Esekiyeli 38:5 - Mandinka Bible

⁵ Perisiya, Kusi*, niŋ Puti bankoolu fanaa be laariŋ i kaŋ ne, ì bee niŋ ì la koteeroolu niŋ ì la nee naafoolu.

Esekiyeli 38:5 ပူးပေါင်းရင်းမြစ်များ

Esekiyeli 27:10

“Perisiya, Ludi, aniŋ Puti kewolu le be i la kelediŋ kafoo kono, aduŋ itolu le mu i la kelejawaroolu ti. Ì la koteeroolu* niŋ ì la keleraŋ nee naafoolu ka tara dendiŋ i karoo bee le la. Wolu le ka i ñiiñandi.

1 Musa 10:6

Hamu dinkewolu, wolu le mu: Kusi ti, Misira, Puti aniŋ Kanaani.

Esekiyeli 30:5

“Kusinkoolu, Putinkoolu, Ludinkoolu, Araabuduunkoolu, Libiyankoolu, aniŋ n na laahidi banku moolu, ì niŋ Misirankoolu bee be faa la wo keloo le kono.”

Nahumu 3:9

Kusi* niŋ Misira le mu a semboo ti, dandulaa te meŋ na. Puti niŋ Libiya, wolu le mu a maakoyilaalu ti.

1 Taarika 1:8

Hamu dinkewolu, wolu le mu: Kusi, Misira, Puti aniŋ Kanaani.

1 Musa 10:8

Kusi mu Nimurodi faamaa le ti. Ate Nimurodi le keta moo foloo ti duniyaa kono ka ke kelejawara baa ti.

2 Taarika 36:20

Mennu kanata hawusaroo ma, a ye wolu samba mutoo kono Babiloni, aduŋ ì keta a niŋ a koomalankoolu la joŋolu ti, fo janniŋ Perisiya mansamarali bankoo be maraloo ke la.

Esira 1:1

Perisiya mansa Kirusi la maraloo sanji foloo kono, wo tumoo le Yaawe* ye a la laahidoo timmandi, a ye meŋ fo ka bo niŋ Annabilayi Yeremiya la. Yaawe ye miiroo le duŋ Kirusi sondomoo to, a ye kankulaari kumoo kii a la mansamarali bankoo bee kaŋ, aduŋ fanaa kankulaaroo ñiŋ safeeta teŋ ne:

Esekiyeli 30:4

Keloo le be boyi la Misira bankoo kaŋ. Silaŋ baa ye duŋ Kusinkoolu* la. Kaatu moo jamaa le be faa la Misira bankoo kaŋ. A la fankoo niŋ a neemafeŋolu bee si ke ñapinkaŋ feŋolu ti. A fondamaŋolu ye boyi.

Daniyeli 8:20

I ye saajiikotoŋo meŋ je bina fula be a la, wo mu Mediyankoolu niŋ Perisiyankoolu la mansamarali bankoolu le misaaloo ti.