe la luŋo sutiyaata naŋ ne, luŋo meŋ Alla Tallaa be kasaaroo naati la naŋ.