Esekiyeli 47:12 - Mandinka Bible

¹² Baa kara fuloo bee la, yirisuŋ siifaa jamaa le be faliŋ na jee. Aduŋ a yiroolu la diŋ waatoo nene te sawuŋ na ì la, ka ke moolu ye domotaa ti, a jamboolu nene te noro la. Ì be tu la diŋ na le kari-wo-kari, kaatu wo jiyo be woyi la naŋ ne ka bo naŋ dulaa senuŋo to. Ì yiridiŋolu be ke la domotaa le ti, ì jamboolu ye ke ì ye booroo ti.”

Esekiyeli 47:12 ပူးပေါင်းရင်းမြစ်များ

Lankenemoo 22:2

A be woyi kaŋ saatewo mbeedoo teema. Yiroo be looriŋ jee, meŋ ka baluwo dii, a buloolu futata boloŋo karoo bee la. A ka diŋ siiñaa taŋ niŋ fula saŋo kono, kari-wo-kari a ka diŋ ne, aduŋ a jamboolu be ke la kendeyandiraŋo le ti nasiyoŋolu ye.

Jabuuroolu 1:3

Ate ka munta le ko, yiroo meŋ tututa woyoo daala. A ka diŋ a diŋ waatoo la le, aduŋ a jamboolu buka jaa. Ate ye meŋ-wo-meŋ ke, a ka ñaatotaa soto jee le.

Esekiyeli 47:7

Kabiriŋ m be muruŋ kaŋ, a fele, ŋa yirisuŋ jamaa le je boloŋo dandaŋo kara fuloo bee la.

Yeremiya 17:8

A maarii ka munta le ko, yiroo meŋ tututa woyoo daala, a ye a suloolu duŋ woyoo daala. A buka sila niŋ kandoo naata, aduŋ a jamboolu ka tu jambakereriŋ ne, a buka dewuŋ niŋ jaa keta saŋo meŋ na, aduŋ a buka i foño diŋo la.”

1 Musa 2:9

Bankoo ñiŋ kaŋ, Yaawe Alla naata yiri ñiimaa siifaa bee falindi a kaŋ, ì niŋ ì diŋ diimaalu. Naakoo ñiŋ teema, yiroo doo le be looriŋ jee, meŋ ka baluwo dii, aniŋ yiroo doo fanaa, meŋ ka kuu jawoo niŋ kuu betoo londoo dii.

Jabuuroolu 92:12

Moo tilindiŋolu be yiriwaa la le komeŋ teŋ suŋo, ì ye faliŋ komeŋ Libanooni sedari* yiroolu.

Yuuba 8:16

Moo kuruŋolu ka muluŋ ne komeŋ fiifeŋolu, mennu ye jiyo soto a ñaama, ì be bambandiŋ hani tiloo kono, ì be janjandiŋ naakoo karoo bee la.

Yesaya 61:3

ka moolu maakoyi mennu be kumboo la Siyoni*, ka ñaroolu dii ì la, seebuutoo noo to, ka ì jusoo landi tulu seera diimaa la, wo ye seyi woosiyo noo to, jayiroo warambamaa ye seyi nii fitiyo noo to. Ì la tiliŋo ye semboo soto ko yiri baalu, Yaawe ye mennu tutu ka a la kallankeeyaa* yitandi.

Yesaya 60:21

“Wo to i la moolu bee be ke la moo tilindiŋolu le ti, aduŋ bankoo be tara la itolu le bulu fo abadaa. Itolu le mu soroŋo ti ŋa meŋ tutu, m faŋo buloo le la dookuwo mu, ka n na kallankeeyaa yitandi.

Yeremiya 8:22

Fo boori te Kileyadi kono baŋ? Fo jaaralilaa te jee baŋ? Muŋ ne ye a tinna n na moolu maŋ jaaraloo soto, ka ì la baramoo kendeyandi?

Yesaya 1:6

Ka bo ali siŋ teetewo to, ka taa fo ali kunteemoo to, kereyaa te jee, baramoolu niŋ warasoolu dammaa le be jee, aniŋ namaroolu. Ì maŋ ì kuu, waraŋ ka booroo ke ì bala, sako ka ì siti.