Esekiyeli 38:13 - Mandinka Bible

¹³ Sebankoolu niŋ Dedaninkoolu niŋ juloolu mennu be Tarisi aniŋ a saateeriŋolu bee to, be a fo la ite Kooki ye le ko, ‘Fo i naata le ka tiñaaroo ke baŋ? Fo i ye i la ñiŋ kelediŋ kafu baa bendi ñoo kaŋ ne ka naa ñapi i jawoolu kaŋ, ka ì la feŋolu buusi ì la? Fo i be ì la sanoo niŋ kodiforoo taa la le, ka ì la beeyaŋolu niŋ ì la sotofeŋolu bee buusi ì la?’

Esekiyeli 38:13 ပူးပေါင်းရင်းမြစ်များ

Esekiyeli 27:15

“I niŋ Dedaninkoolu ka julayaa ke le, aduŋ wo moolu mennu bota baadaa borindoo bee la mu i la kiliyaanoolu le ti. Ì ka i la marisandiisoolu faliŋ i yaa samañiŋolu aniŋ kuukuu babaroo le la.

Esekiyeli 32:2

Ite hadamadiŋo, niikuyaa kumoo fo Misira mansakewo Firawoona ye ko: “Ite ye i faŋ ke jatoo le ti duniyaa bankoolu bee kono, bari i ka muluŋ ne ko bamba baa meŋ be baa kono. I ka punsaŋ i la baa kono ka jiyo bee duundi niŋ i siŋo la.”

Esekiyeli 27:25

Kuluŋolu mennu bota Tarisi le ye i la marisandiisoolu samba i ye. “Wo kamma la, ite Tire ka munta le ko i ye kuluŋo meŋ fandi niŋ marisandiisoolu la baa teema.

Esekiyeli 27:20

“I niŋ Dedaninkoolu ka julayaa ke le. Ì ka kirikee faanoolu waafi i ma le.

Esekiyeli 27:12

“Ite Tire, i niŋ Tarisinkoolu ka julayaa ke le, kaatu i fankabaata le. Ì ka kodiforoo, newo, fuyuŋo aniŋ kurudoo faliŋ niŋ i la marisandiisoolu le la.

Esekiyeli 25:13

Wo kamma la, Yaawe m̀ Maariyo ye ñiŋ ne fo ko: “M buloo be laa la Edomu bankoo kaŋ ne ka a moolu niŋ a daafeŋolu bee buruka ka a kenseŋyandi. Ka bo Temani hani ka taa fo Dedani, ì be faa la keloo le to.

Yeremiya 51:38

A moolu be bumbuŋ na ñoo la le ko jatoolu, ì ye ŋuura ko jatadiŋolu.

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Jakariya 11:3

Ali maralilaalu woosii kaŋo moyi baŋ, ì la kallankeeyaa yeemanta le. Ali ali tuloo loo jatoolu kumakaŋo la baŋ, Yoridani Boloŋo wuloo tiñaata le.

Yeremiya 50:17

Yaawe ko: “Banisirayila ka munta le saajiyolu, jatoolu ye mennu bayindi ka ì janjandi. Meŋ foloo ye i baluu a la, wo le mu Asiriya mansakewo ti. Silaŋ meŋ labanta a kuloolu feefee la, wo le mu Babiloni mansakewo Nebukanesa ti.”

Yeremiya 15:13

Yaawe ko n ye le ko: “M be ali la naafuloo niŋ ali la sotofeŋolu dii la le ka ke ñapinkaŋ feŋo ti. Ñiŋ ne be ke la ali la julujoo ti, ali la junuboolu kamma la, ali ye mennu ke bankoo fannaalu bee la.

Jabuuroolu 57:4

Nte ka munta le ko, m be jata konkoriŋolu le teema. Ì ñiŋolu munta le ko soora kesoolu niŋ kalabeñoolu, ì neŋolu be ko hawusaroo*.

Yesaya 33:23

Bari ǹ jawoolu la kuluŋo juloo maŋ bambaŋ, a dokoolu ka jiijaa le, aduŋ a foño mutaraŋ faanoo maŋ fanu. Wo to, ñapinkaŋ feŋ jamaa be talaŋ-talaŋ na le, lanjuurutoolu faŋolu ye doo soto jee.

Yoweli 3:8

M be ali dinkewolu niŋ ali dimmusoolu duŋ na Yahuuda moolu bulu le, ì ye ì waafi Sabeyankoolu ma, banku jamfariŋ baa.” Yaawe le ye a fo.