Esekiyeli 39:5 - Mandinka Bible

⁵ Ali bee be boyi la wo kenoo kono jee le to. Nte Maarii Yaawe faŋo le ye a fo.”

Esekiyeli 39:5 ပူးပေါင်းရင်းမြစ်များ

Esekiyeli 32:4

ka i selendi naŋ tintoo kaŋ, aniŋ ŋa i fayi lewo kono. M be a ke la le, kunoolu ye loo i kaŋ, aniŋ wulakono daafeŋolu mennu bee be duniyaa kono, ì ye i domo fo ì konoo ye faa tep.

Esekiyeli 29:5

ŋa naa i fayi keñewuloo* kono, i niŋ wo ñewolu bee mennu be baa kono jee, i ye tara fayiriŋ kene baa to. Aduŋ moo te soto la meŋ be naa i sika la wo keñewuloo kono jee ka i baadee. M be i dii la wulakono daafeŋolu le la, aniŋ kunoolu, i ye ke ì ye domoroo ti.

Yeremiya 22:19

Fali la baadee le be ke la a la, ka a kuruntu ka taa a fayi Yerusalaamu banta.”

Yeremiya 8:2

Ì be kuloolu janjaŋ na tiloo la le, kari maloo, aniŋ looloolu bee ye. Ì ye wolu le kanu, ka dookuwo ke ì ye, ka bula ì nooma, ka ì la kuwo ñini, aniŋ ka ì batu. Ì te kafu la ñoo ma, sako ka baadee. Ì jambandimaa be tu la laariŋ bankoo to wo le ñaama.

Esekiyeli 35:8

M be ali la konkoolu fandi la niŋ furewolu le la. Ali la konkoriŋolu, ali la wulumbaŋolu, aniŋ ali la woyoolu bee be tara la faariŋ furewolu le la, mennu faata keloo kono.

Esekiyeli 39:4

Ite niŋ i la kelediŋ kafu baa aniŋ i deŋñoolu bee be faa la wo konkoolu le kaŋ, ali ye naa ke duwoolu niŋ wulakono daafeŋolu ye domoroo ti.

Esekiyeli 39:6

A ko: “M be dimbaa le jindi la naŋ Makooki bankoo kaŋ aniŋ moolu mennu be sabatiriŋ kayiroo kono baadaa borindoolu la. Wo to le ì si a loŋ ko, nte le mu Yaawe ti.

Yesaya 24:21

Wo waatoo la, Yaawe be saŋo santo sembetiyolu jarabi la le, aniŋ maralilaalu mennu be duniyaa kono.