Esekiyeli 38:15 - Mandinka Bible

¹⁵ I be bo la naŋ dulaa jaŋ baa le to maraa karoo la, ite niŋ wo kafoo bee be tara la seleriŋ suwoolu le kaŋ. I niŋ i la kelediŋ kafu baa niŋ sembe baa le be naa la ka bo naŋ banku jamaa kaŋ.

Esekiyeli 38:15 ပူးပေါင်းရင်းမြစ်များ

Esekiyeli 39:2

M be i murundi la i koo la le, ka i kuruntu naŋ bulubaa karoo la, fo ŋa i futandi Banisirayila konkoolu to.

Esekiyeli 38:6

Komeri niŋ a la kelediŋ kafu baa, Beti-Tokarima mennu bota naŋ dulaa jaŋ baa to maraa karoo la, ì niŋ ì la kelediŋ kafu baa. Moo jamaa le be ite Kooki fee.

Lankenemoo 20:8

Aduŋ a be taa le ka nasiyoŋolu neenee duniyaa tonkoŋ naanoo to, ka wolu kafu ñoo ma keloo ye. Ñiŋ nasiyoŋolu bee kafuriŋolu ñoo ma si kumandi noo Kooki niŋ Makooki le la. Wolu be siyaariŋ ne ko bankumunkoo.

Lankenemoo 16:16

Bituŋ ì ye mansoolu kafu ñoo ma dulaa kiliŋ to, ì ka a fo daameŋ ye Hiburu kaŋo to ko Amakidoni.

Lankenemoo 16:14

Ì mu noora jawoolu le ti ka bo Seetaanoo* yaa, mennu ka kaawakuwolu ke. Ì ka finti le ka mansoolu kafu ñoo ma ka bo duniyaa tonkoŋ naanoo bee to, ka keloo ke luŋo la, meŋ be ke la Alla Mansa Tallaa la luŋ baa ti.

Sefaniya 3:8

Wo kamma la, Yaawe ye ñiŋ ne fo, a ko: “Ali i lamoyi m ma, fo janniŋ luŋo meŋ m faŋo be wuli la ka ke bankoolu la kuwolu tuumilaa ti. M pareeta le ka bankoolu bendi ñoo kaŋ, ka mansamarali bankoolu kafu ñoo ma, ŋa n na jaraboo jiyo jindi naŋ ì kaŋ, n na kamfaa baa. Duniyaa bee ye kasaara, n na kamfaa dimbaa la.”

Yoweli 3:2

M be bankoolu bee le kafu la ñoo ma, ŋa ì samba naŋ Yehosafati Wulumbaŋo to. N niŋ ì ye duŋ kiitiyo kono jee, kaatu ì ye m faŋo la moolu, Banisirayilankoolu janjandi bankoolu kaŋ ne taariŋ, ì ye n na bankoo talaa ñoo teema.

Daniyeli 11:40

“Waatoo meŋ londita Aramu mansa ye, niŋ wo waatoo siita, Misira mansa be a boyinkaŋ na keloo la le. Bari Aramu mansa be a benduŋ na keloo la le, komeŋ burufatoo niŋ kankaŋo, a niŋ a la keleraŋ sareetoolu*, suwoolu, aniŋ kuluŋ jamaalu. A be banku jamaa le boyinkaŋ na ko waamoo.

Esekiyeli 38:4

M be i murundi la i koo le la, ŋa dooliŋo bula i ŋaaŋaa daa ka i kuruntu, i niŋ i la kelediŋolu, aniŋ suwoolu niŋ suuborindilaalu muumee bee, mennu bee be pareeriŋ, ì niŋ ì la kelejooraŋolu. Ì mu kafu baa le ti, ì niŋ ì la koteerindiŋolu* niŋ koteeri baalu, ì bee niŋ ì la hawusaroolu*.

Esekiyeli 32:30

Mansariŋolu mennu bota maraa kara maafaŋo fanaa la be jee le, ì muumee bee, ì niŋ Sidoninkoolu mennu bee faata, ì taata kaburoo kono duuma, ì niŋ maloo. Kaatu ì ye silaŋo le dundi moolu la, ì semboo la waroo kamma. Ì be laariŋ Alla lombaloolu le kono, mennu faata keloo kono, ì niŋ ì ye ì la maloo dunoo taa ñoo la kaburoo kono duuma jee.

Yoweli 3:11

Alitolu bankoolu bee, ali naa katabake, ali ali faŋolu kafu ñoo ma wulumbaŋo to.” Dukaree Yaawe, i la kelejawaroolu kii ì kaŋ naŋ!