Esekiyeli 48:18 - Mandinka Bible

¹⁸ Wo kene too meŋ tuta jee, meŋ be saatewo ye tilibo karoo la, a be kaañaŋ na nonkonkatiñaa wuli taŋ ne fee, a tilijii karoo fanaa be kaañaŋ na nonkonkatiñaa wuli taŋ ne fee. A niŋ dulaa senuŋo kenoo le be naanee la. A be ke la senebankoo le ti moolu ye, mennu be sabatiriŋ saatewo kono. Ì la daañinoo be bo la naŋ jee le to.

Esekiyeli 48:18 ပူးပေါင်းရင်းမြစ်များ

Esekiyeli 45:6

“Kenoo meŋ be bulubaa karoo la dulaa senuŋo to, wo be ke la Banisirayilankoolu bee le taa ti. Ali be a sumaŋ na le, a karoo la jamfoo be ke la nonkonkatiñaa wuli muwaŋ niŋ luulu le ti, a konoo la fanoo ye ke nonkonkatiñaa wuli luulu ti.

Yosuwa 9:27

Wo luŋo le mu, Yosuwa ye Kibeyoninkoolu ke looñinilaalu niŋ jiibiilaalu ti moolu ye aniŋ Yaawe la sadaabodulaa* to, ate faŋo be naa daameŋ tomboŋ na. Bituŋ itolu tuta wo le ñaama fo ka naa bula bii tiloo la.

Esekiyeli 48:17

Ì ñanta kenoo bula la saatewo dandaŋo bee le la ka ke beeyaŋ daañini dulaa ti. Wo kenoo be tara la saatewo ye banta la le. Wo kenoo kara naanoo bee be kaañaŋ na nonkonkatiñaa keme fula niŋ taŋ luulu le fee.

Esekiyeli 48:19

Moolu mennu be sabatiriŋ saatewo kono ka bo Banisirayila lasiloolu bee kono, be senoo ke la jee le to.