Esekiyeli 32:8 - Mandinka Bible

⁸ Feŋ-wo-feŋ meŋ ka mala saŋo santo, m be a bee dibindi la le, ŋa dibi fiŋ baa dundi i la bankoo kaŋ.” Maarii Yaawe le ye a fo.

Esekiyeli 32:8 ပူးပေါင်းရင်းမြစ်များ

1 Musa 1:14

Bituŋ Alla kumata ko, “Malafeŋolu ye ke saŋo bala ka suutoo niŋ tiloo bondi ñoo to, aniŋ ì ye ke taamanseeri ti tiloolu la, saŋolu aniŋ waati looriŋolu,

Kuma Kotoomaalu 20:20

Niŋ i ye i baa niŋ i faa neŋ, i la lampoo be dubeŋ na le.

Yuuba 9:7

Ate le si a noo, a ye yaamaroo dii tiloo la, a kana finti, a ye looloolu bali, ì kana mala.

Kawandilaa 12:2

I hakiloo ye bula a la, janniŋ tiloo maloo, karoo maloo, aniŋ looloo maloo be dibi la, janniŋ tawaloolu ka muru naŋ, sanjiyo koolaa.

Yesaya 34:4

Saŋo santo malafeŋolu si yooyi, saŋ fatoo si moromoro, looloolu bee si joloŋ, ko yiri jamba jaariŋo ka joloŋ ñaameŋ, ko sooto diŋ nororiŋo ka joloŋ ñaameŋ.

Yoweli 2:10

Bankoo ka jarajara ì ñaatiliŋo la le, saŋo ye maamaŋ, karoo niŋ tiloo ye dibi, looloolu ye i dahaa maloo la.

Jakariya 14:6

Wo luŋo la, malafeŋ te soto la, sumayaa te boyi la, sako nenoo si ke.

2 Musa 10:22

Wo to le Musa ye a buloo tiliŋ saŋo maafaŋo la, aduŋ dibi baa ye Misira bee beŋ fo tili saba.

Yesaya 13:10

Saŋo looloolu niŋ ì la maloo te je la. Niŋ tiloo be wuli la, a si dibi, aduŋ karoo te mala la.