Esekiyeli 39:21 - Mandinka Bible

²¹ A ko: “M be n na kallankeeyaa yitandi la bantala bankoolu bee kaŋ ne. Wo bankoolu bee be n na kiitiyo je la le ŋa meŋ laa ì kaŋ, aniŋ m buloo siita ì la ñaameŋ.

Esekiyeli 39:21 ပူးပေါင်းရင်းမြစ်များ

Esekiyeli 38:23

Wo ñaama le m be n na waroo niŋ n na seneyaa yitandi la wo banku jamaa la. Wo to le ì be a loŋ na ko, nte le mu Yaawe ti.”

Esekiyeli 38:16

I be naa ka ñapi n na moolu Banisirayilankoolu kaŋ, komeŋ minaayoo meŋ ye bankoo bee muuri. Ñaato siniŋ m be a ke la le i ye naa ñapi n na bankoo kaŋ. Bari niŋ m buloo laata ite Kooki kaŋ, m be n too senuŋo lankenemayandi la le, aduŋ wo bantala bankoolu be a je la le. Niŋ wo keta, duniyaa bee be a loŋ na le ko, nte le mu Yaawe ti.”

Esekiyeli 36:23

M be a yitandi la le n too warata ñaameŋ aniŋ a jankuta ñaameŋ. Ali ye jutunnayaa samba n too senuŋo kaŋ bantala bankoolu bee le kaŋ. Bari m be n too la seneyaa yitandi la ali kono le, aduŋ bantala bankoolu bee be a je la le. Niŋ wo keta, ì be a loŋ na le ko, nte le mu Yaawe ti.” Maarii Yaawe le ye a fo.

Yesaya 37:20

Wo to saayiŋ Yaawe, ǹ na Alla, ǹ tankandi ñiŋ mansa bulu. Niŋ wo keta, duniyaa mansamarali bankoolu bee si a loŋ ko, ite Yaawe doroŋ ne mu Alla ti.”

2 Musa 9:16

Bari ka n semboo yitandi i la, ŋa i bula le i baluuta, fo n na darajoo si janjaŋ noo duniyaa bee kono.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Esekiyeli 39:13

Moolu mennu bee be bankoo ñiŋ kaŋ be tara la ì baadee kaŋ ne. Wo le be horomoo niŋ buuñaa samba la naŋ ì kaŋ, wo luŋo meŋ na m be n na kallankeeyaa* yitandi la.” Maarii Yaawe le ye a fo.

Yesaya 26:11

Hee Yaawe, i buloo be teekariŋ ne, ka ì mantoora, bari ì maŋ a je. Allamaa ì ye i hamoo je, i ye meŋ soto i la moolu ye, ì ye malu. Allamaa dimbaa meŋ be pareeriŋ i jawoolu kamma, ye ì jani.

1 Samuweli 6:9

bari ali si ali ñaalu tu looriŋ a kaŋ. Niŋ a taata fo a fansuŋ bankoo kaŋ, Beti-Semesi maafaŋo la, bituŋ ali si a loŋ ko, Yaawe le ye ñiŋ mantoora jawu baa laa ntolu kaŋ. Bari niŋ a maŋ tiliŋ wo to, bituŋ m̀ be a loŋ na le ko, a buloo maŋ laa ntolu kaŋ, a keta ǹ na le doroŋ.”

1 Samuweli 5:11

Bituŋ ì ye Filisitinkoolu la maralilaalu bee kumandi, aduŋ ì ko, “Ali Banisirayilankoolu la Alla la Kambeŋ Kunewo seyindi, a ye muruŋ a la dulaa to, niŋ wo nte a be ntolu niŋ ǹ na moolu faa la le.” Kaatu saayaa kijafaroo le tarata faariŋ saatewo kono. Alla la yankankatoo warata a kaŋ ne.

1 Samuweli 5:7

Kabiriŋ kewolu mennu be Asidodi, ye a je meŋ be ke kaŋ, ì ko, “Banisirayilankoolu la Alla la ñiŋ Kambeŋ Kunewo maŋ ñaŋ na tu la ntolu bulu, kaatu a la yankankatoo warata ntolu niŋ ǹ na alla Dakoni kaŋ ne.”

2 Musa 14:4

M be Firawoona sondomoo jandi la le, aduŋ a be ali bayindi la le. Bari m be n na semboo niŋ waroo yitandi la Firawoona niŋ a la kelediŋ kafoo bee la le, fo n too si horoma. Misirankoolu be a loŋ na le ko, nte le mu Yaawe ti.” Banisirayilankoolu ye wo le ke.

2 Musa 8:19

Batuutaatiyolu ko Firawoona ye ko, “Ñiŋ mu Alla faŋo le buloo ti.” Bari Firawoona sondomoo jaata le, a maŋ i lamoyi, ko Yaawe ye a fo nuŋ ñaameŋ.

Jabuuroolu 32:4

kaatu suutoo niŋ tiloo, i bulu laata n kaŋ kendeke le. M barakoo sulenta le, a keta komeŋ tilikandikono jaa. S

Mika 2:9

Ali ye n na moolu la musoolu bayi ka bo ì la buŋolu kono, ì niiseewoo dulaalu. Ali ye n na neemoo buusi ì diŋolu la burayi.

Jabuuroolu 94:10

Ate meŋ ka bantala banku* moolu jarabi, fo a te alitolu jarabi la baŋ? Ate meŋ ka londoo dii, fo a maŋ londoo soto baŋ?

Malaki 1:5

Alitolu Banisirayilankoolu, ali ñaa be boyi la ñiŋ kaŋ ne, aduŋ ali si a fo ko, Yaawe le warata hani ka tambi Banisirayila naanewolu la.”