Esekiyeli 47:5 - Mandinka Bible

⁵ A ye nonkonkatiñaa wuli kiliŋ sumaŋ kotenke. Jiyo naata diinoŋ fo labaŋo la m maŋ tambi noo, kaatu a jiyo siyaabaata le. A diinonta le fo hani i si newuŋ noo a kono, i te a teyi noo la i siŋo la.

Esekiyeli 47:5 ပူးပေါင်းရင်းမြစ်များ

Habakuki 2:14

Duniyaa bee si faa londoo la, Yaawe la semboo niŋ a la waroo kuwo to, ko baa ka tara faariŋ jiyo la ñaameŋ.”

Yesaya 11:9

Feŋ te tara la Alla la konko senuŋo* kaŋ, meŋ si moo mantoora, waraŋ ka moo kasaara, kaatu duniyaa bee be faa la moolu le la, mennu ye Yaawe loŋ, ko baa ka tara faariŋ jiyo la ñaameŋ.

Lankenemoo 11:15

Bituŋ malaayika woorowulanjaŋo ye a la footaŋo fee, aduŋ kumakaŋ baalu be Arijana kono, ì be a fo la ko, “Duniyaa mansayaa bee naata ke m̀ Maariyo niŋ a la Alimasiihu* la mansayaa le ti, aduŋ a si maraloo ke fo abadaa!”

Lankenemoo 7:9

Wo koolaa, ŋa juubeeroo ke, aduŋ n naata kafu baa le je, moo te meŋ yaatee noo la. Ì bota nasiyoŋolu bee le kono, siyolu bee, bankoolu bee, aniŋ kaŋolu bee. Ì be looriŋ mansasiiraŋo niŋ Saajiiriŋo ñaatiliŋo la. Waramba koyoolu be ì la, aduŋ ì ye tamaree buloolu muta ì buloolu kono.

Esekiyeli 47:4

A ye nonkonkatiñaa wuli kiliŋ sumaŋ kotenke. A ye n samba ka taa ñaato jiyo kono. Jiyo naata fo a kaañanta n kumbaliŋo fee. Bituŋ a ye nonkonkatiñaa wuli kiliŋ sumaŋ kotenke. A ye n samba ka taa ñaato jiyo kono. Jiyo naata fo a kaañanta n tewo to.