Esekiyeli 32:6 - Mandinka Bible

⁶ I yeloo be woyi la le ka bankoo bee sinandi. Fo ka taa konkoolu to, jiibori siloolu bee ye faa i yeloo la.

Esekiyeli 32:6 ပူးပေါင်းရင်းမြစ်များ

Yesaya 34:3

Ì furewolu be tara la fayiriŋ ne, ì ye tara sunkaŋ na, konkoolu bee si tara faariŋ ì yeloo la.

Lankenemoo 14:20

Aduŋ ì dorita wo yiridinjii bitidulaa kono, saatewo banta la. Bituŋ yeloo naata woyi ka bo yiridinjii bitidulaa to. A jamfata santo ka futa fo suwoolu la karafewolu to, aduŋ a la karajamfoo niŋ kilomeetari keme saba si kaañaŋ.

Yesaya 34:7

Ì niŋ daakoyoolu le be faa la ñoo la, tuuraariŋolu niŋ tuuraa baalu. Ì la bankoo be faa la yeloo le la, dulaa bee ye tara faariŋ keŋo la.

2 Musa 7:17

Yaawe ye ñiŋ ne fo ñiŋ kuwo to ko, i be a loŋ na le ko, ate le mu Yaawe ti. Ñiŋ dokoo meŋ be m bulu teŋ, m be baajiyo lipa la a la, aduŋ a be yelema la yeloo ti.

Lankenemoo 16:6

Moolu mennu ye i la moo senuŋolu yeloo boŋ, a niŋ annabiyomoolu yeloo, ite naata ì mindi niŋ yeloo le la. Ì jarita kuluuroo meŋ na, ì naata a soto le.”

Esekiyeli 35:6

Maarii Yaawe ko: “A be koyiriŋ ñaameŋ ko nte be baluuriŋ ne, m be ali parendi la yeleboŋo le ye, aduŋ yeleboŋo le be bula la ali nooma. Baawo ali tuumita yeleboŋo le la, wo to yeleboŋo be bula la ali nooma le.

Esekiyeli 35:8

M be ali la konkoolu fandi la niŋ furewolu le la. Ali la konkoriŋolu, ali la wulumbaŋolu, aniŋ ali la woyoolu bee be tara la faariŋ furewolu le la, mennu faata keloo kono.