Esekiyeli 37:9 - Mandinka Bible

⁹ Bituŋ a ko n ye ko, “Hadamadiŋo, kuma foñoo ye n too la, a fo foñoo ye nte Yaawe, i Maariyo ye ñiŋ ne fo ko: Foño, fee naŋ ka bo duniyaa tonkoŋ naanoo bee to, niyo ye duŋ ñiŋ furewolu la, ì ye mennu faa keloo to, fo ì si wuli ka baluu.”

Esekiyeli 37:9 ပူးပေါင်းရင်းမြစ်များ

Yohana 3:8

Foñoo ka fee le, a lafita ka taa daameŋ. I ka a kumakaŋo moyi le, bari i maŋ a loŋ, a ka bo naŋ daameŋ waraŋ a ka taa daameŋ. A be moo-wo-moo ye wo ñaa kiliŋo le ñaama, meŋ wuluuta ka bo niŋ Nooroo la.”

Suukuwo 4:16

Foño, wuli naŋ maraa karoo la, foño, wuli naŋ bulubaa karoo la, ali fee naŋ n na naakoo kono, seerandi feŋolu seeroo ye janjaŋ. N kanuntewo ye naa a la naakoo kono, a ye a yiridiŋ betoolu domo.

Esekiyeli 37:14

“M be n na Nooroo duŋ na n na moolu kono le, fo ì si baluu, aduŋ m be ì sabatindi la ì fansuŋ bankoo le kaŋ. Wo le to, ì be a loŋ na ko, nte faŋo le daalita, aduŋ ŋa a ke le. Nte Yaawe le ye a fo.”

Esekiyeli 37:5

Nte, ali Maarii Yaawe ye ñiŋ ne fo ali ye ko: M be niyo duŋ na ali la le, aduŋ ali be baluu la le kotenke.

Jabuuroolu 104:30

Niŋ i ye i la baluwo niijii foñoo dii ka ì daa, baluu kutoo ka soto kotenke.

Lankenemoo 10:11

Wo to le ŋa yaamaroo soto ko, n ñanta kiilaariyaa kumoo fo la le kotenke, bankoolu la kuwo to, nasiyoŋolu, kaŋolu aniŋ mansoolu.

Lankenemoo 11:11

Bari n naata a je le ko, wo tili saba niŋ talaa koolaa, baluwo niijiyo meŋ ka bo naŋ Alla yaa, dunta ì kono, aduŋ ì loota ì siŋolu la. Silaŋ baa boyita moolu kaŋ, mennu ye wo je.

Esekiyeli 37:4

Bituŋ a ko n ye ko: “Kiilaariyaa kumoo fo ñiŋ kulu jaaroolu ye n too la ko: Alitolu kulu jaaroolu, ali i lamoyi nte Yaawe la kumoo la.

Esekiyeli 37:8

N naata a je ko, fasoolu, balasuboolu, niŋ balafatoolu bee keta ì bala le, bari nii maŋ duŋ ì la foloo.

Daniyeli 11:4

Bari niŋ a loota mansayaa to fo a bambanta, a la mansamarali bankoo be teyi la le, a ye janjaŋ tonkoŋ naanoo bee la, aduŋ a be talaa la mennu teema, wolu te ke la a koomalankoolu ti. Ì la maraloo niŋ a taa te kaañaŋ na. Ì be a la mansamarali bankoo taa la le ka a dii moo koteŋolu la, mennu niŋ ate koomalankoolu te ke la kiliŋ ti.

Hoseya 13:14

“Fo n ñanta ñiŋ moolu kumakaa la fureeduu semboo ma le baŋ? Fo n ñanta ì kiisa la saayaa ma le baŋ? Saayaa, muna i la alibalaa kuuraŋo lee? Fureeduu, i la kasaaroo lee? Balafaa, hani a domandiŋo te n ñaa to.

Jakariya 6:5

Malaayikoo ñiŋ ye n jaabi ko, “Ñinnu mu noora naanoo le ti. Ì bota looriŋ duniyaa bee Maariyo ñaatiliŋo le la, saayiŋ ì be taa kaŋ.