Esekiyeli 4:16 - Mandinka Bible

¹⁶ A ko n ye ko, “Hadamadiŋo, m be domoroo bodulaa bee kuntu la ali ma le Yerusalaamu. Moolu be domoroo meŋ domo la, ì be a peesa la le, aduŋ ì be jiyo meŋ miŋ na, wo fanaa be sumaŋ na le. Moolu be sila la domotaa niŋ mintaa la dasoo la le.

Esekiyeli 4:16 ပူးပေါင်းရင်းမြစ်များ

Esekiyeli 5:16

“M be konko jawoo kalabeñemaa le fayi la ali kaŋ ka ali faa, m be ali buŋ na le ka ali kasaara. M be konko jawoo boyi ali la bankoo kaŋ ne, ŋa ali la domoroo bodulaa bee kuntu ali ma.

Yesaya 3:1

Saayiŋ, Yaawe* Alihawaa Maariyo* pareeta le ka munafaŋ feŋolu bee taa Yerusalaamunkoolu niŋ Yahuuda moolu bulu, domoroo niŋ jiyo bee, aniŋ ì ka jiki mennu la.

3 Musa 26:26

M be ali la siimaŋ sotoo daŋ na le, domoroo ye dooyaa, hani fo musu taŋ kali deŋ fuuri kiliŋ na ka ali la mbuuroo jani a kono. Ì si naa muru ì ye a sumaŋ, ka a talaa ali teema, aduŋ a te ali sii la.

Esekiyeli 14:13

“Ite hadamadiŋo, niŋ a ye a tara bankoo moolu bee tilimbaliyaata aniŋ ka foroyaabaliyaa m ma, m be wuli la wo moolu kamma le, m be ì fondi la ì la domori feŋolu la le, ŋa konko jawoo boyi ì niŋ ì la beeyaŋolu kaŋ, ì bee ye kasaara ñoo la.

Jabuuroolu 105:16

A ye konkoo le boyi Kanaani bankoo kaŋ, a ye ì la siimaŋ sotoo daŋ.

Niikuyaa Suukuwolu 5:9

Ǹ ka ǹ niyolu le laa ka domoroo soto, kaatu hawusaritiyolu* ye wuloo balaŋ ne.

Niikuyaa Suukuwolu 1:11

Labaŋo, Yerusalaamu la moolu bee ka yaayi domori ñiniŋo la, ì be woosii kaŋ. Ì ka ì la sotofeŋ kummaalu faliŋ domoroo la, n danko ka baluu. Yerusalaamu kumboota, “Hee Yaawe, n juubee, i ye n na bataa daa je.”

Jabuuroolu 60:3

I ye i la moolu jarabi jawuke le. A ka munta i ye m̀ mindi doloo le la, ka ǹ siirisaarandi.

Lankenemoo 6:5

Kabiriŋ Saajiiriŋo ye noto sabanjaŋo teyi, ŋa daafeŋ baluuriŋ sabanjaŋo moyi, a ko, “Naa!” A fele, ŋa suu fiŋo je. A borindilaa ye peesarilaŋo le soto a buloo kono.

Yeremiya 52:6

Kari naaninjaŋo tili konontonjaŋo siita tumoo meŋ na, konkoo jawuyaata fo labaŋo la saatee moolu maŋ domori soto ì si meŋ domo.

Niikuyaa Suukuwolu 5:4

Ka jiyo miŋ, fo ǹ si kodoo joo, hani loo, ǹ ka a saŋ ne.

Esekiyeli 4:15

Wo to le Yaawe ko n ye ko, “Saayiŋ, i si moo buu jaaroo tu jee. I ye ninsi buu jaaroo taa ka i la mbuuroo jani a la.”

Amosi 4:8

Moolu timili-tamalita saatee niŋ saatee teema jiiñinoo la, bari ì buka jiyo soto ka i miŋ ì sawoo la. Bari hani wo bee, ali maŋ soŋ muru la n kaŋ.” Yaawe le ye a fo.

2 Mansoolu 6:25

Sukiroo ñiŋ naata mee. Ñiŋ ye a tinna konko baa dunta Samariya saatewo kono, fo fali kuŋo ka saŋ kodiforo kuntu taŋ seyi la, aniŋ puraa buwo, wo boolindiŋ faa ka saŋ kodiforo kuntu luulu la.

2 Mansoolu 25:3

Kari naaninjaŋo tili konontonjaŋo siita tumoo meŋ na, konkoo jawuyaata fo labaŋo la saatee moolu maŋ domori soto ì si meŋ domo.